28 : Gussa yal addi birwanga.

1. Youm tra yal addi bourwé tra Issangar terni Issar mallouma galou idji inni tani gueniréré haya kolir touzounaa hanguirik? Issay gna malouma galour coulidinga? Allah hinno ini couri gali biner, tchirou haya colour touzounaa dango charia Allanga ginna gasse.

1. Yal adoui Issar fidji : ini inni ginna guenireré charia Allanga tabanirgui? Issay merére far: ang colir yirimi yidji, zinana colir guenoumi yidji, wouna wounoumi yidji, mouna colir faroumi yidji, wourdana tchoua karramou yidji, ang édinké nouma bour dag yidji, za oronouma dagouma.

3.Tchirou yalou Issar farni : tani koyi addour dêh ang yidirdi, zouna ni djenirdi, wouna wounoudi,mouna fadirdi, wourda tangani karamouridji, charia ara ginna kassirdêh. Owoni ini kouri djéniréré haya touzzouna drôt izirik? Issa mirérou tchouki radjini tcholtchi.

1. Issay ylour fariguiré: inta ang galy nigissigré dango, souttona rozzana ginna djassna gourssa hounta amma bouzzourarou yênen tê guénougo Allay belké djana douro rozzou tcheng. Ter bara yinna tangar tabadoune.

1. Koy yalou meri Issaga bazzour mére birwa djilan bour guirton, rouzza houna guinna sarakinga'nga daguinni, mére saga ter.

1. Issa ashaba hounar fariguiré: amma bourwa raha Allanga drô zouttouga kidjaychi tèr corée gonne lillou olloufraw zourouga kidjay manama amma bourwa raha Allanga dro zouttouny.

1. Kéy meri . ay Issay far ashaba houna bassour moura bour ruinntou: akèr amma bourwa raha Allanga dro zouttounô gnar raha tchengue?

1. Issa sahabar tchouqui rayni ogoni fariguré: ang miré raha ammar tchingro toussou tchirou, Allar ini toussou bey.

1. Ang trâa sourouma Pierre yintiga Issar far tan asapa nouwa inna tiro ginna foutour inta tabatour, tinta kouyirou djazaTintanga inni?

1. Issay djoptchi: Amma ara tagour djillar yaga hountayé, dimira hountayé, dirahountayé, rozzahountayé, ginna foutta mourra belké inna hounta goura courra kidiri hakkintigui awinni haya coyra hakkintigui. Tchirou amma arra noukkou ammarou coyrou tchika ammarou saga boussou, amma noukkou saga tchikka corou boussou.

Gussa: min kitabe al mougadass, min injil matta, min soura 19, min aya 16 ila 30, min soura 10: min aya 17 ila 31, min injil louga, min soura 18: aya 18 ila 30