Gussa 47 : Bouloussyé Sillasyé filipoussoul tchiki

1. Chaoul mamlaka Roumanga guinna dro érchidji keyter Chaoul sourma forochini sourou amma ara Roumaw godji, sourtè Boulouss, yom tra Boulouss yé Silass yé amma koura lassounda yé guinna nii tra Filipouss yintiga otour mira ara tchoussa Issaya ammar kara chettigré ogoni forou kolo amma guinna tchabtountou selléyintiga law tourtou, koy tèr bara ari tadjir sourma Ladiya yintiga gui foktoundou arima meré Allar dagni ébéttchingni.

1. Ladia Issa ngadour Allay woffoctchitchéne. Boulouss yé Silass yé arima bassouna gui you dro dintou, tekénér Boulouss yé Silass yé coulii yaga houmar gui boussougrére.

1. Boulouss yé Silass yé key salanga tourti guinna amma ammanna gui foctintic. Wekir guinnar, loko... Berè tra mardi Hakkintou martey berangar ini couir tiguissiga arimar wassa tcheng. Tekénar bera rozzou bour hakkink sourdè tissou.

1. Mara tagantiguré guinna dow bera woukineré, adga ara agra Allah bour biyouwa. Maray zouron: indanoucouga n'djoufatitchiki, ! trk farirè Boulouss attoura owortchi.

1. Willamar, youm tra, loko bera tchirrou dinnigré tissou, Boulous miré la fougtoun ni djinnou arimma daa tchingar farigré: "sourou Issangar arimmar roug idji" kourére dèh arimmar tchourou.

1. Amma berére dirou moura bour owortchintou, Mouray fattou chidane kirtchir bera inna belkè wakkayintiga ammar gouro fanni. Tèh djilan amma mera hounar gourssa tissinni.

1. Agou bera magra houna Boulouss yé Silass yé bou Romangar wouttou, guirssi tchentouni danggay dro moukkou.

1. Mouraye Boulouss yé Silas yé dangay moukkou tchirri gerda tchikkour. Akka baa da digahounta touyintou. Tchirou doussou-kou tissour, Boulouss yé Silas yé kirayintou choukour Allaya.

1. Fadjiwar, zilzal biy tiguissou baaba dangaya guinna lantoune. Ogonni salaka dangayranga guinna tiguirtitou.

1. Tèr bara guerdi dangaynag yèrtchi, baaba dangaya guinna lantrar dourrou, key dourour méré agassouhouma goyni nefssi-houma tchirikrér djasstin, amma méré tchittinnér kou. Méré dangayra guinna tcharkou yidji. Tchirou Bouloussi mérér dourou woukkini garrou garrou nefssinouma dourranimi yidji. tara guinna tchikki.

1. Gerdou buburtchi ngguir yey Boulousseyé Silasynga terni mara fidis nike genére kalla hanguir ids? Boulousy merer far Issa nganougaré indaye amma nuyé guinna kalla haguigui ids ter bara gerdou bouloussye Silasy guinna yegéma wow ter bara Boulouss amma yega doro tchika guinna ara tchoussa Issa lawwa ammar.

1. Ang ay guerdou yé ousra souma guinna yé Issar nganyintou Boulouss yé Silas yé you douro dintou agou mourar machi gourtou tchéne ogoni forar machintou.

1. Fitchima tiguissour amma ara bay Boulouss yé Silas yé danggayr aga chettou ni nima soppouyintou ter bara bara bouloussyé Silas yé (ladiaye) lahouna koura nima dro tchika guinna ziyara tchentou ni tèr bara nimar tchourkou, tè guinnar labara ara tchoussa Issaya tartoun ogoni kanissa na mountay.

1. Boulouss yé massina koura baa tchikka guinna nia moundou law erchindou, waz yé ina koura tchoussa Issa law bassa yé guinna ammar garachttigré ogoni mara wotig mountou rouyountou ammar tchentrè amma ara Issar ngayintra kanissa dora koura tchettirre wotiga ara Boulouss yé massina koura baye royntra goura ounnouna kitab ay massina koura baye tchiki.

Gussa kitab al moukhadass dro: aamal al Roussoul 16: aya 11 ila 40