Gussa 3. Al Toufane

1. Anourou bara; dinna dro amma moundjountou. Ina bourou zounta gissitchiki , agu Allay amma guiressigarou yi bourou bou balarou gourti.

1. Tchirou Allay , Nouh amma ginnarou galirou dourou. Allay Nourou fariguiré : yi bourou bou kourtirgui yi . Te djiland Allay markaba bourou bou djéén yi.

1. Allay Nouhrou fariguiré : Markaba djéén yi . Markaba droussousouma baa kidri ye mourta touzo yé , tchourowssouma baa diguidem sa aguzou yé , dadoussouma baa mourdom sa agouzou yé law yé . Nouh markaba ekkerou djeyingui ni dro kicha mounta domboug. Markaba dro , Nouh yé yalasouna yé, kindjila orora ginna , boussoug yiou touzougaro ginarou

1. Nouh miré yé yalla souna ki , zaga Allay farou keguerou markaba djeyintou . Nouh amma inna zounta guissigarou, soppouna trowa Allanga gontou yi ni tchi . Tchirou amma guissii bekki.

1. Allay Nouh yé yalassouna yé ro fariguiré : Ina nountaye orozontaye boudinga ginna gontou. Yiou rigarou badiima , Allay Nouhrou fariguiré : Inta yé arinuma yé yallanouwa akhouzouwa yé adiassounta yé ginna markaba dro zouttou, yi.

1. Oraza kindjilah nana, edi yé ankir yé , tchowoura yé ginna Allay Nohrou goudou tcheni markaba dro gui bouzik. Awouni oroza sadagarou gissiga na ediyé ankir yé goudou tchen. Moura ginna markabarou zoutourou bara, Allay tchissuma djaki.

1. Agu yiou ri tigissou. yiou touzzounerou diski mourtatozo yé dougoussou mourtatozoro dow . Koy drouma ginna yi mbeltidé; hadaya ginna you loumtchintou.

1. Ina orro dida markabarou aga tchinga ginna tchattu. Markaba yiou da teri tchi, ama yé oroza yé dro tchikka ginna wassa.

1. Yiou touzourou bara, markaba yiou da teri tchirou owra fowrou bouzou . Owra agouzourou bara hadaya dahanta fouchintou.

1. Digissa mourta touzorou bara, Nouhi tchowri tra bii layinguiro aga goudou. Tchirou, tchowrou koy haki bouziguiré bey . Saga ri.

1. Awouni Nouhi, wokitra tiguissou , tchowri koudi gourou, Koy tchakinga hakinde bey ; saga ri. Kawrou bara , tchowrou gouroungarou, tchissoumarou illi godji ri . Agu bou galiyende gordi fossou.

1. Awouni kagou bara, tchowri koudi gourou ni koy ndjordou laynguiro. Tchowrou koy tchakinga hakkinde bey saga zaptoun.

1. Owra tchourou bara, Allay Nouhrou fariguiré : Agou nounta ginna markaba dro roukkou yi ; foussoudou ni , boussama mbeltou . Agu tchouroukou.

1. Tchouroukourou bara , Nouh tiga sadakhaw guedji ni , oroza sadakhanga tchidou ni sadakhi.

1. Allay fariguiré : bassama barkassouma tourourdirou wahad gonour. Awouni yi bou aigor ama tchiriga kourtirdi , amma moura bigirarou tigissitou djiland.

1. Allay wahada souma wassaga tchengiro , samarou ngouli micbedenga naw sow . Tekeguerou sama dro michedenga gourouwo , ndjana wahada da yanting.

Gussa min Kitab al moukhadas, min kitab Takwin ,min soura 6 ila soura 8