Gssa 44 : Boutrouss yé Yaya yé ang farayinga kadirtou

1. Youmtra Boutrouss yé Yaya yé guircou tourti tchikir angnitra doungou guircou tchimar tchii, amma millechini_tchir douttou.

1. Boutrouss ang doungour radjini farigré: " Tani gourssa ninnirigrè tardi tchir na ini tarou ninnirigui idji. Sourou Issangar yérrou sagane!"

1. Commendredèh, angnii doungou kalay digan Allay kadre. Miré aw tiganigré, bourtchingré tissou, ogoni méré Allar choukourtchi. Amma saraa guirkougan dro tchikou guinnay odjobtchintou.

1. Amma djama commendir ridouni ang doungou Allay chafayinna douttougré. Boutrouss marar farigré: "Gnan nara kadou angni ayngar wossouma? angnii ay dounan ountourna chfantirdé bey, tchirou Issay khoudra Allangar chfadji.

1. Nintas amma fattoume dirdé Romangar Issa youttoutoume. Ninta youttoume agou ammarou guinnar hayatchèga. Tchirou Mallay guirrou amma tchatira gui. Nara inna gueyintinga hanantoumy, tchirou inni ay gueyentouga inna Nébaye fattou kantchinna. Mouraye fattou Issa taptchinguini noussouguini. Ay izzine Allaw ,law allga yourdouni toupouni bigata fouroutchéntigui.

1. Loko yahouda baa boutrouss yé Yahya yé méra hounta bassour mouray bour wayintou. Agou moura wogobtchintou ni dangay moukkou. Tchirou amma mounta guinna méri Boutroussgan ganyintou. Amma Issa ganyintra adad hountou douba fowour na (5000) ngoulli.

1. Fitchouma tissour, yahouda baasounda Boutrouss yé Yaya yé amma dina kourayé badayé guinna koy mallah biyanga gourou, ogoni ang ay doungou kadirtana gourtoutou, malla biya Boutroussir yé Yayar yé guinnar wouttou, Douna innour ang ay katourtoum yintou?

1. Boutrouss marar far: "Angnii ay couintoumar tchinga moudjiza Issal-messingar Allay chafadji. Messi ay nintaye ekké da lostoumni yittoum. Tchir Allay guir." Nintay Issar wantoume, tchir za couri kalla hankingré bey.

1. Yahouda baa souta bour daa wabou zaka Boutrouss yé Yaya yé ogouzar noukkindi tchikkour, noukkou maray ammani aadiani djalani ngnyentoudidi, lakin ounou mara ammara Issagui bousré gordour zekertchindou. Tchirou yahouda baa sounta fattou: méri Issay fadè tra ammar fantti dassa bour azab nitchetirk, yintou", mertè bour fatrèr bara, Boutrouss yé Yaya yé foutou ni tourtou.

Gussa mine kitab al moukhadass : mine amal al Roussoul 3: mine aya 1 soura 4: mine aya 22