Gussa 20 : Al Hidjira wa Al roujouh

1. Lardou izrayilou yé laradou judaw yé moura tchouguinna Allahgua assintou. Moura allagua Allah qui djabal sineyngarou dintou gortou. Gourou béga houna terrén tchentiguiré awouni toubtchintiguiré, miré ibadtchintiguiré, troni houne, tchirou, meri souma wayintou.

1. Allay azzabtchi niya tchou ginna. Houra sountarou mouranga Allay douna tchenni tchittou. Assyrina tissoutou moura bour dounara awouni bour erda niya ladirou. Moura chaaba mounta tchittou nï izrayilou, inna dakka ginna goyintouni wouraïntou nima tchirri bou ginna.

1. Assyrina amma baaye, angallaye ,bourgaye guinna tchaptchintou . Amma ara guina Assiria goudoukou.Izrayila miskina saga boussou.

1. Assyrina amma dowla kourra nimma douro ichintigré gourtoutou. Amma aussourda nimma gueyintou. Amma izrayila qui yara gueyintou .amma nimma douro qui boussou. Zourrya sounta samarit yintig.

1. Amma lardou Judeynga douttou ziga amma lardou Izrayilnga Allah azzaptchi , sobow Allah ngayintinni awouni tiyintini. Tchirou moura sanam ibsdtchintigui, sanam cananina na ibadtchintou. Allah mouranga térrentchintiguirer,Neba koy sountourou kourou, tchirou mourra guiyoukouré bey.

1. Sassouna kidirir bara , lardou izrayilou assyrinay fittirou bara, Allah nébucadnetsar, dirdé babylouna tra amma ki kotiguiro , Juda koudou. Babyloun miré lardou donnaré . Dirdé judanga miré egrerou tiguissiga yokoy awini gourssa mounta sassoun guinna tissig.

1. Tchirou sassouna gourkarou bara, dirdé juda erdi babylonou tissou. Amma babylona ridouni lardou juda couptchintou. Awouni yourusalem riddou koy salanga guirtouni inni rozzou tchinga ginna goyintou.

1. Dirde Joudanga azzabtchinkré takou djilan ,yall souma douritchirou eskera Nébucadnetsar tchittou, dirda mireni arou guissou. Terrou bara, dirda babylon gourtoutou daggaye dintouni,mara noussouhouma riguarou.

1. Nébucadnetsar ye eskera hounayé , chaaba Judanga ginna babylone gourtoutou. Amma bour bizziraye ,tabanaye soppou koula kouyintiguiré djilar. Zamane ay dakinnirou ibada Allaw da tchouroukou , tafou hountou Allay tchenaa soppou tcharkou.

1. Allah azzaptchi chaaba biguihountou djilannou, moura lardou kouri tourtou, Allah mourar guiyatouré bey awouni wadou souma da tchii. Allay neba mouta koy sountourou goudou tchen. Awouni ngilla mourta troussourou bara nii sountou koubbou saga tourtiga na Allay wahatchi.

1. Sassouna mourta tourssourou bara, Cyrus dirde Persianga Babilon da nadja haki. Niya houna mouta da houkoum goy. Koy terou Izrayilouwa Yahoudarou kouliyinyigui. Amma ara moutou hountou babylone boussou.Yahouda ankalla gouray ina tiguissa dahourou didi.

1. Amma Perssia moura bourou dounara, tchirou tcholtchintou chaaba moullikintira terrou bara, Cyrus, dirdé perssianga, izzin chab yahoudarou tchen,ang dagou nihoun koubour saga tere yi. Ini adi adi kehountourou tchen, nima dompiguiro. sassouna mourta tourssourou aga boussour bara, yahouda goura yourouchalem zaptountou.

1. Koy yahouda yourouchalem erdourou bara, nihountou dompou. Amma persianga mourar hokoumtchintig. Tchirou ,ziga Allay dagou keguerou ibada hountou guisii tchiki.

Gussa min Kitab al moukhadas , min Kitab Moulouk al tani soura 17, wa soura 24 ila soura 25; min Kitab al Ayam al tani soura 36, min Kitab Izra soura 1 ila soura 10, min Kitab Nihimiya soura 1 ila soura 13.