Gussa 35 : Missal ignga frakima

1. Youmtra Issa amma mounta tchaptchi medi Allaw guiyokouc. Amma lampowa, amma kora Moussar tuyntinna.

1. Amma mallouwa biya guineyr douttou Issa amma ta lawo guissou agoumara bodi,dou hatigré Issa ina zounta gueyinitchi. Issa meri tè bazou agou merai erfi tè gourti.

1. Anw tra yallah tchou di mihouma addou abar fariguiré: aba hiscu tangou ounnourè tene idji! Aba hiscu houma guirtchitchène.

1. Diguissa mountar bara, mih addou hiscuma goyni dogou tèrou, rozzou guinna fassade dro gueréssou.

1. Woudou égu bou nimma meré dro terrou érou, innina ini tchobou wougrè dani. Tchouro tra surdanni gorgoraw tchouroynitchi.

1. Nihayamar, mih addou farni: ay inni ini tani djeniritchinga? Egra aba tanga na tchoussour tchiquir tani ini bourougrè na tardi. Saga aba tangounga derigui egrè soune tra digusig.

1. Agou tirwa baunga goyèrriguir abahouma dogour dour tchaw cabtchidi dahouma tchoukkitchéne.

1. Mihouma fariguiré: aba tani Allar na assanir awouni intar na assaninir, tani guima sournouma daha kouloudjintigrè kè tardi.

1. Tchirou, aba egré son trar fariguiré : dougoun na ajga yé, izza yé hatime yé ina guinnar bour tira kouna mih tangour masse yene. Diri karanné yitou na tchawo djentar. Mih tangou noussou ni saga yertchi, miré farakki ni saga irri (er).

1. Agou amma guinna farhantchintou, mih bou koular errou rèh, dona bazzou amma na awa mouki-tchikir dourourè fariguiré ; inni tigussou idji?

1. Mih bou farha fahamtchini bour zéntou irema addou bau errour aba goy mima bounga erni méléchini mih bou douro tenni tchir.

1. Mih bou abar fariguiré : ngula ara guinna tani intar hirmaniridji hadine addina tenimé bénér minouma addou rozzou bibima errour inta diri karanné merér yirime yeninga.

1. Aba saga zabtchitchene fariguiré: inta tani guintchi rozzou tangou guinna noume nè, irenouma addou farakki ni saga èr!

Gussa : min kitabe al mougadas, min injil louga, soura 15 min aya 11 ila 32