Gussa 21 : Allah wa'ad be jey hana al Massih

1. Loko Allah dina hellikingarou, miré hanayigui Al messie gourougrér. Niri Al massinga Allay gantchou Adamye howyerou farou. Allanga meri souma wassatchenga, fariguire: Zouriye Adamou dah goulinga teltchinig. Gouli Howa tchayanga , mire Iblis. Wahad Allanga , al massi gouli da nadja hakinig.

1. Allah miré wadou goyi law Abraham amma chaaba dinanga ginna barka hakkintig. Allah wadou goyi Al messi niri barka ay nourrigui. Almessi law amma dinna mounta chaffa hakintig.

1. Allah warou goyi Moussa fariguire: nebi inta kegue kourour rigui. Niri Al massinga da Allay wahad chicha mountta godji.

1. Allah dirdé Daoud ri fariguire: zourrya nouma douro trà Al messie tissigui. Mire dirdeni , ndri souma na ndouzi danni.

1. Allah nébi Jérimaya ri fariguire: alaga eski inta ki tinirig yi. Alaga ay alaga onkoua ki chicha. Alaga eski ay dro ,Allay merissouma awor ammanga dro nawoug. Amma mouray dakounga keguerou Allah bourayintig. Biga sounta na gofourtchi tcheng, Al massi riga, alaga bidaya soun tiguissigui.

1. Néba fatiguire: Almassi rigua ,mire nebini malloumni dirdeni kegue. Nebi yinto ang mera Allanga ammari balakhtchenig. Al massi riga mire nebi bigui dannini.

1. Mallaa izrayila gofouro bigui hountou bourayintiga , ammarou sadakha tchentig. Allahna ammarou houtou tchentig. Al massi mire dahuma amma djilar sadakha tiguissigui.

1. Dirde yintoh re amma hokountchinig. Almassi iriga mire ndri Daounga dizi souns da bouzouk.Almassi ,ndri souma tounzi danini , houkoum soumani houkoum hagou.

1. Néba Almassi da inna mouta fattou. Nebi Malaki fariguire: Nebi bou koudi almassir kui rigui. Nebi Ichayay fariguire: Almassi dewi heri foussigui ,yi. Awouni Nebi Mikay fariguire: Almassi nii Betlaham ngar toussigui.

1. Nébi Ichayay fariguire: Almassi lardu Jalilenga dro bouzigui yi. Nima dro ammar bour tourkou tcheng.Awouni fariguire: Almassi amma wacha kacheriguini, arwa saa hakintiguini , mouga bassigui, dounga tigantigui.

1. Nébi Ichayay awouni fariguire: Almassi touhoumayintou wayintigui. Neba koura fatiguire: Amma Almassi tchittiga, aligui souma da koumar wapigui .Awouni lahoun tra miranga nguedirtching. Nebi Zakaria fariguire: Lahouma goursa mourta agouzourou ngadartching.

1. Néba ziga noussouga na ngantchou fattou. Nebi ichayay, Almassi biri soumarou da kazou dokouga ni, wayayintigui ni tchittiga na ngantchou farou. Ziga toussourou noussouga tena farou. Tchiri ini zoutou guissire bey.

1. Néba fatiguire: Almassi mire ang tahirni bigui danni ni. Tchirou bigui ammaw djilan nassig. Kourwa almassi nga , Allaye amma ki killa kourtoug. Te djilan, kourwa Almassinga nie Allaw rou tiguisside.

1. Almassi nasso saga yertchinga na Neba ngantchintou fattou.Kourwa soumaye, saga yertou soumaye guinna Allay inni guissiga wassa djentig. Ayre bidaya alaga eski Alla ki tintra.

1. Allay ina mouta niri Almassinga Neba onkuwarou farou, tchirou, loko Almassi erro,moura bekki ,tchattra. Mera ara toufattourou nguila touzor bara, Almassi dinna ri.

Gussa min Kitab al Moukhadas ,min Kitab al takwin soura 3 wa aya 15; Soura 12 min aya 1 ila aya 3; min Kitab Tasnia soura 18, aya 15; min Kitab Samouyle al tani soura 7; min kitab Irmiya soura 31; min Kitab Ishaya soura 59 aya 16; min Kitab Daniyel soura 7; min kitab malaki soura 4 aya5; min kitab Ishaya soura 7 aya 14, min Kitab Mika soura 5 aya 2; min kitab Ishaya soura 9: min aya 1 ila aya 7; min soura 35 aya 3 ilaaya 5; wa soura 61 wa soura 53; min kitab Zabour soura 22 aya 18; soura 35 aya 19; soura 69 aya 4; soura 41 aya 9; min kitab Zakaria soura 11 aya 12 ila aya 13; min kitab ishaya soura 50 aya 6; min kitab Zabour soura 16 aya 10 ila aya 11