Gussa 18 : Cunéssi mamlakang

1. Malik Daoud nguila mourta touzzo houkoum da bouzou. Tér bara mére noussou ni yalima Silemane bani israila houkoumtchi. Allah Silemane dir ini dacou wour. Silemane Allar hikma bradji. Allah hikma tchénni malik bour dinaré guissou. Silemane hanadi dou hakki ogoni hakim hikmané tissou, ogoni bour bourwé tissou.

1. Souleyman koy ibadaw yourichalem dro doummou. Koy ay, Daoudi gantchi tafarasuma djeyi sow. Koy ibada dro, amma ibadahuntou gissiguini, sadaga tchintigui ni. Ini guissigua ginna Allay douritchi ni, bazigui ni.

1. Tchirou, Souleyman ariya ni koura dagou. Miré Allar inkirtchi, ariya chicha mountou goyma djiland. Aria ara sanam huntu ibatchintik. Souleyman bougoudi tigissouro bara, mourou kegue tissou.

1. Allah Souleyman law bourou owortchi. Awouni azaw dro dinnou. Allay lardou izrayilanga, kaa tchourou nawouga na nodourtchi, loko souleyman noussoh.

1. Souleyman noussouro bara, mihouma Robam ndri goy. Amma lardou izrayila ginna tchitronouro woudou hountou Robamro fattou. Inna ginna kiyay gis tentou.

1. Robam nartchi chabanga, Fariguiré: ninta aba tangou hidimé toussou douro tchikkou ntinga, tanni houmangar toussou kissirigui , tab bou douro noukourigui.

1. Chaaba meri Robamnga bassouro bara, kinjila yaga tchi mourdom awortchountou, chicharo boussou. Yaga tchi tchou saga boussah, mura lardou Judeyanga hakumtchintig.

1. Kinjila mourdoma law boussouni, agni tra sourouhouma Yorobam yintiga, dirdéro goyintu. Moura lardou dji yala soumarou bousssou. Ang lardou Izrayilanga moura mogra tissou.

1. Yorobam troi Allaw sowni, agu amma houna bigui dro dinnou. Sanama tchou amma houna ibadtchintigiro geyi. Amma houna, yourchalem lardou judanga koy yaga ibadanga koli tourtré bey.

1. Amma Judanga yé izrayilouwa kii wouda tiguissou. Awouni tra tra dro gotigui.

1. Lardou izrayilanga dro, dirdah ginna zountou gissou. Ndiri goyinto dackou djilan, mounta sounta ginna izrayilouway tchittou.

1. Dirda yé, amma chaaba koura yé ginna sanam ibadtchintig. Inna bourou zounta gissigui. Aria owa kii yissig, awouni yala adda na goy gourou tchittou sadaga tchintig.

1. Dirda judanga, douga Daoudou. Goura inna gala gissou, gourani inna zounta gissou. Goy gourou yalla hounta na tchittou sadaga gissigui. Sanam na ibadtchintigui. Awouni troi Allanga na soppou.

Gissa min Kitab al Moukhadas , min Kitab al awal, soura 1 ila soura 6, min soura 11 ila soura 12