Gussa 8: Allah Yagoub yé yalahouna yé fouh

1. Nguila moundjoundour bara Yacoub bour koubadji yali sounne yaliar guinnar dagou Youssouf yintiga koy aï hounanga gourou dimira souna labara sounta baziguiro.

1. Dimira houna Youssoufnga dakinni aba houndou merénga bour dague izeetra Youssouf kinissinir dirdè canannanou tissigui ye tey djilar dimira souna goyoundou yaw tchénndou ammar agré tissou.

1. Youssouf dimirasouna bo tourtougarou koui alguihouma hartchindou hadinne tchittouni grée hadimanga dro dintou. Aba houndour wasa tchentou ni orréi woute Yacoub bour woï.

1. Amma tadjira agra. Youssouf Massour gourgou ni ang bou daoulaw djassourou tchéntou. Massour koytér Niy bour bou ni dinaré ni .Youssouf mogourma dilli tayadji ni Allah merér barkadji.

1. Ari aa mogourou manga gui disseïdje Youssouf fourtchi. Arima Youssouf da mounaw ni dangay gourkou. Dangay dro Youssoufy ini Allaou sowré bey.

1. Nguila moundour bassoune, Youssouf dangay dro tchir lokotra Firawoune dirdé massirou michine tchou dour, ini aye merér dawape. Amma souna guinna gouro charaïndrée bey.

1. Allay Youssoufour fahamdir michina loko teyir tirdé Firawouni dangayir drou ,Youssouf michina manama far: Allay nguila tourssou gala gourougui coulan ta ni bafouk nguila koura tourssou eguia gourougui.

1. Firawouni ini arare adjibtchi Youssouf dirdé bou gueïdji.

1. Youssoufy ammar fariguiré: imbi nguila tourssou gala guinna tchampini terou bassine Youssouf machaa ara guinna nguila ara tourssou eguia dro djasse

1. Egouna bour toussou, massir boussouchi tchirou, canaane nii koy Yacoub yé bassina gui tchinga.

11.Ter bassine Yacoub yala souna baa Massir gourou macha tchobougré tourtou. Dimra Youssoufa merénga haraïndouré bey tchirou Youssoufy maranga haradji.

1. Lokomar haraïndouré bennar Youssoufy maranga far awoussoumi nindar zounda dantoumar kissirdi zoundnintay kissitoumay Allay herdour faltchi djenne massir yourdou nani ini dacoumma guinna djenir nentar.

1. Loko Youssoufy dimra souna bau tourty aba soundour fattou Youssouf nin yindou Yacoub bour farhandji.

1. Yacoub bour coubadji tchir massir terni oussra souna gui odour iche yala souna guinna barcara tissidoua.

1. Allaga Allay Brahimri wahachinna Issakir ni tchenne Yacoubour ni tchenne yalia souna mourdom sa tchouwani tchenne yala sountq ki . Mourare guebila mourdom saa tchou Izrayilwa tiguissidou.

Gussa min kitab al Moukhadas, min kitab takwin min soura 37 ila soura 50