Gussa 4: Alaga Allanga Brahim gui

1. Ngila mountou Allay waba gourtourou bara ; amma safou da moundjintou . Awouni inna zounta on kouanga kegué gissitchiki. Mera Allanga soppouni , da hountourou tourti tchiki. Nii na dompou.

1. Amma moura bour lertra ni , mera Allanga da tourti bekki tiga douroussou sama goutchiningarou kégué dompou. Alla law , amma ara inna bourou zountou gissii tchikkou , anourou bousso , inna zounta koura mounta gissig.

1. Alla tirchada chouchou gue edji . Mara na tartchi dina dourou nii hountou dompou babel yintik. Babel mana souma harkka yé chichou yé.

1. Nguila moundourou bara Allay Abrahamrou nouki tchen fariguiré : nii nouma yé yalana yé nguina gonna souto nii aï tra wassa ni nirgua , barkeré angou inda tababnima da barka na rou. Sourounouma bou kissirik, awouni amma inta gnigassa barkanirgui tchirou gnigassinna barka tourourik. Amma dinna guina sobow noummaro barka hakintigui.

1. Abraham merou Rabou ma ngua goui ni arima Sarra, hirimera sonayé , roza hunayé guenna forare canaan terou , koy Allayi gourussou

1. Loko Abraham canaan kirou Allay fariguiré : Raan inna kolo noumara djika guena raan koï ar sousses. Inaa koy airou tchikka ginna ntoum tiguissik. Inta yé zouriye nouwa yé , nii ntoum tiguissik.

1. Agni tra Malchizedik yintigaa , miré anw dino bouni bourou Allah achingui. Yom tra Ibrahim ki foocontou. Malchizedik Ibrahimnga barkadji ni fariguiré : Allah bou , sama yé boussama yé ginna mogourou , Ibrahim ri barkayan. Ibrahimi roza houna mourdomma dro tchi tron sowna Malchizedik rou tchen.

1. Nguila moundour bassine Braham, yali hakinné bey. Sarra yali hakinné bey, Allah Brahimir wad djene yali hangui zourieé nouma bii tiskaka tisigui mounta

1. Allah Brahimir annour wad tchennaa neski noumr ninirgui yalia na yenir safoura.

Gussa min Kitab al Moukhadas,min kitab Tawin min soura 11ila soura 15.