Gussa 17 : Allakha Allah Nébi Daoud gui guéyinna.

1. Shawul howlou dirdé Israelou. Miré bour bou ni, bour ngila . Ammay dakkounga kegue tchirou mounafik tissou. Allah tiyinny. Allay mirerou bokkini fowyi sowndirou awo koudirou tchenne

1. Allay koy summaro anw kouri naw, Iziralou tro sourouhouma Daoud. Daoud miré dahuma diyidir. Miré kalli ni, dougoulouye, ina kura zunta na tchid .Daoud soburdini, jirédeni awouni Allah achinig

1. Izze Daoud adoumourou ayi douroussou ki gotou sourouhouma Goliath. Goliath miré esker galy miré bour dounaré, awouni douroussou souma kountcha agouzou gor. Allay Daoud tourkyi Golianga tchirouni chaba Israëlanga tourky. Mirérou lertrani, bouru dakku.

1. Ammay Daoud bourou dakkou jilandou, Chawoul aworou souma zountoui, mirérou tchido dagou. Daoud tchaw wounou terou. Awouni wonourou foktuntu. Koy terou Daoudi, nidir ndiri gonirga, dagirdi, yinitchi.

1. Terou bara, Saul girsou dro noussou Daoud ni dirdé izrayilou tissou. Miré dirdé gali ni, amma ginnay dakkou. Barka yé nadja yé ginna Allah law haki. Amma izrayil dakkinna kii bourou girssou gissou. Koy terou haki nii yourchalam na goy da miré dirdérou bouzou. Ndirou da ngila mourta touzorou bouzou. Wekit té, izrayil bourguéni dunaréni.

1. Ngila kadara touzzo kegué; tiga moussay gueyna da, ammay Allah law, ibada yé, sadaga yé guissi tcheno dagou.

1. Allay nebi Nathan koy Daoud ngarou gourou ni fariguiré: koy ibadaw hangoum surou tangouro genimmi. Tchirou minoumay geying. Barka bou nenirgui ni, zurouye nouma dro tron ama tangua hokoutchiniro bouzouk. Zouriyé numa dro anw dimando bouzouga, al massi yintik. Miré Allay rou goyindé ni, biga amma gofourtchinik.

1. Nathan meri huma bazouro bara, Daoud Allah ri choukourtchi. Haki ini toufattra tiguissiga, hanayinni. Tchirou, Allay charaf yé barka yé ginna tchenne. Agou, niri al massinga, Izraloua, ngila doubou gartchintou gordi fossou.

1. Daoud chaab sunaa, galirou ngila mountarou hokumtchi. Miré anw Allah gassiré ni, barka dini. Tchirou wokit noussouma edintchouma, bigui bou goy.

1. Daoud chaab sunaa, galirou ngila mountarou hokumtchi. Miré anw Allah gassiré ni, barka dini. Tchirou wokit noussouma edintchouma, bigui bou goy.

1. Doud arima bourayinguiro koy soumar anw gourou. Arima rini, miré ki yissou. Terou bara, arimay anw gourou fariguiré : tani gounné yi.

1. Uri eskera Daouda dro gallou, miré Bethcheba angny soun. Koy girssourou tchikkou, Daoudi kouli rini, ousso nani yaga noumarou sis yi. Uri tchirou. Daoudi saga guirsourou kourou. Awouni, boumarou fariguiré: Uri koy kirsu kuidero gis yi. Koy terou Uri nassou.

1. Uri nassourou bara, Daoudi bathshebanga arirou mou. Kii yal haki. Daoudi ini gissou Allay hardiyinné bey. Té djilan, nathan koy, soumarou gourouni fariguiré: bigui bou gonoum yi koy terou Daoudi gofura Allah law barayini awouni touptchi. Agu Allah gassigiré bouzou.

1. Tchirou yali souma noussou. Koy terou Allay Daoudrou azab gourossi tchii. Ter bara Daoud Bethsheba ki yal kouri hakintu sourou souma Souleyman dintou.Amma houna boudou kizei tchentou. Tchirou Allay bourou tourkou tchenn mirerou wahatchima djirkandou.

Gissa min KItab al Moukhadas , min kitab Samouyle al awal min soura 10, wa min soura 15 ila 19, wa soura 24, wa 3; min Kitab Samouyle al tani ,soura 5, soura 7, wa min soura 11 ila soura 12