Gussa 38 : Yahouza Issar khaindji

1. Sagassoun tougasso guinna yagatchi yahoudanga moufouri al fissanga moufourthintig. Moufourtai wokid yagatchi yahoudanga agrar massourdou tchouroukou nguila kadra agouzour bara, Issay kira yé tafsir yé guinna ammar woussachingre bodiy. Awouni, mahadjira hounar fariguiré: moufouri ay ninta gui yourchalem dro kissiro dagur, agou odour djitikig.

1. Mahadjira tra sourma Yahouza meré tè gourssa sagou dro tchika bouroudagou. Ter bara Issa yé mahadjirahouna yé ni yourchalem èredou. Yahouza ter koy yahoudanga kiri Issarou khaingnnigré gourssa tchendou. Meré fariguiré: Issa neba yahouda baa dakini. Yahaza Issarou tchitiga harayinig.

1. Yahoudaba yé, mallouma biyou yé Yahouza gourssa silé mourta-agouzou tchendou Issarou khayintchingré di gourti chemigui. Neba gantchintou fatou tougoussou Yahouza gourssa goy terou yahoudar ritchene zaka Issa didiga.

1. Yourchalem dro Issa yé mahadjirahouna yé al fisha moufourtchindou. Wokid machingan tougoussou Issa dipa goy ni ara woudoutchi Issay fariguiré belkai tani daha yadinting.

1. Agou Issa collou dro assire anebe goy ni yidoutdji ayré alaga tani yé ninda yé koutchinga yadintig. Assir yiringo guinna tani yadinting. Ayré guiré tangou nounta djilan bou-toutou.

1. Agou Issa mahadjirarou farou: nara tra tangour hayindjing mahadjira bour daw waw odjobtchindou! fiyindou mahadjira ndja indar hayindjing? aw dippa yenourou meré terai nounta dro, aw kessoumarou machi yenournga, miréré tani hayintching. Agou Issay Yahouzar dippo gur tcheneI.

1. Yahouza dippa goy marou, tiga daha kourerou tchadan kassarma dro zourou. Koy terou Yahouza yertchi koy mallah ba yahoudanga terou; zaka Issay farou keguerou, wokid tè bi dougoussou.

1. Machirou bara Issa yé madjirahouna yé tagandou faramanga kourdou Issa fariguiré: touway ay nara tani troni toussopoung,ouroudrai tani diidra barigui, hadina tcharkouk.

1. Bitrus saga zabtchitchene: amma koura tchoussobbow na tani intar noussordi, tè tani gouro djenirdi! agou Issay Bitrusdir farou: chadama narar tirwa Allangar djoudourtoug, tchirou tani intara douwa gonour-ninir, Bitrus, imane nouma sebed-tchingré. Ay guinnaroun, inta tangour gouzour haradou-noumi, mingui, kogoya ladandjinnèr kou.

1. Bitrus agou Issar fariguiré; tani dounou-ssougrona, indar nossordi! madjira koura guinna ini Bitrus harou hattou.

1. Agou Issa yé madjira houna yé ni tra Gethsémané yintiga kirdou. Issay madjira hounar harou douwa gontou na chadama tara law djarrab-tchinni. Tèr bara Issa meré boussou-ssouma tèrni douwa goy.

1. Issay agouzour douwa godji ni: Allah roboutangou quizzey kinéchingar-tatou, ay hounno trouwa gouri biga ammanga sartchingré bey, agou nie nouwa tigissé.Issa bourou awchi defima gréngar keguè tcholtchinig. Allah mala-ika goudou tchenni, merér douna tcheng.

1. Sala guinnar bara , Issa saga goy mahadjira hounanga erig. Tchirou mahadjira gnakintitchiki. Noko nagouzounga errou Issa fariguiré: ninda yertou aw hayinou eri.

1. Yahouza yé amma yahouda ba yé erdou amma mounda agassa didi kala na didi Yahouza Issar kir farou: kiladjirai nebitang? Lawdi tchoukinairai, ay guissourai yahoudar ichara tchene, ama ayré barandidjikou. Agou Issa hadou Yahouza tchoukdinima djillan tangour hayindininai?

1. Agou skera Issa law dirou Bitrus agassouma aga dir amma erda tra chima gor Issay fariguiré: agassou nouma yagamar dine! tani Allah tangou mala-ika skera baranirik tangar tourkoudjintig. Tchirou tani Allah ini djafarou guinna kissirig. Tchirou Issa aw chima togortou kadour. Mahadjirana guinna tcharkou.

Gussa min kitabe al mougadas, min injil matta, soura 26 : min aya 14 ila 56; min injil markous, soura 14 : min aya 10 ila 50; min injil louga, soura 22 : min aya 1 ila 53; min injil yohanna, soura 18 : min aya 1 ila 11