Gussa 12 : Al Hidj-ra

1. Benisraëla bourou kannaï tchitou moussour douro tchourkouga. Mourah nichi awouni boussoufou Allay wote tchende laou tourtigui. Massourwa ina benisraël laye bourayintiga guinna tchentou dahaba yé gourssa yé ina kouda ginna doumada tchentou. Aouni amma koura massourdou kolli ridira Allah dou woutou ni tinta amma benisraël koy massour douro tchourougou kyi dourtigui.

1. Kirra samia douro dissiki tchika marou soussoutou awouni kirra dougoussounga winingarou. Benisrayila koy erchi foutou dah tchikou Allah daïman moura kiy tchiini, komah wassa tchengi aouni mouradou fouyi.

1. Benisraël massour douro tchourkou anouhinérou . Firaouna yé amma souna yé aworsounta gayartchintou. Aouni benisraëilah agarhounta gueyito dakou. Inni aï firaouna yé amma houna yé aworou hountou gayartchintou ginna Allay guissou .Allay amma guinnarou wassa tchingide inna dinah ginarou Allah mereh besse dounaré. Firaouna yé sanama koura tchiqua yé ginnarou Allah dounaré.

1. Firaouna eskera souna ginna goïni benisraël tabadji. Terbara, koy benisraël eskera Firaouna ridi tchikir doutour, mourah aouchintou . Mourah saga sountoudou eskera Firaouna tchiki koyi sountou forou tchi. Mourah bourou aouchintou . N'gna noukou, massour douro roukkourou? Tara aou yatirdé

1. Moussay benisraël dou farou : Assoumi yi ! Allay bini amma arrarou damartchingui ninta na nadja-n'gnetigi ! ter bara Allay Moussarou farou : amma fouh koy forounga laou tourté yi

1. Halace, terou bara kira samiya douro tchika nounoukouni massourouwaye ben israël yé kouih bouzzouni, massourouwa benisraliwa hakintou douttouni.

1. Koyi terrou Allay Moussarou fariguire : kenouma ferrou law djanguou yi. Moussay kehouma ferrou djakimare , ferrou kaa tchou rou bouzoure, koy ngordou gourou.

1. Tekenerou zouloma Allay ginessou ni droudou benisraël daha kantchintou.

1. Tekenerou kirra saga zaptin ni amma Firaounay benisraëla tcharkiguir doutou. koyterou massourouwa nie kihintiga gointou.

1. Tekeguerou Firaounay benisraëlwa tabadji, Allay Firaounar tchirou, amma sounarou awora sountourou nouchi dinnou aska sounta koyintou tourtouga warou. Haraka dintou ni yarkar yintou. Allay amma benisraëlarou , massourounarou tchirou tchengi.

1. Benisraël killa leï guérou ferou fartchountou tchouroukou . Aouni Allay Mousssarou fariguire: Aouni kenouma yiou law djangou yi.Terou bara yiou ginna massourouwa n'gouli boussouni Moussarou girtchinni yiou koy koubou da bouzzou.

1. Halace koy benisraëla massourwa tchatoudou doutour, Allah da siga nakouni Moussadé nébi Allaou gordi ngayintou.

1. Halace benisraëla kanaïtchidou ngoufour tchintou sabow Allay moura agradou tchikidou herou. Awouni Mourah Alladou ibadtchintigi djilan, benisraëla ngoufiri sountou da galidou dona gointou , mourah Alladou gagaltchindou eskira mossourouwa dou kilah tchena djilan.

1. Allay benisraël izine tchen sagassoun tigisigua ngoufiritouna zaka Allay agradou tchikidou magourah tchigissou yassoutou. Ngou firi te sourouma Alfissa yintou. ngoufiri alfissaga hanadé tigissou . Ngourfiri dou dori tchitou dé yinima woreïntou woudigi khoupza kyi.

Gussa min Kitab al Moukhadas, min kitab al Khouroudj, soura 12 min aya 33 ila 15, wa soura 21.