Gussa 41 : Amma tchattra dro Issa Allah djire

1. Eskera Issarou ekké daha touyintou tchittirére bara yahouda baa hounda Billatoussir fatou Issa ay mourayi dougoussa agouzourou bara tani noussourou yerdirigui yinné. Ang traa trdou yourssou filino Issa madjira souna ridou yourssou wouyinterè belké yourssou saga yertchi yintigui.

1. Billatouss farou: eskira goudoukou yourssou dillou guerdintè. Tékéner, moura eskira gourkou ni yourssou tchi nakkou. Awi haki yourssou Issagan wouinné djillane. Awounni mourayi éyi yourssou tchi-tchingan daa arri nakkou.

1. Yoummi Issa nassou fitchima chelly yahoudaw. Yom chellygan ang trone na tchoureyingré bey tè djillan Issa lassouna dro ang gouro yourssougan terrigré bey. Tchirou chelly fitchouma tiguissour, bélké fitchine aria mounta djachintouni koy yourssougan tourteré itire mountou yourssou daha dokoukré.

1. Ariya riddennère coui zilzal bour by yourssou clo waccay mala-ika tra sammiar tchakki eyou goyni tirwa yourssouganr dour ni colo bouze . Malakou mirée nour quènar tchi-tchil-ching eskira yourssou da doutoungar ryintouny sa foura biyétoutou.

1. Loko arriya yourssounga riddourou, malakou farou: assoummi yi, Issa bey yi, za miréy noukou farrou keguè rentou, aria dro layinti Issa doutouré bey.

1. Malakou ariar farou: sourtouna madjira Issangar fattou, Issa noussour saga yertchi ni nintar kouyi galili terig.

1. Aria bourou odjobtchintou awounni kannayintou. Tékénère tcharkou ni meri tchoussou ayi madjira Issangar fattigré.

8.Tékénèr arriya zoulloma da riddi-tchikki sobow labara fatiguiré mahadjirarou. Issa koyi hountourou fouchi. Tougoumtchintou diga houna koui. Tékér Issa farrou.

Gussa mine kitab al moukhadass: mine indjil mattah soura 27: mine aya 62 ila soua 28: mine aya 15; mine indjil markhouss sora 16: mine aya 1 ila 11; mine indjil loukka soura 24: mine aya 1 ila 12; mine indjil youhanna soura 20: mine aya 1 ila 18