Gussa 22 : Walouda hana nabi yahya

1. Terou ku Allah yé amayé ku néba tchiki. Allay nebaro nouki tchenou awouni nebay amma labartchintik. Tchirou, ngila kadara touzzohrou dro, Allayi nouki tchende bey. Ngila kadara touzzohrou bara, Allay moleyka koy awou tra Zakari yintigaro gourou. Zakariye adissoumaye bourou Allah hanaitik. Moura amma koubani yal kakintoure bey.

1. Malayka Allaw Zakariyarou fariguiré: arinouma yali hakking, suroussouma Yahyarou koulouningui. Ruh tahir Allaou Yahya da tchakki. Awouni Yahya douna hakini yertchou ziga ammay Almassi kaptchintigua faritchi. Zakaria Malaïkaro fariguiré: tani yé arinourou yé koubbantre yal foussoutourdi, ini keguérou meri faringninga djiré gordi hananirgui?

1. Malaïka Zakariarou fariguiré: Allay labara wouna tchoussa noufariguerou koy noumarou djougourou tê djilandu, yalimu toussouka ku, inta gouro yeyenoummi. Tiga da, Zakaria hakki noukkounni tiguissu. Malaïka ni teru. Zakaria yaga souma terii, arissouma ogounnérou hakki.

1. Elizabat gounné owoura dissii dingaro, Malaïka ay tiga da, Mariamrou tougourossou. Mariam miré Elizabat bahoun tra. Mariam dowi Erini; angy Youssoug yintigua mirénga maday. Malaïka Mariamrou fariguiré: Ogounné ndiguissigui, yali foussinguini souroussouma Issarou koulouningui.

1. Mariam fariguiré: néguérou yali hanguirigui, tarré echie ? Malaïka fariguiré: Ruh tahir yé douna Allangayé intarou tchakink. akeguerou yallou toussouga na tahir awouni mire yal Allaw rou kouliyintik. Moriom inni malaykay farou tchema djiredji.

1. Malaïka terourou bara, Mariam koy Elizabatngarou terou. Elizabat Mariam douroure, yal kichi soumaro tchinga lertrerou nounou. Moura tchou ginna bourou kannaïntou ini Allay gissou tchenna. Owar agouzourou Elizabat ki bouzourou bara, Mariam saga yaga sountourou terou.

1. Terou bara Elizabat soptchini yali hakki. Zaga Malaïka farou tchemarou kegué, Elizabat yé Zakaria yé yalou hountou sourossouma Yahyarou dintou. Terou bara Allay Zakariarou tchi tchen ni noukouk rou tissou. Zakaria fariguiré Alhamdoulillah, Allay tchinga ginnarou amma houna tourkou tchengi. Mi nourou, inta nébi Allaw bou ndigissigui. Awouni, ammay zaga gofura biguinta hakintiga faringui.

Gissa min Kitab al Moukhadas , min Injil Luqa soura 1