Gussa 14 : Israillina Sahra dro tchéyintou

1. Allay gonoun souma guina Izrailouwaro ziga wahad djema keguerou tchen.Moura ni tabayintik. Izrailouwa Allay ey sinaingarou dogou goudou.Lardu wahatchima canaan yintiguarou goudo dagou.Agou moura sagasouma rou tourtou.

1. Allay Ibrahim yé, Ishaga yé, Yagoup yé warou tchénou warou té tafou dizia huntaw mourarou tchengaa. Tchirou Yaga tchi mounta tchiki audorou icheyntou. Amma mourras cannanina yintk. Cananina moura saname ibadtchintou. Awounni zounta gueyintigui.

1. Allay Israliwarou fadou ! koy tani tafou wahat Ninirdo nita bousabou gontouna cananina tchika guinna bonkou dourtou. Mourah kyi kallah na guentoumi, mourah douro gui yara na guentoumi. Sanama sounta guina fittou. Inni tani noufatourou guentoumé béno balke nara na, mourah gui sanama sounta ibantingui.

1. Loko Israëla kelingue canaangarou guirdou , Moussay yaga tchi Izealiwa dro anga mourdom sa tchou rou godji. Amma tourtoh, cananina echira sounta bouranyintigui.

1. Amma mourdome satchouwa erchi diguisa mourta touzow canaan tourtougarou djeyintou ni saga erdou ni amma dou fatou: bousafou gali , inni tinoungo na boudou bafougi. Tchirou amma souna bourou dounara,nguirsi moura ki kisirgo ,guinna djittik.

1. Tigua da, calib yé Yachoua yé amma courra tchoua, fattou: djirré amma canaangua moura bani dounaré ni, tchirou mouraga galampourougi Allay guissou djéntigui.

1. Tchirou, israëlas meri calibgua yé Yachouagua yé guyoucouré bey. Moura Moussa yé Haroun yé low awortide fatiguii: n'gna koy mouske wourou aye dro tougourtoum? .Tekeke tiguissiguiro hanantro Massir dro roukourdi. nguirssou dro ,tounta ye yala traye guinna yattirgui. Agou ammay baa koura roukou goytou sagua massir tourtiguirou nie goyintou.

1. Allah boudou oworetchi ni fariguire: ninta tangourou kafourtoume, chaba guinna wana tourtougui. Yachoua yé calib yé tchourouko. Amma n'gilla digirome dira yé terroumounta dira yé tchattiguini , hakintou tafou wahatrou douro zounttoun ni.

1. Koye mourah medi Allay fadou bassoudou mourah boudou norouptchintou noukou tcharkoudjirkandou. Koye terou mourah amma canaaninadou hojoumtchintiga da toussou. Moussay mourarou wari tchi guinaa, medi houma giyikiré bey.

10.Koy nguirsou djeyintigua ,Allay mourari tourkiyinde bey . canaanina mourra dro bourou mountar tchittou. Agou tcharkouni sahara dro sagasoun mourta touzorou boussou.

1. N'gilla adah mourtatouzoada gina benisraeil sahara douro kan hêtou, Allay mouradou wasatcheni tchii woudranta guinna. Machantiguiro Allay ngoulirou Khouza tra Manna yintigua gourti tchen. aouni Allay inna tiyou goura mounta na gourtou tchen. Indi hountou dana tourkou Allaw didi.

1. Allay yi dourouw eyi douro mouraye tchiriguérou. Tchirou, ay ginnarou, chaba israëla chakoua Allah ye Moussa ye low touzoure bey . te guinarou Allah moura gui tchii. Inna zourriya Ibrahimanga yé Ishakhenga yé Yacoubnga yé wahadjima guinna guissou.

1. Wakit tra yi guesertchima , Allay Moussari fariguire: eyarou nougoum yeningo , yi erik . Tchirou, Moussay firki sun guissou. eyarou nouki tchengarou ,mirey chourou kallayrou soumarou waw.koy te drona Allay yima sowni eri. Tchirou Moussa law Allay awortchini fariguire: Ay guissoumarou bara, Canaan dro hangoum ndoufouni.

1. Benisraeilah n'gilah mourta touzo gina sahara douro tchéintidou boussou aouni amma meri Allanga da tourtouna guinna tchattou.Aouni Allay kelinka boussafou Allay wadou tchénengarou goudou. Moussa na koubadji, Allay aou tra Djechoua yintiga rou godji chaba souna bou sountouro.Awouni Moussari fariguire : Nebi tra inta kegue kourou rigui.

1. Allay Moussari fariguire : Eyma da souwa ,taffou wahatnirou sarou douroungui. Moussa taffou dourou tchirou haki dro tenni rou kou nassou. Izraliwa diguissa morta agouzou hourou dro boussou .Agou Djechoua ang bourou Allah gastida bou houtourou bouzou.

Gussa min Kitab Almoukhadas , min kitab al Khouroudj min soura 16 ila 17; min kitab al Adad min soura 10- 14, wa soura 20, wa 27; wa min kitab tasnia soura 34