Gussa 34 : Issa erifa douna amma karafinitchini

1. Issa érfa mounda koura moulouk Allaw daha nouki. Missaldir fariguiré: moulouk Allaw michin ginar addi kegué, anw goyneré koula souna dro kouyingoh, narana harantigui michin addimou ini ay gor diringa.

1. Tchirou logomichin addimi ay yertchigon meré agka kourare guinnar by tissig, tabka by tissiga egka dirissouma tchofoura erdou daha boussougui.

1. Issa erfa koura daha nouki : moulouk Allaw meré guina tawara gonoumni dy farinour dro tiningoh dyma yertchi by tissigui.

1. Moulouk Allaw guinna massal souma rozzou aoui gayni koula dro djiradjiné kè awouni awkouri rozzou haki, hakimarré bour farhandji. Awouni godji koubbou dro dinnou. Tabka tra meré farhandjima tèr ni guinna djassou, saga ère ni arni rozzou dourgo djiradra tchobougrère.

1. Moulouk Allaw guinna owonnina missal souma éri tri ni tamanné ni kèké. Ang éraw haki ni ina souna guinna djassou ni éri tè bes tchobou goyno dagou.

1. Amma goura Allay mourare daga moura ina tira djeyntigui. Amma ta boussou ni amma tira djeyntinnar mourare fu tchikiréngar douttoug. Issa érfi ay fare tchene: amma angna tchou moura guirgou tourtou celeyntigrére aw tromma ni aw lompow toumma na mallouma biy.

1. Aw ay malloumou celeyni Allar bour tchoukourtchi amma koura kèkè tissimé bénna idji; amma ara woura yé, amma ara zalwa yé, amma ara zouna gueyntiga yé awouni amma ara lompo ammar wopouga.

1. Missal dire tani kagou dro oza tchou gonourouk owoni rozzou noura dro quidrou hangouro guinna ammar yenirig.

1. Tchirou aw ay lomponga chigui dogou malloumour bouzou ni ngouli samiya law layiné bey goundjima kémar wawni yerdji salar touzou. Allah rabou tangou gofourdou idji tani aw biguiré yi.

10 Agou Issay fariguiré: tani djiré noufatta idji sala aw lomponga Allay gabiltchidjéne tchirou sala aw malloumounga dagré chi. Amma quibra dagka guinnar amma ara hala tira ta bour dag.

Gussa: min kitabe al mugadas, min injil matta, soura 13 min aya 31 ila 46; min injil markous, soura 4 min aya 30 ila 32; min injil louga, soura 13 min aya 18 ila 21; soura 18 min aya 9 ila 14