Gussa 2: Tousri biug dina doronga

1. Adam yé arissuma yé bourou lertrarou djinené Allayi guedji tchema dro tchiki . Koy tchikkou orwa tchirou haila didinni. Koy tchikkou koy biguiyou hinné djiland awouni dakoun keguerou Allah gui noukintig.

1. Tchirou djinena dro gouli bourou ondjoli tchii, gouli arimarou fariguiré : Djrerou Allayi miya akka djinena dro tchikka boudoumi n'djoufatou?

1. Arimay zaptchi tehenni fariguiré : Allayi miya akka ginna boudouyi, tchirou miya ekké hanadi ini galiye zountouye nga boudoumi yi; youm yintoum boudoungoh nounassiki.

1. Gouli arimarou fariguiré : djiré chii yi. Nounassimi yi. Youm boudoungoh , Allanga keké inna zountayé , gallayé ginna hanantinga daguini.

1. Arima miya ekkenga bourou sarou ngila doudou , awouni tchoussa ni . Ankalé tigisso dagou. Koy terou arimi mi ekkenga godji wini aynissoumarou na tchen wi.

1. Tiga da saa-sountou lantoun ni moura orwa gordi hanayintou. Norou suntou djakkintigarou , foforta ekkenga goyintou soukou.

1. Koy tero soudour Allaw djinena dro nouki. Agou Allari dlassintou. Allay angnimarou fariguiré : kounorou ndjii yi? soudour nouma dazouré , tani orou djiland dlassoun.

1. Allay wourou ni fariguiré : Norou nouma ndja ndjoufadou? miya ekke naarou boumye? agnimay zaptchi tchenni fariguiré : Ari kourtoum tenoumay djen bour. Allay arimarou fariguiré : Indi inni kissouma? Arimay fariguiré : goulimoui tcha tchadji.

1. Allay goulourou fariguiré : Barka noudrig ni; ndjii ginna kichi noumarou ningantig bourbou boungiro. Intayé arimayé kichi woura ndigissirgui. Yallah sounay hakinto ndjitig dohonouma teltchintig . Inta ni diga sountarou bougui.

1. Allay awouni arimarou fariguiré : yalu foussingiro bourou kizey douroung , Awouni massoulié nouwa ginna agninoumay dirou tiguissigui.

1. Allay agnimarou fariguiré : Meri arinoumaw nganoum tangou wanoum. Tedjiland bourou kizeï yay macha bouranii . Awouni nounassig ni saga boussamarou nderig. Agnima arissouma Howorou koulidji, mana souma oro. Miré aya ama ginnaw tigissiga djiland. Allay Howo ye Adam yerou aliga achou gedji tcheni massountou.

1. Agu Allay fariguiré : aw miré tara tourtou tiguissouni inna gallaye zountzye ginna hanayintigui. Terou bara hakki miya ekkenga wounni ni dinné ntouzi dan hakkinni ni . Allay Adamye Howaye nga djinena dro bokki. Djinena sou layintrgasou , Allay malaïka tchi naw.

Gussa: mine kitaab al mougadass, min kitaab takwin soura 3.