Gussa 13 : Alaga Allaw Isralyina gui

1. Frou moura gourtoudé basoune israëlgan Allayi sahara drô êyi trâa sunaï yitiga dro wourou. Êyi ayi drô Moussa wouni dourou, israëliwa na êyima fii tanta sounta dompou.

1. Allay Moussa yé chaba israêla guinarou farou: Ninta meri tangou tabantou, wadou foukou yi inna ara guinna guissingo, nii bou ni , barkare hankingui.

1. Ya agouzou guinna chaba Allah kï édintchentou Allay êyi ayi sinaï yintigiga dâa kiri, nartou ni tchi wouniye moulouktiye , izzé yé, haraka bouyi yé guinna tchiki. Moussa miré êyi dâa bi.

1. Allay chabba gui worou goyi. Allah farou : tani Allah noumadji, tanni boussou ibada guisidji, tanni reé amma agrée massour cheddire ni mogoura djenir yi tanni hinno ang kouri ibadimidji.

1. Sanama djenimmi ni ibadinimi ni. tani bouni Allanoum touronoure , Souroutanguo guinirou tammi .Yom sabbatnga na yanda . Manasouma hidimena guinna diguissa dissii dro djen .Youm troussounga ngoningui ni tani fokordiningui.

1. Abba nouma yé âya nouma yé karamou yi ang yirimi yi, zinna ni djénimi yi, mouni amma mochanar farimi yi, inni kée tisso ni , inna souda na lanimi.

1. Loka Allay houkoumma mourdoma Moussar tchainna ,Allay chabba ganouna kouda mounta tchaine ni gastiguire. Allay barka nakni foukni Allay tabayito tchirou ang tabadjiné bena, Allay azzabtchigui.

1. Allay tanta buyi gueyintou drô tchabsountou yi.Allah mirée zaga djeitigayé, awouni ini dro dintigaye guinna wassa tchen. tanta dro niri Allaw tchii djilar , mallah baa bess dro zoutigui.

1. Awouni chabba koyi hase dâa laï arouwaitigidé dommbe. Ang bigui djeï ginna trâa haddine gourtédé mallah ba trâa tchidi tchaine biga sounda tchourkaga djilar.

10.Beni Isiraéliwa moura ginna hardindou chariya Allang marare tchénaa. Ogoni Allah troni ibétchintiga téna hardindou.

1. Ya mountou bassoune Moussa êy sinainga da bouzou ni Allah gui noukinguire,, amma sunnay anourou gartchintou .Haroun dir dahab gourtou tchaindouni dâa sanam djeyintou tentouna ibadintar koy Allangar. Inna ayi bigui bour bouyi.

1. Arouni dahab godji sanam djeyi, tégé ibatchintou. Allay bour owortchi. Moussa Allah hourou tchen ni ,marari tchiddé beï.

1. Moussa éyima dou tchakki, eya tchou da houkouma mourdom Allanga da ouroudra tchikki. Moussa sanama loko dourou bour owortchi.

1. Terrou basoune dorima gire damartchi wasagma yiw tchidiga drô bitchi. Allay mourarou drô waba galtchi goura dro tchatou.

1. Moussa éyima dâa bouzouni douwa goyi Allay mouragan samadyini sunaï sappouni bousafou Allay barka dinou ni wahatchima rou tourtou.

Gussa min Kitab al moukhadas ,min kitab al Khouroudj min soura 19 ila 34