Gussa 26 : Seidna Issa al massih bada khidimta

1. Meri chadamanga wayingarou bara, ni Gallil tedou. Gallildeh ni douro icheïnna Allah Issarou gourah boudou tchène niy koua tèrou ni ammarou kira here. Amma ginnay ini ammarou wassa tchènou tiri yintou.

1. Terou bara Issa ni tra mereh adimourou ichynarou. Nima sourouma nazareth yintigui. Youme sabetnga Issa koy ibada gueyintiga terou ammay wotiguée tchéntou, wotiguée douro mèrra nébi (ISHAYA) tchiqui. Kirainga djirkannou, key térou Issa kitape lantchi kiraye.

1. Issa lourama kiraye ni Allay tagoudou wahate djini amma bizidedou médi tchoussou fadirgi. Allay tagoudou djounoudou ni amma dangaïda, dangaïdouro hedirgi. Amma arouwa sâa soun ta hakintigi amma kouda modoulouma guia kilah hakintigi. Wokite aï dé Allay, tara dou rahamdjintigi ni tourkoudjintigi ni.

1. Awou, Issa meré bouzzou. Amma ginna siginnou rayintou. Amma ginna hanayintou rouna kirayintou Issa Massi, Issa farrou : tani ini kiranirgua touzzou wokite ayrou. Amma ginna bour odjobtchintou. Moura fattou: ay yali Youssoufou tchiyé?

1. Awou, Issay farou: akid nébi niy dro boyin-na merihouma aw ngayingré bey. Wakite nébi Elie, arriya doua bourtchiki izrayil douro, tchirou, wokite yi rènnarou tikdir ngilla agouzou yé lawyé, Allah nébi Elie nouddé bey achan arri douou tourkig izrayilou douro, tchirou, Elie nourou arri douou amma courra.

1. Issay farou: wokite nébi Iliass ngarou, amma mounta izrayila moura gourou kissarou diri. Tchirou, Iliassi kadourdé bey. Ila ang esskeray bousountou sourma GADA Naaman, inrigu tawadji meré erdi yahoudaw, amma ber Issaga bassi ndjika muru yahouda key bassour bour zul. moura yahouda, Merou bassourou bara, moura bour erda tissourou.

1. Amma Nazarethya Issar ladirou gourtoutou koy courir. Awouni coubbou douro dintou tchitiguirér. Tchirou Issa nimma douro tchourou.

1. Awou Issa terrou niya Gallilé ginna, amma mounta riddou tchaptintou coula houmarou. Moura amma mounta gourtitou wocha yé dounggayés.Gourka koura tigantinna yé, aroua yé, mougua yé Issay mouranga kaherou.

1. Amma moura douro djini zou deh ginna koy Issa goutou. Issa djinou dou ama dou aguaroug fadou. Halace djinou tchidi dou tchaou tchourou: djinou Issa dou ini djinou fadou amma ginnay edjibe doutou. Allay dou chakourtchintou.

1. Terrou bara, Issay amma mourdome satchourou koulintou malla. Malla errichit guissou Issa qui awounni ina mounta hakintou.

Gussa min Kitab al moukhadas, min Injil Matta soura 4 min aya 12 ila 25; Injil Markous soura 1 min aya 14 ila aya 15, min aya 35- ila aya 39; soura 3 min aya 13 ila 21; Injil Luqa soura 4 min aya 14 ila aya 30, aya 38 ila aya 44