25. Tinokho na yan Satanas ye Apo Jesus

Haanin, hiyay Apo Jesus a naheb nin Ihpiditon Dioh, inomalih ya ha kabatowan nin Jordan ta in-ogot na yan Ihpiditon Dioh ihtew ha logal a homain tao. Ha loob nin apatapoꞌ a mangaamot a anti ya ihtew, ahe ya bega nangan. Ket ha nalabah hilatew a mangaamot, nabitlan yayna. Ket hiyay Satanas, anlakwen na yan an-oy-oyen a manyag maloke.

Hinabi nan Satanas kanan Apo Jesus, a wana, “No hika ye Anak nin Dioh, hige man awod, habiyen mo man kananyatin dapah a mag-ilyadi yan makan.”

Nakibat yay Apo Jesus kanan Satanas, a wana, “Yati ye nakaholat a Habi nin Dioh, ‘Aliwan bengat makan ye malyadin pagbi-ayan nin tao.’ ”

Haanin, hiyay Satanas, inlakew na yaynay Apo Jesus ha banwan Jerusalem. Ket pinaideng na ya ha pinakamatagay a bobongan nin Himbaan nan Apo Dioh. Hinabi nayna man nin Satanas, a wana, “No peteg a hika ye Anak nin Dioh, magtaboy ka man awod a paibat ihti. Ta hiyay nakaholat a Habi nin Dioh, wanae ya, ‘Itobol na yan Apo Dioh ye pānobolen nan manalima kammon manampopō ta omon hila ahe mahakitan ye dadawkap bitih mo ha dapah,’ ” wanan Satanas.

Noba nakibat yan oman ye Apo Jesus kanan Satanas, a wana, “Yati ye nakaholat a Habi nin Dioh, ‘Adi mo ya anhoboken ye Apo mon Dioh.’ ”

Haanin, hiyay Satanas, inlakew na yay Apo Jesus ha matagay a logal. Ta oy-oyen na yayna man ihtew. Ket impakit nan impahiglap kana ye kaganaan a panakopan ha babe lota. Hinabi nan Satanas kana, a wana, “Ibiyay ko kammoy kaganaan a katongkolan boy katatampaan kanlan hilatin lologal. Ta naibiyay hilayna yati kangko. Ket maibiyay ko hila met yati ha agya hinyaman a labay kon pamiyayan. Kaya-bay, no manalimokod kan bengat a manggalang kangko, ket ibiyay ko kammo hilayatin kaganaan,” wanan Satanas.

Nakibat yay Apo Jesus, a wana, “Omalih ka kangko. Ta yati ye nakaholat a Habi nin Dioh, ‘Manggalang ka kanan Apo mon Dioh boy hiyan bengat ye paghilbiyan mo.’ ”

Hiyay Satanas, ha natandaan nayna a ahe na ya bega hamboten ye Apo Jesus, nilakwanan na ya. Ta mangagad yan manged a panaon a hoboken na yayna man oman. Haanin, ha inomalih yaynay Satanas, nilomateng hilay pānobolen nin Dioh ta {{file:///C:/Program Files (x86)/Paratext 7/ProjectComments/Flagged.png?nolink&}}maghilbi hila kana .

//A Bible story from: Matthew 4:1-11; Mark 1:12-13; Luke 4:1-13// ====== 26. Nandogi yaynay Apo Jesus a Mangiadal ======