41.

Ha nailbeng yaynay Apo Jesus, hilay māngona a papadi boy hilay Papariseo, nakew hila kanan Gobilnadol Pilato. Ket hinabi la, “Apo, naihipan mi a ha angkabi-ay ya po yain a mānalingo, hinabi na a, ‘Pangalabah nin tatloy mangaamot, mabi-ay akon oman.’ Kaya-bay awoken mi kammo a bilinan mo hilay hohondaloh mo a pakabantayan la yan manged ye nangilbengan. Ta maka no takawen la yan mānombong na ye bangkay na haka la ibalita a nabi-ay yan oman.

Noba hinabi nan Gobilnadol Pilato kanla, “Kokowayna. Main kawo met bay māgbantay. Kaya-bay hikawoy nan bengat ye mangipabantay.” Ket nakew hilayna ha nangilbengan. Ha niabot hilayna ihtew, minalkaan la yay dapah a nakaleneb ha nangilbengan ta-omen la matandaan no main manlokat. Boy nangibantak hila nin nangaanon bantay ta-omen la mahigodo a homain makatakaw nin bangkay nan Apo Jesus. (Mat 27:66)

Kabekahan nin pangilbeng kanan Apo Jesus, ket Mangaamot nin Pagpainawa. Hilay Jujudio, an-ibawal lay makew ha pangilbengan kananyain mangaamot. Kaya-bay ha mahanib-hanib po nin mangaamot nin Dominggo, main nangaanon babayi ye nakew ha nangilbengan nin bangkay nan Apo Jesus ta-omen layan tiihan nin pabango. (Luk 24:1)

Haanin, kapipikhaan nanlayon nin mak-haw, ta hiyay anghel nin Dioh, inomaypa yan ibat ha langit, ket intolin na yay dapah a pinanleneb ha nangilbengan haka naya iniknoan. Ket hilay māgbantay, ha nakit la yay anghel, namigpig hilan nangapoang a ba-mon natey, oli ha tobat a limo la. (Mat 28:2-4)

Haanin, hiyay anghel, hinabi na kanlan bābayi, “Adi kawo angkalimo. Ahe yaynay Jesus ihti, ta nabi-ay yaynan oman a omen ha hinabi na kanyo ha hatew. Higi, makew kawo ihti, ta bilewen yoy nangikonaan nin bangkay na.” Ket binilew lan peteg ket nakit la a ahe yayna ihtew. (Mat 28:5-6)

Pangayadi, hinabi nin anghel kanla, “Kokawoyna kanlan mānombong na, ta habiyen yo kanla a, ‘Nabi-ay yaynan oman boy naona yayna ha Galilea, ket ihtew yo yayna makit.’" (Mat 28:7)

Haanin, tampol hilan inomalih. Ket agya angkalimo hila, angkaaliket hila oli ha imbalita nin anghel. Nayew hilan nakew kanlan mānombong nan Apo Jesus ta-omen la ibalita ye nalyadi.

On the way, Jesus appeared to them, and they worshiped him. Jesus said, “Do not be afraid. Go and tell my disciples that I will see them in Galilee.” Legan ampayew hila, hinagana na hilan Apo Jesus. Hinabi na kanla, “Komohta kawoyna.” Hinomaley hila kana ket kinimpaan lay bitih na a nanggalang kana. Haanin, hinabi nan Apo Jesus kanla, “Adi kawo angkalimo. Kokawoyna kanlan kakatongno ko, ket habiyen yo kanla a makew hilayna ha Galilea, ket ihtew lako makit.” (Mat 28:9-10)

//A Bible story from: Matthew 27:62-28:15; Mark 16:1-11; Luke 24:1-12; John 20:1-18//====== 42. Nipatagay yay Apo Jesus palakew ha langit ======