Qisolmec Milgu Soa
Adam uqa aideccai hoale Ifan uqa aben galecai bahin mudeanahgu hogu, Adam uqa aideccai hoale hogu ben bahin elubaecgu bilehianah. Hoale ilam dewenalai lahuldecun loto elcel qei taqehianah. Odan hoqa, etacub houqacan hoale qei olanalai neanah, elacin, milgu silail qei nieanah. Sain matibahin hoale aben hogu ocobehi Ifancai le madeinah.
Odean hoqa, aben hogu iqaqulqec man meuqe hoil nieanah. Man houqa aid ocolideanah, “Gugufu Ifan uqa ina na aben hegu nieadecia hogude meu ub lebilac hocon hoil madaleanahaf?"
Odean aid uqa walde maudeanah, “Ifan uqa ile na unug hogude meu hoageu houqa ile ois lewan ec maileanah, odedeqa, uqa na doc meucuncai, meuqecen hogude meu uqau houqa ho ub lebilac ec maileanah. Ifan uqa maileanah, 'Ale na hogude meu uqau hoqa o lefehi, o, ale hoqa qutudefehi ale almehian ec maileanah.'"
Man uqa le wadacdec aid maudeanah, “Le ho gugufu qe! Ale qei almebilac! Ifan uqa doa, sain ale na ho uqau meu lehiangu esi hogu bahin ale esi Ifan uqacat iwe uqa doc mecuncai, meuqecen ho doa iwe alefa doc meucuncai, meuqecen ho dohian.”
Aid uqa na aci ho fean ho galecai, odean mecidec uqau ho lecun ho mugcai. Uqa doc meubahicai bilecun hoconafa galedean hocon, uqa na aci leih oadeafa leanah. Odede uqa gemug ho uqacai obeudimehian hocon, uqa leih gemug utean gemug uqafa leanah.
Qeigiec bahin hoaleu isdec ho fiagean, hoale fifal ec ho isdec ohianah. Hoale dewenalai lahuldehian hocon na bagac oadehiafa, hoale tabehian hocon gaban cadehiafa hoale osim cohianah.
Odean dana uqa aideccai hoale Ifan uqa aben gemacu ocobean udahunig dahmehianah. Hoale ilam Ifan fealewan hocon lokumehianah. Odean Ifan uqa dana utadeanah, “Ina hagena?" Odean Adam uqa le wadacdeanah, “Isa ina abigu ocobecan udahunin dahmigafa, isa fifal hocon cumunicafa isa lokumicah.”
Odean Ifan ocolieanah, “Ina fifal ec ho in maiseah? Ina na aci ub lenac ec maisin ho, ina ho legahaf?” Dana uqa madeanah, “Ina aid iten heuqa isa na aci iteah." Odean Ifan uqa aid ocolideanah, “Ina elaci hoil odecah?” Aid uqa le wadacdeanah, “Man uqa isa culteah.”
Ifan uqa man maudeanah, “Ina gelisicah, ina wawingu sananacade ocobe, ina mil gude ufai ho legan. Ina aidcai ale dodo ofou uteb uteb bilehian. Odeb, ina wawingude sihul alesonigan hoagecai uqau hoage dodo ofou uteb uteb bilenigan. Aid uqa wacugude sihul sihul alesonigan hogude uqa esi ina gatanin lacude nanasaleian, odeb ina esi uqa faci gobisi ho gataweutegan."
Odeafa, Ifan uqa aid maudeanah, “Ina mel basegangu ho, isa odemin ina esi dain ben bahin efegan. Ina esi gemunun, ben bahin galeiseian, odeb, uqa esi inau ilo bileiseseb, ina uqa facalisanig bilegan.”
Ifan uqa dana maudeanah, “Ina aiden uqau le dahmeme qa ina isau madec isa oni ho qei totode odecah. Ois, qil mil qa geldicah, odeb, ina eli cefeganmefe ho ina esi abi gagadi bahin ogan. Odecafa, ina esi almegan, odeb ina dewen ganac houqa esi haun ehelawe mil ufaigu hogu noian.” Dana uqa aidec ho weni Ewa qeanah, houqau gug ho “eawac bilec houqa adea," elacin, uqa esi dana aid unug ageu ania alesoian. Ode Ifan uqa eqaf ganacgu Adamcai Ewa dewenalai lahulde aleanah.
Odeafa Ifan uqa madeanah, “Ois, qil qa doc isdecsilecai he, hoale meucuncai, meuqecen ho dohiafa hoale ige iwe igecet iwe mehial hocon, ige hoale qei ulalemun hoale eawac bilecun na aci ho lehiafa hoale gaidgaid eawac bilebilac." Ode, hocon Ifan uqa Adamcai Ewa sulalean, aben galecai hogude ulehi sibelu alesohianah. Ifan uqa in hoil ub aben hogu wafa uqa na aci eawac bilecun houqa lewan hocon, uqa engel gagadi odec benbahincai ho aben ho iacul wacun aba wacgu meanah.
Ifan uqacan totqec louqec heqa: Gugqec 3 hogude