Dana Melun Le Made Qel Qetec

Abram Saraicai hoale Keinan hatugu alewahiafa, hoale bilehian 10 iar nueanah. Hoale melcai qitigi odecet adi bilehianah. Ode hocon, Abram aidec Sarai uqa Abram maudeanah, “Ifan uqa isa melcaime bilecun qei ois iteanah, odan isa wele toia bahin migal hocon, isa melcai mewahuqe, odeqeit, heca, isau abi aid Haga, ina uqa onafa, uqafa ina aiden bileiseian, odeb, uqa esi isau mel hoil baseiteian.”

Hocon Abram uqa Haga uqa aidec bileuteian oanah. Odean Haga uqa dana mel hoil baseanah, odean, Abram uqa mel ho weni Ismael qeanah. Odan hoqa, Sarai uqa Hagacan fel adeanah. Sain Ismael uqa 13 iar bileanahgu, Ifan uqa ehele Abram le uteanah.

Ifan uqa madeanah, “Isa Ifan Gagadi Odec Ahulec, isa inacai le made qel qete gagadi mudeluan. Odean Abram uqa gatelac cefe uqa dum noanah. Ifan uqa Abram le edefa maudeanah, “Ina esi hatu matibahin ageu ahia bilegan. Isa esi inacai, inau sihul sihul alesonigan hoqacai, isa Keinan mil houqa ademin mil ho hoage muguma alesoian; odeb isa esi gaid gaid hoageu Ifan bile adeigan. Ina sihul inacai bilecia ho, ina dana mel ho unug dewa ganac ageadecal.”

"Ina aiden Sarai uqa esi dana mel baseian. Dana mel houqa esi le made qel qetec gagadi mudec houqacan dana mel bileian. Uqa weni Aisak qegal. Isa esi uqacai le made qel qete gagadi mudeluan, odeb, uqa esi hatu hoil wenicai alesoian. Isa esi odemin, Ismael uqafa hatu hoil wenicai alesoian. Odea hoqa, Isau le made qel qete gagadi mudec houqa ho esi Aisakcai bileian." Ode Abram ec weni ho, Ifan uqa falide weni Abraham qeanah, odan houqau gug ho, “matibahin ageu ahia”. Ifan uqa Sarai weni hofa falide Sarah deanah. Houqau gug ho “king o kuin atec”.

Del hogu, Abraham uqa dana mel hondeg uqacai bilecia ho, uqa hoage unug bahin dewa ganac ago adeanah. Odan iar osahi ode hedeanafa, sain Abraham uqa 100 iar bibilean, Sarah uqa 90 iar bileanahgu uqa Abraham uqau dana mel baseuteanah. Hoale Ifan madaleanah iwe ho totodehi, hoale mel weni Aisak qehianah.

Sain Aisak uqa mel haun bileanahgu, Ifan uqa Abraham uqau wacu cefec ho temde feian hocon uqa maudeanah, “Ina melam Aisak uqa osahi ho adi, ina uqa ogafa qen almebafa isa ihancitece.” Abraham uqa haun ehele Ifan ou totodeanah. Uqa melahgu ihanec mudeian hocon elcel saiadeanah.

Sain Abrahamcai Aisak hoale ihanec mudehian hocon, hoale aben hogu nunuehi qa Aisak uqa memeg ocolideanah, “Mem, ile ihandec mudeluan lai besilig qagewal hoqa eia, odea hoqa, sipsip qa aia?” Abraham uqa walde maudeanah, “Melami, Ifan uqa esi, ihandec mudeluan sipsip manafal haun houqa saiade ileian.”

Sain hoale ihandec mudec aben hogu alewahiafa, Abraham uqa melah Aisak hibawoafa, uqa ihandec mudecun lai hug mengu ohalec (alta) hogu mudean nieanah. Ode uqa melah qeb almeian odedean bahin, Ifan uqa madeanah, “Ulece! Ina ub dana mel deweu dain utenac! Qil isa duga, ina ho ina isacan wawingu inau isdec ben bahin niniean isa facalisani bileca hocon, ina melam osahi houqa adi ho ina ho isa itecun ho qei ulecah.”

Odan utuqanu bahin hogu, Abraham uqa meciean ho mecmec haun hoil uqa gehugu hadagieafa tatawean feanah. Ifan uqa Aisak uqau abengu ho, uqa mecmec haun houqa ihandecun saiadeanah. Abraham uqa wacu elubaecgu, uqa sipsip manafal haun houqa oafa, uqa ihandec ho mudeanah.

Odean Ifan uqa Abraham maudeanah, "Ina elcel unug itecun ho oisecgu adi bileca. Ina melam osahi adi hofa itecun ho qei ulecah. Isa ina eldec iseigan le made qel qetica. Inau sihul sihul ho esi sulupai hau ohis nieciacai ho holimadec nieian. Milgude sihul sihul unug hoage esi inau sihul houqacangu hoage eldec onigan, elacin, ina ho ina isa oni totodec bahin odecah."

Ifan uqacan totqec louqec heqa: Gugqec 16 - 22 hogude.