Samariade Dana Meu Bahinag Houqacan Le Totoqec
Del hoil, Iuda hoageu nun le houqacan doc dana hoil uqa Iesuscai soafa, uqa Iesus temdecgu madeanah, “Iwalec dana, isa elaci bahin mudicafa, isa eawac bilec gaidgaidun houqa oigan?” Odan Iesus uqa walde maudeanah, “Ifan uqau nun legu houqacan louqec ho ade niea?”
Nun lecen doc dana uqa, Ifan uqau nun le houqa ede madea ec ho uqa walde madeanah, “Ina ulunin unug, ode dolonin unug, ode gagadi odec inau unugcai, odeb isdec inau ho unug, ina Ben ahiac inau, odan uqa inau Ifan, ina uqacan adi wawin nieian. Odec ina, ina dodocon wawin niea iwe ode adi, ina in uqa inacai utuqanin bilea uqacan ho ina wawin nieian.” Odean Iesus uqa maudeanah, “Ina ho ihoc bahin madeca! Ina ho mudecafa, ina gaidgaidun eawac bilegan.”
Odan hoqa, nun lecen doc dana houqa, uqa dodocon ho tutu obec dana ec ho ifaeian hocon, uqa ocolieanah, "Odac, dana handeg ho uqa isa utuqani isacai bilewa ec ho doigan?”
Iesus uqa nun lecen doc dana houqa, le wadacde maudeanahgu uqa le hoil totqeanah, “Iudade dana hoil, uqa Ierusalemde Ieriko nueian hocon, uqa hi totode ocobe nueanah."
“Sain uqa hi ocobe nunuean, feleu dana odacat hoage uqa utumdeinah. Hoage uqau elcel ho unug alaudade ocoic qa, hoage uqa qecian qecian almeian odeanah. Odedeic, hoage uqa uculudeic nueinah.”
“Ho hedeanafa, qei giec Iuda hoageu ufu houqau ihanec dana hoil, uqa hi hocot adi totode ocobe noanah. Sain Iuda hoageu ufu houqau ilo dana uqa, dana ho elcel feleu outeteic qe efecian nue nieanah. Ho uqa in hoil esuliteian ecgu niean ho uqa qei fec iwe meme, uqa hi nawacisai wafa uqa odecet adi hi totode ocobe nueanah.”
“Ho hedeanafa qei giec, Liwai hoil uqa hi ho totode ocobe noanah. (Liwai hoage ho Iuda sihul uqau feifei hoil, odan hoage ihanec mudec dana hoage esuladecian, Gun Logu abi odeciacai.) Ois Liwai uqafa dana elcel feleu outeteic qe efecian nue niean ho, uqa ho qei fec iwe meme, uqa hi lete nawaicisai wafa, uqa hi totode ocobe nueanah.”
“Odan uqa totodec dana hoil hi ho totode ocobe noan houqa ho, uqa Samariade dana, (Samaria hoage ho, hoage Iuda sihul, odan hoage hatu hoil gude aid o, dana aid o dana oadeinah. Odan Samaria hoage Iudacai fedadan ecgu bilecia.) Odan hoqa, sain Samariade houqa, uqa Iudade dana ho feafa, uqa ben bahin waloloc leanah. Hocon uqa esuldule, uqa iofuful ho leladeuteanah.”
“Ode Samariade houqa uqa Iudade dana houqa ohisde uqau donki taitac mudeafa, uqa dana ho mehule hi ho qesigu, lo hoil idatmeme nieciacai hogu mehule nueafa, uqa hogu ofdean bilehianah.”
“Del etenan hogu qa, Samariade houqa, uqa hagu nueian isde nuean ho, uqa ho ihoc mudeian hocon uqa nueanah. Uqa men aci leih oafa uqa in uqa lo idatmeme nieciacai hoqa ofdec bilea houqa utete maudeanah, ‘Ina dana he ofden bilehial, odeb ina men aci he ulical he holimdec ganic hoil ehele ulegan ho, isa esi haun ehelawe faheigan hogu, ina men aci ganic ulecal ho, isa esi hoqa wadacdec iseigan.’”
Odeafa, Iesus uqa nun lecen doc dana houqa ocolideanah, “Ina ade isdeca? Dana iet hogude, el dana haqa ho, uqa dana elcel feleu outeteic qe efecian nue niean houqa utuqanig bileacai?” Odan doc dana ho madeanah, “Dana in uqa dana ho waloloc lean houqa.” Odan Iesus uqa nun lecen doc dana ho maudeanah, “Inafa nuec odecet adi odece.”
Ifan uqacan totqec louqec heqa; Luk 10:25-37 hogude