Ulumen Benben 10 Ho Efelufel Socia

Mosescai Aron hoale Isipde Kingcai nuehianah. Hoale nuehiafa madehianah, “Israel uqau Ifan ho ede madea, ‘Ina Isau dana aid felacaden nuecie!’” Isipde King uqa hoaleu le dahmecun culeanah. Uqa Israel hoage felacadeb nuecun ho cucule qa, uqa hoage abi gagadi bahin onigan esiadeanah.

Isipde King uqa Israelde dana aid felacadeb nuecun ulean ho uqa odecet adi odeanfe, Ifan uqa ulumen benben meuqe bahin 10 ho efelufel suldean Isip hogu soanah. Ulumen benben efelufel ho soadein hogu, Ifan uqa Isipde Kingcai, Isip hoageu manecet filfil ho unug uqa hogimadec, uqa adi gagadi odeca hulec ec ho ifaeanah.

Ifan uqa Nail wa ho odean log alesoanah. Odan hoqa, Isipde King uqa odecet adi uqa Israelde dana aid felacadeb nuecun ho uqa uleanah.

Ifan odecgu cog matibahin aladesoic, hoage Isip hatu ho unug ihoc wanah. Isipde King uqa Moses uqa cog oade nueian hocon ninicdeanah. Odan hoqa, sain cog hoage unug alme hedein hofa, Isipde King uqa wacu afaqean ho qei uleanah. Uqa Israelde dana aid felacadeb Isip ulude nuecun ho uleanah.

Hocon Ifan uqa ulumen benben efelufel soan hogu, uqau odecgu uqa wetemal sualdeanah. Ho odeanafa, uqa ulumen ben meuqe hoil hoqa uqa haun ehele suldean hoqa uqa lagilag suladeanah. Isipde King uqa madean Mosescai Aron hoale uqacai wahianafa, uqa hoale ulumen ben meuqe ho soan houqa ahacadebilfe, Israel dana aid hoage Isip ulude nuenigan ec madaleanah. Sain Moses uqa inondeanafa, Ifan uqa lagilag unug Isipde itatacadean nueadeinah. Odan hoqa, Isipde King uqa wacu afaqean ho qei uleanah hocon, uqa Israel dana aid qei falacadean hoage besadec oinah.

Ho totodec, Ifan uqa odean, Isip hoageu eqaf manan abi ociacai hondeg ho unug bahin sag ociafa hoage almeinah. Odan hoqa, Isipde King uqa ilou tean hocon, uqa Israel hoage qei felacadean nueinah.

Odean, Ifan uqa Moses uqa lai alaba oafa,uqa Isipde King amesacgucisai ohis tahuleian maudeanah. Sain Moses uqa ho odeanafa, Isipde hoage dewenagu ioma dain ahulec houqa aladesoinah. Odan hoqa, Israel dana aid hoageugu qa ho qei alesoanah. Ifan uqa odean, Isipde King uqa ilou teanah, odan Isipde King uqa Israel hoage qei felacadean besadec oinah.

Ho hedeanafa, Ifan uqa odean, wa gagamug tec men ailel ho hau ohisde neme, Isip ageugu abi gude eli lec ho matibahin qean kololeinah, odan in hoil sibelu aleso obean hofa qean almeanah. Isipde King uqa madean, Mosescai Aron hoale uqacai sohianafa uqa madaleanah, “Isa silail mudicah. Age ois nuenigan.” Odeanfe, Moses uqa inondean, etacub hau wa gagmug tec men ailel iwe hau ohisde nean houqa gatideanah.

Odan hoqa, Isipde King uqa wacu afaqeanahgu ho uqa haun ehele silail meanah. Uqa Israelde dana aid qei uladean hoage besadec oinah.

Hocon Ifan uqa odean, sis kimum hoage osahigu adi toqeic hoage am benben gu alade soic, hoage Isip hatu ho unug tahafoic ihocwa nienah. Sis kimum hoage abi gude eli lec ho, wa gagamug tec men ailel iwe ho qei aqean kololeinahcai ho unug hoage lecian qeimeanah.

Odean Ifan uqa gagatu suldean aleso del iet nieanah. Gagatu qidiec bahin niean hocon, Isip hoage lo hoageu ho qei uludeic alesoinah. Odan hoqa, Israel hoage nieciaugu hoqa, fuladec nieanah.

Ulumen benben meuqe 9 heqa so nue hedean hofa, Isipde King uqa Israel dana aid felacadeb hoage besadec ocun ho uqa qei oiscadeanah. Isipde King uqa Ifan uqau le madec ho qei doanfe, Ifan uqa ulumen benben meuqe osahi adi itqecgu suldeian hocon isdec mudeanah. Afagu heuqa esi Isipde King uqau isdec ho falideutep, uqa Israel dana aid felacadeb besade onigan.

Ifan uqacan totqec louqec heqa: Ehelawe Oc 5 - 10 hogude