Iesus Uqa Wa Taitac Obea
Ho hedeanafa, Iesus uqa ewel oc dana uqadeu hoage botgu tobe teciafa, hoage wa qalide ho nahaicisai nuenigan hocon madadeanah, odedebil, uqa qa dana aid am ho niean ho madadeb, hoage qatieic nuadenigan ec madeanah hocon madeanah. Ode, sain Iesus uqa dana aid am ho suladean nueade hedecianafa, uqa fohien qesigu bile inondeian hocon teanah. Ode Iesus uqa hogu, uqa umuti bahin bile inondedean nue wi tu kikikdeanah.
Ho odedean, ewel oc dana hoage qa, hoage bot hoageu hogu hoage wa qete wacun ho licidedecian nuean wi tu kikikdeanah. Odan hoqa, hoage wa qalidec houqa gemacu adi wainah. Hoage wa qete wacun licideinah, elacin, wasali gagadi bahin ho hoagecai soanah.
Odean Iesus uqa inonde hedeafa, uqa ewel oc dana uqadeu hoageugu nueanah. Iesus uqa wa qalidec hogu uqa wa taitac ocobe, uqa bot hoageu ho totomude wa qete nueanah.
Odan sain ewel oc dana hoage Iesus feciafa, hoage asisi bahin cumunieinah, elcain, hoage isdein hoqa dol feqaeinah. Iesus uqa hoage cumuniecia ec ho doadean hocon, uqa hoage utacadede madeanah, “Ub cumuniebilac, heqa isa!”
Odean Pita uqa Iesus maudeanah, “Ilo isau, inamefe, ina maiten isa wa taitac ocobi inacai waigan.” Odean Iesus uqa Pita maudeanah, “Soge!”
Odanfe Pita uqa bot culude alesoafa, uqa wa taitac ocobe Iesuscai wanah. Odan hoqa, uqa qei acanamcai ocobe wac niniean, uqa Iesus mecidean ho cucule qa, uqa amug walde macas qahean ho mecidede, uqa wasali gagadi bahin soan houqa deban doanah.
Odean cumuniec ho Pitacai soanafa, uqa hananme wa dadabuean, uqa wa iacul noian odeanah. Hocon uqa ben bahin utaeanah, “Ilo isau, ina esulite oitece!” Iesus uqa haciou bahin leben wan Pita utalanagsiec faleanah. Odeafa, uqa Pita maudeanah, “Inau wawin cefec ho gagadi hoil qe, ina elacicin isdec eliscai faleca?”
Sain Pitacai Iesus hoale botgu tobe tetehian bahin, qei giec bahin wasali uqa gatideanah, odean wa hofa dae ehna nieanah. Odean ewel oc dana hoage ona atage nean mecieic bileinah. Hoage Iesus binainig mumudeic maudeinah, “Gugufu bahin, ina ho ina Ifan Melah.”
Ifan uqacan totqec louqec heqa: Metiu 14:22-33; Mak 6:45-52; Ion 6:16-21 hogude