Iesus Uqa Lasarus Almec Gude Tulidean Aiea

Del hoil, Iesus uqa Lasarus uqa sag ben bahin oah ec le ho oanah. Iesus uqa Lasarus uqa ebinag eliscai, Mariacai Mata, uqa hoage fiala bahin bileanah. Sain Iesus uqa le houqa dahmeafa, uqa madeanah, “Sag houqa odeb uqa qei almewan, oda hoqa, Ifan uqau gamunan houqa ois sihulai ie ifaeian.” Iesus uqa fiacul heagecen ho uqa wacu niec, odan hoqa, uqa etacub ode ho ois alesoian ecgu, uqa ho humudec uqa hagu bileanahgu hogu ho uqa del elis bileanah.

Sain del elis ho hedeanafa, Iesus uqa ewel oc dana uqadeu hoage madadeanah, “Ois ige ehelawe Iuda nueqe.” Odan hoqa, ewel oc dana hoage madeinah, “Iwalec dana, cum bahin he dana aid hogude hoage ina qisebil almegan hocon odeinah.” Odan Iesus madeanah, “Ige fialige Lasarus uqa wele amuseha huniea, hocon isa nuic uqa tulideigan.”

Odan Iesus uqau ewel oc dana hoage waldeic maudeinah, “Ilo dana, Lasarus uqa huniefe ho, uqa esi meu mudeian.” Odan Iesus uqa le amasac qasale madadeanah, “Lasarus uqa almeah. Isa cusadi isa hogu qei bilin hocon isa elubaciga, ode hocon, age ihoc isacan wawa cefenigan.”

Lasarus uqa almean ho del 4 wele hedeanafa, Iesus uqa Lasarus uqau taun hogu fahe alesoanah. Odan Mata uqa alewa nue Iesus qeledeafa uqa madeanah, “Ilo dana, ina afagu hegu bileumahmehul isa ebinami qei almealih. Oda hoqa, isa wawi cefica, ina uqacan elacicin dodo ocoliegan ho Ifan uqa iseian.”

Iesus uqa walde maudeanah, “ Almec Gude Ehelawe Aiecun houqa ho Isa, odan Eawac Bilecun houqa ho Isa. In hoil uqa isacan wacu cefea ho uqa eawac bileian, uqa almeian hofa, uqa esi eawac bileian. Dana aid unug ini hoage isacan wawa cefecia ho, hoage qei almebilac. Ois, ina heuqacan wawin cefecauf?” Mata madeanah, “Io Ilo dana, isa ina Mesaiah, odan ina Ifan melah ec ho wawi cefica.”

Odean Maria uqa fahe alesoanah. Uqa Iesus facigu ne bileafa uqa madeanah, “Ilo dana, ina afagu hegu bileumahmehul, isa ebinami qei almealih.” Iesus uqa hoale ocolialeanah, “Lasarus hagu mudehiah. Hoale uqa maudehianah, “Dana almec ageu fel men mesib ho agocian iacul wac hogu niea, ina fahe fege.” Odean, Iesus uqa qaleanah.

Dana almec ageu fel houqa ho, men mesib agocian iacul wac niea. Odan men hoil olicoldecian wa aba wacgu hogu bileanah. Sain Iesus uqa fel hogu alewafa, uqa hoage madadeanah, “Men ho ocicoldebil wa nue.” Odan hoqa, Mata uqa madeanah, “Uqa almean ho niean del 4 oa, hocon cuhuli meuqe ho esi soian.”

Iesus le wadacde madeanah, “Mata, ina isacan wawin cefefeg ho ina esi Ifan uqau sihulai ie fiata ec houqa fegan ec ho maisicah!” Odeanfe hoage men ho olicoldecian wanah.

Odean Iesus uqa hau ohis meciean tetean madeanah, “Mem, ina dahmiteca hocon isa heiteca ec maisica. Isa duga, ina gaid ode isau le dehmeitecacai, oda hoqa, isa dana aid he tawadecia he unug, heagecen bahin ho isa le he madica, odeb hogu hoage esi haciou ina isa sulitenah ec ho wawa cefenigan.” Odeafa Iesus uqa utaeanah, “Lasarus, ina fel iaculde alesogec!”

Hocon Lasarus uqa fel iaculde alesoanah! Uqa lelenigan loto elcel deweu lelewaldein houqa ho lelewaldec odecet adi bileanah. Iesus uqa hoage madadeanah, “Age uqa esulduleic, uqa lelenigan hocon loto elcel deweu lelewaladein ho nieadecia ho, age ho bacasadeutebil uqa eteg muleian.” Dado gagadi odecai etacub alesowahuqe ho odean alesoan houqacangu, Iudade dana aid matibahin hoage Iesusun wawa cefeinah.

Odan hoqa, Iuda ageu cufu fec ilo dana hoage qa felcadeinah bean hocon, hoage adegucisai Iesuscai Lasarus aqalebil almehian hocon, hoage le balieic ilamenigan hocon so eguleinah.

Ifan uqacan totqec louqec heqa: Ion 11: 1- 46 hogude