Ifan Uqa Aisak Uqau Aid Saiadeutea

Sain Abraham uqa toia bahin bileanahgu, uqa melah Aisak qa wele benmeafa uqa dana meanah. Ode hocon Abraham uqa uqau abi mel hoil suldulean ehelawe mil uqau sihul hondeg bileciaugu hogu nueanah. Abraham uqa hogude Abraham melah Aisak uqau aid hoil o ahe uteian hocon suldulean nueanah.

Sain abi mel houqa hi ecelagcai ocobe nue uqa Abraham uqau sihul bileciaugu hogu alewanafa, Ifan uqa abi mel ho dado mudean, uqa nue Rebekcai wanah. Aid houqa ahac dana ho Abraham otig.

Rebeka uqa memeg anagcai, odan uqau hondeg ho uculade, uqa abi mel houqa ehelawe Aisak uqau logu nueiangu ho, uqacai nuehian ec ho, uqa ois eanah. Aisak uqa aid ho fahe alesosoanafa bahig, uqa aid ho aidec bileuteian hocon oanah.

Sain ecelag bahin bilecian nueanafa, Abraham uqa almeanah. Odan Ifan uqa Abrahamcai hoale le made qel qetehi gagadi mudecgu, hoale le qel qetadean houqa unug Aisakcai wanah. Ifan uqa, Abraham uqau sihul sihul alesoian ho, hoage esi haniwade siewahuqe nieian ec le made qel qeteanah. Odan hoqa, Aisak aidec Rebeka uqa mel qei baseanah, uqa aid fag obeanah.

Aisak uqa Rebekacan inondeanah, odean, Ifan uqa ois ean, Rebeka uqa mel gob gob oaleian hocon wacucai meanah. Mel momodac elis hoale Rebeka wacugucut niniehi, hoale hoalenanan uliman qehianah. Ode hocon, Rebeka uqa houqa elaci alesoa ec ho, uqa Ifan ocolideanah.

Odean, Ifan uqa Rebeka maudeanah, “Ina wawin gude, dana mel elis hoaleu gude ho esi hatu elis alesohian. Hoale esi hoalenanan uliman qehiafa, mel matu houqa esi mel milum ho ewel outeian.”

Odan sain Rebeka uqa, mel momodac ho basalean alesohinafa, uqa fealean ho, mel matu houqa deweu ho logsiec odan bagic acalac feanah. Odan hoage uqa weni Esau qeinah. Odan melah nacag houqa, uqa Esau faci gobisi ho faleancaitean alesoanah. Odan hoage uqa weni Iakob qeinah.

Ifan uqacan totqec louqec heqa: Gugqec 24: 1-25:26 hogude