Satan Uqa Iesus Fanindeian Odea

Iesus uqa wa loudec oan ho qei giec bahin, Kis Gun uqa Iesus mehule wadau mil igis adi kakanec hogu nueanah, odan hogu Iesus uqa 40 asilcai, 40 wil ho uqa ud bileanah. Odean Satan uqa Iesuscai soafa, uqa odeb Iesus uqa silail meian eafa uqa fanindeanah.

Satan uqa Iesus fanindecgu le he maudeanah, “Ina Ifan melahmefe, ina men alaci heage odean hoage bret ibuldebil lege!”

Iesus uqa walde madeanah, “Ifan uqau le madec ho louqecgu niea, ‘Dana aid hoage bret adi ho qei esuladeb hoage eawac bilebilac, odeqeit, le unug Ifan uqa madea houqa ho dahmeic totode odefeic ho hoage eawac bilenigan!’”

Odean Satan uqa Iesus mehule nue, uqa Gun Lo uqau lo qaqas ohis bahinag hogu uludeafa maudeanah, “Ina Ifan Melahmefe, ina dodo bisole noge, elacin, le louqec niea, ‘Ifan uqa esi engel uqadeu hoage ina efisenigan madadeian, odeb, ina faimen ho esi mengu hoil qei qenac.’”

Odan hoqa, Iesus uqa Ifan uqau le hogu taweafa, uqa walde Satan maudeanah. Uqa madeanah, “Ifan uqau legu ho, uqa dana aid uqadeu hoage he odenigan madea, ‘Ina Ben inau Ifan ho ub temdulenac.'"

Ho odean Satan uqa mil uqau ilo biladeciacai hoage unugcai hoageu ehewanacai hoage binainima ho sihulai iea watalude niea ho unugcai ho Iesus ifade maudeanah, “Ina gatelam cefe bile isa binainimi mudenfe, isa elcel he unug ho ina iseigan.”

Iesus walde madeanah, “Satan onawage! Ifan uqa le uqau hogu ho, uqa dana aid uqadeu hoage heqa odenigan madadeanah, 'Ben inau Ifan uqa adi binainig mumudec, uqa adi ewel outece.’”

Iesus uqa Satan uqau faninec ho soadein ho, uqa ho qei totode odeanah. Uqa ho unug holimdeanah. Odeanfe, Satan uqa Iesus cuculude nueanah. Odean engel hoage faheciafa, hoage Iesus ofdedeic esulduleinah.

Ifan uqacan totqec louqec heqa: Metiu 4:1-11; Mak 1:12-13; Luk 4:1-13