Abi Gude Eli Cefec Dana Houqacan Le Totqec
Del hoil, Iesus uqa dana aid am ben bahin hoil, uqa wa qalidec hogu uqa oimetil utuqanu hogu iwaladeanah. Dana aid matibahin uqa dahmulenigan hocon faheinah. Ode hocon, uqa aben ihoc ninieb uqa bile le madadeian hocon, uqa wa fahe uleanahgu hogu uqa bot ohis tobe te bileafa, ode uqa botgu bibile uqa dana aid iwaladeanah.
Iesus uqa le heqa tot aqeanah, “Abi gude eli cefec dana hoil, uqa eli aci ebeh hoqa cefeian hocon nueanah. Sain uqa eli aci ebeh ho, uqa lebengu oade tahulean pilisadeinahgu, leih qa dana hi obeciaugu batageinah, odan hai hoage faheciafa, hoage eli ebeh houqa unug bahin oade leinah.”
“Eli aci ebeh odacat qa, mil mencaigu hogu ho, mil meu ho ben bahin qe hogu qatage noinah. Eli aci mil mencaigu hogu qatage noin hoage qa hoage qei giec qage beinah, odan hoqa, hoageu fefec hoqa mil ducis bahin qei noanah. Odan sain cam qage beafa dulin utean, abi gude eli lec hoqa qaiseciafa almeinah.”
“Ho odedean, eli aci ebeh leih qa, hoage mil gehu elcel duduncai nieinahgu hogu qatage noinah. Eli aci houqa hoage hananmeic ben meinah. Odan hoqa, gehu elcel duduncai hoage aieic, hoage eli aci benmein ho oade taceinah. Ode hocon, eli aci ebeh mil gehu elcel duduncai niecgu hogu noinahcai houqa hoage qage bein ho hoage meu hoil qei giloinah.”
“Ois eli aci ebeh odacat qa mil meu bahin hogu batage noinah. Eli aci houqa ho ben meciafa, hoage eli aci ebeh cefec ho holimdec meu 30 ode, o, 60 ode, o, 100 ode hofa holimdec meu gisoic habieinah. In uqa dahmeian mefe uqa dahme!”
Le totqec heuqa odean, ewel oc dana hoage el gugan madea ho dalieinah. Hocon Iesus uqa silide madeanah, “Eli aci ebeh houqa ho Ifan uqau le, odan dana hi obec houqa ho, dana in uqa Ifan uqau le ho dahmeacai, oda hoqa, uqa le houqau gug ho qei doacai, odean Satan uqa dana houqau gude le hoqa uqa alaude oa.”
“Odan mil mencai houqa ho, dana in uqa Ifan uqau le houqa dahmeafa, uqa elubaecgu oa. Oda hoqa, sain uqa gihadec, o, ulumen benben efefean, qeqeic itatacdecia sain hogu ho, uqa le houqa feladea.”
“Ois mil gehu elcel duduncai niea houqa ho, dana in uqa Ifan uqau le ho dahmeacai, oda hoqa, uqa bilean wawan, uqa elaci haqa duducul bileigan ec doc houqacai, ehewan ahulec bilemih ec isdec houqacai, odan bilec uqaugu ho, uqa meu adi bilemihec isdec houqa aieme, uqa Ifanun wacu niecgu bileacai houqa ifuldeutea. Gug houqacan, uqa iwaldec uqa doancai houqa ho aci hoil qei qewan.”
Odeqeit, mil meu bahin houqa ho, el dana uqa Ifan uqau le ho dahmeafa, uqa le houqacan ho wacu uqa cefeacai, ode uqa houqau elianig ho uqa ifaeacai.”
Ifan uqacan totqec louqec heqa; Metiu 13:1- 8, 18-23; Mak 4:1-8,13-20; Luk 8:4-15 hogude