Ion Uqa Iesus Wa Loudec Utea

Sekaraiacai Elisabet melamalai Ion uqa ben meafa, uqa Ifan uqau le ahun madec dana alesoanah. Uqa mil wadau hogu ninie, uqa cun hani ecia ho musahcai (cun hani ecia) sis kimum leadeanah. Ode uqa loto elcel kamel bagicgu mudec houqa taqoanah.

Dana aid matibahinag hoage mil igis adi kakanec wadau hogu, hoage Ion dahmulenigan hocon soinah. Ion uqa le sacadede uqa madeanah, “Age kobol meuqe ho uculeic wawa falidecie, elacin, Ifan uqau meu ul ho utuqanu mea!”

Sain dana aid matibahin hoage Ion uqau le madec ho dahmeciafa, hoage silail kobol hoageu ho uculeic wawa falidecian, Ion uqa hoage wa loadec adeanah. Iuda hoageu ufu hogude ilo dana hondeg matibahinag hoagefa, Ion uqa hoage wa loadec adeian hocon soinah. Odan hoqa, hoage silail kobol hoageu ho qei uculeic wawa falideinah, o, hoageu silail hofa qei qasaleic madeinah.

Hocon Ion uqa Iuda hoageu ufu hogude ilo dana hoage madadeanah, “Age man imat iwe! Age kobol meuqec ageu ho uculeic wawa falidecie, odeic age dumana ho falidecie. Na unug meu meu bahin qei gisoacai houqa esi ago lai iecgu tahuleian. Le ahun madec dana hoage le heuqa madein ho Ion uqa ihoc mudeanah, “Fege isa esi isau le o nuec dana uqa ina qei nuecgu, uqa asac hanuqe le o nueian. Uqa esi inau hi saiadeiseian.”

Iuda leih hoage Ion uqacat ho Mesaiacaf ho ec ho hoage ocolieinah. Odan Ion uqa walde hoage madadeanah, “Isa Mesaia qe, odeqeit, dana hoil isa totoitec ena soa. Uqa gagadi odec ahulec, ode hocon, isa edaha ho uqa faci gude sendel uqau macal ho, isa bese huleutewahu qe."

Odan, del etenan hogu, Iesus uqa Ion uqaugu, uqa wa loudec oian hocon faheanah. Odan sain Ion uqa Iesus feafa, uqa madeanah, “Fecie, hoca, Ifan uqau sipsip haun, houqa ho, uqa esi mil gude dana aid hoageu silail ho agase tahuleian.”

Ode Ion uqa Iesus maudeanah, “Isa edaha ho ina wa loadec ho isewahu qe, hoqeit, ina qa isa wa loadec itecun ho ihoc.” Odan hoqa, Iesus uqa madeanah, “Ina isa wa loadec ho itegan, elacin, etacub ode odecun ho ihoc, odan ho hi niecgu odecun. Ode hocon, Iesus uqa silail hoil qei mudeanahcai, odan hoqa, Ion uqa Iesus wa loadec ho uteanah.

Sain Iesus uqa wa loudec houqa o hedeafa, uqa wa iaculde alebeanafa, Ifan uqau Kis houqa hai weni ufudid ecia ho iwe alesoafa, uqa ne Iesus taitanig bileanah. Odean hocotgu adi, Ifan lelec hau ohis aleso madeanah, “Ina isa melami, ina isa uluni aci bahin, inacai ho isa wawi meu bahin niea.”

Ifan uqa Ion wele maudeanah, “Kis Gun uqa esi neafa, in hoil uqa ina wa loudec utegan houqacai bileian ho, dana houqa ho uqa Ifan Melah." Ifan uqa osahi adi. Oda hoqa, sain Ion uqa Iesus wa loudec uteanahgu hogu, Ion uqa, memige ec ho uqa lelec dahmeanah, ode, melah ec ho, uqa mecideanah, ode Kis Gun ec ho, uqa feanah.

Ifan uqacan totqec louqec heqa; Metiu 3; Mak1:9-11; Luk 3:1-23 hogude