Ifan Uqa Iosepcai, Iosep Uqau Sihul Ho, Uqa Esulade Besade Oadea
Iar matibahin nueanafa sain Iakob uqa toiameafa bileanahgu, uqa dana mel uqau uqa idohunigleacai houqa weni Iosep, odan uqa Iosep uqa nue otigul sipsip ofade niein hoage iawade feadeian hocon uqa suldulean nueanah.
Iosep otigul hoage Iosepcun hoage gemana becgu alucal dodouleic, hoage uqa fecun ho uleinah, elacin, hoage mema ho uqa Iosepcun ho uqa wacu niec bahin, odan hoil qa, Iosep uqa esi uqa ilo bile ofadeian ec ho uqa bebelecgu feanah ec madeanah. Sain Iosep uqa fahe otigulcai alesoanafa, hoage uqa fale hibaweinah. Odeic hoage uqa sudulecian, begabeg abi dana idatmadec dana leih hoage uqa idatmeinah.
Odan sain Iosep otigul hoage ehele masal qei nuec nieinahgu hoage Iosep uqau loto benahiac ho uqa sicalumain o obeacai houqa ociafa, hoage basileciafa, hoage mecmec logacgu cumeinah. Odeciafa, hoage loto houqa mema ifadecian, mema uqa isdean ho, eqaf uih hoil Iosep qean almeanah ec ho doanah. Iakob uqa ben bahin wacu doan, uqa wawawi eanah.
Odadan qa dana begabeg abi dana idatmeic oadeciafa hoage nue suladeciacai hondeg hoage, hoage Iosep ofale Isip nueinah. Isip hatu houqa ben bahin, odan uqa gagadi odeccai, odan uqa Nail wa ol hogu niea. Begabeg abi dana idadmeade nueic, hoage cusin suladeciacai dana hondeg hoage qa Iosep o nueic, hoage gabman uqau abi dana hoil uqa ehewanig acalac bilean houqaugu suldecian uqa idadmeanah. Odan Iosep uqa uqau ilo dana houqau abi ho uqa mude cusadeuteanah, odan Ifan uqa Iosep eldec uteanah.
Odedean, uqau ilo dana aidec uqa qa Iosep uqa faliteb niefuecgu, uqa deweu meme ocolideanah. Odan hoqa, Iosep uqa hi odegu ho, uqa Ifan amuggu ub silail meminaceafa uqa uleanah. Aid houqa gemac bean, uqa ulecgu Iosep umquleanah. Odan hoage Iosep faleic kalabusgu mudeinah. Odan sain Iosep uqa kalabusgu bilean hofa, uqa Ifan ou totodec bilean ho uqa odecet adi bileancaiteanah, odan Ifan uqa Iosep eldec uteanah.
Iar elis nue hedeanafa, Iosep uqa deweu lecai qitigi, odean hoqa, uqa kalabusgu odecet bileanah. Wi hoil Farao, (Farao ec madec ho, Isip hoage King hoageu houqacan madeciacai) uqa bebelec elis fealean houqacan ho uqa ben bahin isdec qeanah. Ini uqa isdec uteciacai hoage unug bahin hoage bebelec elis hoaleu gug ho qatanecun ho dalieinah.
Ifan uqa Iosep uqa bebelec gug silidecun ho doc ihoc uteanah. Ode hocon, Isipde King uqa madeanfe, Iosep kalabus gude mehule uqacai ofale soinah. Iosep uqa bebelec elis hoaleu gug ho uqa silide maudeanah, “Ifan uqa esi 7 iar iacul, uqa eli walmec ho asisi bahin lu adeian, odeb ho totodec houqa, 7 iar ahel nieian.”
Isipde King uqa Iosepcun wacu aiean, uqa adi ihoc doc meucai ec doafa, uqa Isip hatu unug ageu hanuqec dana uqa Isipde King bilea houqa totodec ho, Iosep uqa ilo bile adeian ec abi ho uteanah!
Iosep uqa 7 iar ho iacul, uqa eli meu walme niean sain meu hogu, uqa dana aid hoage eli oadeic am ben bahin haguadeiciafa, hoage ud mebil bileian hocon madadeanah. Odan sain 7 iar ahel soanahgu Iosep uqa eli ho suldean, hoage idadmein hocon dana aid hoage eli ihoc leleic bileinah.
Ahel ben meuqe ho Isip hatu hogu adi qei nieanah, Keinan milgu Iakob uqa sihul uqadeucai bileinahgu hogufa nieanah.
Hocon, Iakob uqa melahul hanuqec gude hoage suladean, hoage eli idat menigan hocon Isip nueinah. Odan otig otig ho nuein hoage, sain hoage eli idat menigan hocon hoage Iosep amuggu tawein ho, hoage uqa Iosep ec ho qei doinah. Odan hoqa, uqa qa hoage doadeanah.
Iosep uqa otigul dumana asacde ho, hoage uleinahaf ec ho uqa feian hocon, uqa hoage temade hedeafa uqa hoage madadeanah, “Isa age otia Iosep! Age ub cumuniebilac. Sain age isa begabeg abi dana bileigan sulitein houqa, age kobol meuqe ho muditenigan odeinah. Odan hoqa, Ifan uqa kobol meuqe houqa ho uqa odean meubahin ho alesoah! Age faheic Isip bibilebil, Isa agecai, ageu sihulcai ofadeigan.”
Odan sain Iosep otigul hoage ehelawe masal nueciafa, hoage Iosep uqa ena qaham bilea ec ho mema maudecianafa, uqa ben bahin elubaeanah.
Iakob uqa toia meanah, odean hoqa, uqa himecul unugcai hoage Isip nueic hoage unug hogu bileinah. Iakob uqa qei almec bibile, uqa melahul unugcai uqa hoage osahi osahi eldec adeanah.
Ifan uqa le made qel qete gagadi mudec uqadeu uqa Abraham uteancai ho, hogude Aisak uqaugu wanah, odan hogude Iakob uqaugu wanah, odean hogude qa, Iakob melahul 12 hoage himenacilcai hoageugu wanah. Dana mel 12 hoageu gude sihul sihul alesoin hoage ho Israel uqau masa gati filfil 12 hoqa alesoinah.
Ifan uqacan totqec louqec heqa: Gugqec 37-50 hogude