Ifan Uqau Le Made Qel Qetec Gagadi Mudec Qilde

Aid hoil, uqa danacai hoil qei niec, odan aid houqa ho weni Maria. Odan engel hoil uqa aid houqa esi Ifan Melah baseuteian ec ho maudeanah. Hocon aid houqa, uqa danacai qei niec odecet adi bibilean, Kis Gun uqau gagadi odec houqa aid ho uqau bilec ho lahuldeanafa, aid houqa wacucai meanah. Ois aid houqa dana mel baseafa, uqa dana mel houqa weni Iesus qeanah. Ode hocon, Iesus uqa ho Ifan, odede uqa mil gude dana bileanah.

Iesus uqa dado gagadi odeccai ho mudadean alesoadeinahgu hogu ho, uqa ho Ifan ec ho uqa ifaeanah. Uqa wa taitac obeanah, uqa wa ben nenean wasali gagadi soan houqa maudean maimeanah, uqa dana aid sagcai hondeg ho matibahin ho meu mudadeanah, uqa siai meuqe ho itatac adean alesoic nueadeinah, uqa ini almein ho, uqa hoage tuliadean aieic eawac bileinah, ode uqa bret unica qei agoc 5 houqacai, ac wagude alcal elis houqa oafa, uqa oadean eli 5,000 dana aid lebil ihoc waian ho alesoanah. Uqa elcel ho odeanahgu ho, uqa ho uqa Ifan ec ho uqa amasacdeanah.

Iesus uqacat ho uqa iwalec dana wenicai, ode uqa adi wawa oian gagadi odec ihocgu le madeanah, elacin, uqa ho Ifan melah. Uqa ina, ina dodocon wawin niea iwe odecet bahin, ina dana aid odacat hoagecen hofa wawin nieal ec ho, uqa iwaladec le madeanah.

Uqa ina elaci hoiluncai, inau ehewan houqacancai, men aci inau houqacan wawin niea hoqa holimdec ho, ina Ifanun ho gaid ode wawin ben bahin ode nieal ec hofa uqa iwaladeanah.

Iesus uqa, Ifan uqau ilo bilec houqa ho elianigcai bahin ec, odan houqa ho elcel mil he unug gude ho unug holimadec ec ho uqa madeanah. Ois Ifan uqau ilo bilec hogu bilecun houqa ho etacub ben bahin eanah. Ifan uqau ilo bilec hogu bilecunmefe ho, ina qisolmec inau ho Ifan uqa ina besise omisebafa, ina Ifan uqau ilo bilec hogu bilegan.

Iesus uqa iwalec le madeanahgu, uqa dana aid leih esi uqacan waw cefenigan hoage esi besade oade meadec hoqa onigan, odedeb qa, odacat qa ho qe ec madeanah. Uqa dana aid leih hoage ho mil meu bahin niea ho iwe ec madeanah. Hoage Iesusun le meu bahin houqa ociafa wawagu mecia, ode hoage besade oade meadec ocai. Odan dana aid odacat qa, hoage hi obecgu mil tehiec niea ho iwe, odean hogu ho, Ifan uqau le houqa eli aci iwe hogu qei noafa qage be eli meu faleacai ec madeanah. Dana aid hondeg hoage ho, hoage Iesusun le ho ocun ulecia hocon hoage esi uqau ilo bilec hogu qei wabilac ec madeanah.

Iesus uqa iwalec le madeanahgu ho, uqa Ifan uqa dana aid ini qisol meciacai hoagecen ho, uqa wacu ben bahin niea ec ho madeanah. Ifan uqa hoageu qisolmec ho agaseadede houqacan qei isdewan, odede uqa hoage oadeb, hoage uqa himecul alesonigan galedea ec madeanah.

Iesus uqa, Ifan uqa qisolmec ho gegehildea ec hofa maigea. Sain Adamcai Ewa hoale qisol mehianahgu houqa ho, hoaleu sihul sihul alesoan ho unug houqa oadeanah. Hondegun ho, mil he unug gude dana aid unug hoage qisol meciacai, odeic hoage Ifancai filigandeic bilecia. Ode hocon dana aid unug hoage Ifancai ad bilecia.

Odan hoqa, Ifan uqa dana aid mil he unug gude hoage unugun ho uqa hoagecen ho, uqa wacu ben bahin niean, hocon uqa melah osahi adi bahin houqa feladeanah, in uqa Iesusun wacu cefeacai ho, uqa qisolmec uqauan ho, uqa qei ulouldulec owan, odeqeit, uqa esi Ifancai hoale gaidgaidun ode bilehian.

Ina qisol meccai hocon ina dewen lecai, odan ina almegan ec niea, odean hoqa, Ifan uqau gemag bec ho inaugu mecun uculeqa, uqa gemag bec uqau ho uqa Iesus deweugu meanah. Sain Iesus uqa na babalec ohis almeanahgu hogu, uqa qan bi ina ogan niean houqa ho, uqa oanah.

Iesus uqa qei bahin qisol meanahcai, odan hoqa, uqa inau qisol meadeccai, mil gude dana aid unug hoageu qisol meadec houqa unug agaseian hocon, uqa ihandec meu bahin houqa mudeian hocon, uqa ois qan bi ho efeafa almeian ec ho gawoanah. Iesus uqa, uqa dodo ihanean hocongu ho, Ifan uqa ihoc qisolmec gug filfil ho unugcai, o, qisolmec meuqe bahin houqacan hofa uqa agaseigege houqacan qei isdewan.

Abi meu meu odeccai, duman meu meu ifaec houqa qei ina besise omisewan. Ina Ifancai bile cusadecun ho hi hoilcai qitigi, Iesus uqa adi qa ihoc inau qisolmeadec ho wahiociseian. Ina Iesus uqa ho uqa Ifan Melah ec, ode uqa inau aben oafa uqa na babalec ohis almeanah, odan ho, Ifan uqa Iesus tulidean ehelawe aieafa uqa eawac bilea ec houqacan ho wawin cefecal.

Dana aid ini unug hoage Iesusun wawa cefeciacai, odeic hoage Iesus mudecian hoageu ilo dana bileadeacai hoage ho, Ifan uqa esi hoage besade oade meadeian. Odede qa Ifan uqa, in hoil uqa Iesusun qei wacu cefeacai ho, uqa qei besade oade meadewan. Ina ehewanin acalac bileca, o, ehewanincai qitigi begabeg bileca, ina dana, o, qe ina aid, ina toia, o, qe ina haun, o, ina masa hagu bileca, etacub odadacan ho qei madea. Ifan uqa inacan wacu nieacai, ode uqa ina Iesusun wawin cefenafa, uqa haciou sob inacai ale bilecusadehian houqacan uqa galedea.

Iesus uqa, ina uqacan wawin cefecafa, ina wa loc ogan hocon maisea. Ina Iesus uqa ho Mesaia odan uqa adi ho uqa Ifan Melah ec ho, ina houqacan wawin cefecauf? Ina qisolmec ahulec, ode hocon ina Ifan uqau qan bi ho ogan bileca ec ho, ina houqacan ho gugufu ec dogauf? Ina Iesus uqa inau qisolmeadec ho agasadeian hocon uqa na babalecgu almeanah ec ho, ina houqacan ho wawin cefecauf?

Ina Iesusuncai, ode uqa inacan elaci odean houqacan ho ina wawin cefefeg hoqa ho ina Kristen! Ifan uqa ina Satan uqau ilo bilec gagatucai hogude oiseafa, uqa ina Ifan uqau ilo bilec fuladeccai hogu misea. Ifan uqa inau hi asacde ho, ina qisolmeccai elcel odecahancai ho agasecisese, uqa ina hi qilde, hi tutucungu elcel odec houqa iseah.

Ina Kristenmefe ho, Ifan uqa, Iesus uqa elaci odean houqacangu ho, uqa inau qisolmeadec ho unug agasecisese houqacan qei isdea. Hocon qil, Ifan uqa inacan ho, ina uqau ad fiac ec qei doiseacai, qil ina ho ina uqau fiac bileca ec ho doiseacai.

Ina Ifan uqau fiac bibilec, ina Iesus uqa Ilo Dana Ben uqau abi mel bilefeg ho, ina esi Iesus uqa ina elaci iwalseacai houqa ho totodec odecun ho ina galeiseian. Ina ois Kristen bilegangu hofa, ina qisolmegan hocon fanincisec ho esi ode inacai soso nieian. Odea hoqa, Ifan uqa inacai bilecusadec ho qei felaisewan, hocon uqa ina qisol meadec ho qasale madefeg ho, uqa ho agaseisese houqacan qei isdewan ec madea. Uqa esi qisolmec ho inacai sobilac hocon, ina ho mamawegan hocon uqa esi huen iseian.

Ifan uqa ina inondegancai, ode ina uqau le houqau gug ho mege fegancai, ode ina Kristen odacatcai age uqa binainig mudenigancai, ode ina Ifan uqa inacan uqa elaci odean houqacan ho ina odacat madadenigan ec maisea. Elcel houqa ho unug ho ina esuliseb ina Ifan uqacai bilecusadehian.

Ifan uqacan totqec louqec heqa: Rom 3:21-26, 5:1-11; Ion 3:16; Mak 16:16; Kolosi 1:13-14; 2 Korint 5:17- 21; 1 Ion 1:5 -10 hogude