Iesus Mau Mumudeic Ad Lebenagu Mecia
Gaid iar unug, Iuda hoage Ifan uqau olohon ho meheladean houqacan (Mehele Nuec), hoage isde dodoic eli leleic elubaeciacai. Eli leleic elubaec heuqa ho, weleu bahin 100 iar matibahin wele hedeanahgu hogu, Ifan uqa hoage ahiacil ho hoage Isip hogu begabeg abi dana aid bibilecian, uqa adegu hoage esulade odean houqacan isde dodoic hoage eli leleic elubaeciacai. Iesus uqa hahawan bahin hananmeafa, uqa amug amasac ocobe meu le qasale dana aid madadede, uqa iwaladede obean ho iar iet nueanafa, hoage Ifan uqa olohon meheladean (Mehele Nuec) houqacan isdedeic eli lec houqa, uqa ewel oc dana uqadeu hoagecai ilam Ierusalem hogu bileic hoage eli ho leleic, hoage houqacan isdenigan ec madadeanah. Odeb uqa hogu esi qebil almeian ec ho madadeanah.
Iesus uqau ewel oc dana hoil uqa weni Iudas. Iudas uqa ho, uqa aposel hoageu men aci badam houqa ofdeanah. Odan hoqa, uqa men acicin wacu niec bahin hocon, uqa gaid ode men aci badam iaculde feleu oahan. Sain Iesus uqa ewel outec dana uqadeucai hoage nueic, hoage Ierusalem hogu alewaciafa, ois Iudas uqa Iuda hoageu hanuqec ilo dana hoagecai nueafa, uqa hoage men aci utetebil, uqa men aci houqacan wadodociec hoqa ho uqa esi Iesus maumumude uqa hoage lebenagu mebafa hoage uqa qebil almeian ec ho madadeanah. Iudas uqa doanah, Iuda hoageu hanuqec ilo dana hoage ho Iesus uqa ho Mesaia qe ec ho mamadeic, hoage uqa qebil almeian hocon le baliein ho uqa ho wele doanah.
Iuda hoageu ilo dana hoage ihanec ilo dana uqa gutimeanafa, hoage Iudas uqa Iesus maumumude uqa hoage lebenagu mebafa, hoage uqa qebil almeian hocon, hoage 30 silwa men aci ho Iudas idat mulec uteianah. Le ahun madec dana hoage, etacub esi ode alesoian ec le madeinah iwe bahin ho, etacub ho ihoc mudec alesoanah. Iudas uqa wacu meu niean uqa ois ecgu, uqa men aci houqa oafa uqa wa nueanah. Uqa hananme el higu uqa hoage esuladeb hoage Iesus falenigan hocon hi megeanah.
Ois Ierusalem hogu Iesus uqa ewel oc dana uqadeu hoagecai, hoage Mehle Nuec (Pasowa) houqacan eli leleic elubaeinah. Ois sain Mehele Nuec (Pasowa) eli houqa leinahgu hogu, Iesus uqa bret leih oadeafa uqa fenadeanah. Odede uqa madeanah, "Age heuqa ociafa lecie. Heuqa ho isa deweni, isa heuqa ho ageuan adica. Sain age ede odenigan hogu ho, isa agecen elaci ade odeigan houqacan ho, age isdeic donigan.” Hi ho odean houqa ho, Iesus uqa dodo uqa deweu ho, uqa esi hoagecen dodo uqa deweu hoqa ihandeian ecgu uqa ho odeanah.
Odede, Iesus uqa wa gat hoil oafa uqa madeanah, “Age hegude ho efelecie. Heuqa ho isa logani, odan heuqa ho wawige osahi me Le Made Qel Qetec Gagadi Mudec Qildec houqau hoqa qisolmec agasese houqacan qei isdewan hocon ebuseah. Sain unug age he efelenigan ho, age isacan isde dodoic ede odenigan.”
Odeafa, Iesus uqa ewel oc dana uqadeu ho madadeanah, “Ageu gude osahi uqa esi isa maumimite uqa ad lebenagu miteian." Odan hogu uqau ewel oc dana hoage dolonacudean telececiafa, hoage in uqa esi etacub edaha odeian ec ho ocolieinah. Odan Iesus uqa madeanah, “Dana hoil isa uqa bret ufuf he uteigan ho, houqa esi isa maumimite uqa ad lebenagu miteian.” Odeafa, uqa bret oafa Iudas uteanah.
Iudas uqa bret o hedeanafa, Satan uqacai soanah. Sain houqa ho wi, ois Iudas uqa hoage cuculade uqa nueanah. Uqa Iuda hoageu hanuqec ilo dana ho esuladeb, hoage Iesus falenigan hocon uqa nueanah.
Ois sain hoage eli ho le hedeciafa, Iesus uqacai, uqau ewel oc dana hoage ocobeic Fohien Weni Oliw ecia hogu nueinah. Ode Iesus uqa madeanah, “Qil wi age unug esi isa tatahuliteteic nuadenigan. Louqec ede niea, ‘Isa esi sipsip ofadec dana houqa qeqemin, sipsip hoage unug qa pilisadeic nuadenigan.’”
Odan Pita uqa walde madeanah, “Ona unug hoage ois tatahuliseseic nuadenigan, isa qa qec!” Odan Iesus uqa Pita maudeanah, “Satan uqa age unug oadeian galedea, oda hoqa, Pita, inau wawin cefec ho ub ulenac hocon isa inacanmimi inondicah. Gugufu bahin, qil wi ina esi isacan qei duga ec ho esi made ietdenafa, madu manafal esi eweian.”
Ho odean, Pita uqa Iesus maudeanah, “Isa almecun nieian hofa, isa inacan qei duga ec ho qei mademinac!” Odan Iesus uqau ewel oc dana odacat hoagefa unug le odecet adi madeinah.
Odean Iesus uqa ewel oc dana uqadeucai, hoage aben hoil weni Getsemani ecia hogu nueinah. Iesus uqa ewel oc dana uqadeu hoage ub fanincadegu wabilac hocon, uqa hoage inondenigan madadeanah. Odeafa, Iesus uqa umuti bileafa inondeian hocon wanah.
Iesus uqa ede inonde ietdeanah, “Mem isau, ona ihocmefe, ina isa ub uliten ulumen oigan wa gatgu bilea he leminac. Oda hoqa, dana aid ageu qisolmec ho agaseadede houqacan qei isdecun ho, hi hoilgu odecun qitigimefe houqa ho ois, inau doc niea ho totodec ho ulen alesoale.” Iesus uqa wacu ben bahin ulumendeanah. Odan uqa muhul qean houqa ho log iwe neinah. Ifan uqa engel hoil Iesus gagadi muleian hocon suldeanah.
Odan sain Iesus uqa inondec uqadeu ho uqa inondeanahgu ho, uqa inonde hedeafa, uqa ehelawe ewel oc dana uqadeu hoagecai soanah, odan hoqa, hoage qa hunieinah. Odan sain uqau inondec ietdec hogu uqa soan houqa, uqa madeanah, “Aiecie! Dana isa maumimite ad lebenagu miteian ho eia soa.”
Iudas uqa Iuda hoageu hanuqec ilo dana hoagecai, fan adec dana hoagecai, odan dana aid am ben bahin hoagecai faheinah. Hoage fan adec basin ecelag ho faladeccai, ode na qanun faladeccai faheinah. Iudas uqa Iesuscai soafa madeanah, “Fele! Iwalec dana.” Odede uqa iesus ou leanah. Ho odean houqa ho, uqa Iuda hoageu hanuqec ilo dana hoage in haqa ec ho, hoage falenigan ec houqacan uqa dado ho mudeanah. Odeanafa Iesus madeanah, “Iudas, ina oni lecgu ho ina isa maumimite ad lebenagu miteca a?”
Odan fan adec dana hoage Iesus fafalecian, Pita uqa fan adec bainat uqau ho didean alebean, uqa ihanec dana hoageu ilo dana uqau abi mel houqa dahu agoan ne nueanah. Odean Iesus madeanah, “Bainat ho uqau abengu men no! Isa ihoc Mem isau ocolidemin, uqa engel hoage isacanmeme adenigan suladealih. Oda hoqa, isa Mem ou houqa totodec odeigan.” Odeafa, Iesus uqa dana ho dahu oafa meu mudeuteanah. Sain hoage Iesus faleinahgu hogu, uqau ewel oc dana hoage unug cumnueadeinah.
Ifan uqacan totqec louqec heqa: Metiu 26:14 - 56; Mak 14:10-50; Luk 22:1-53; Ion 12:6; 18:1-11 hogude