1. ณะ ยุฮ อาเอะ เคริง ยัง

ตะปูซาง ยุฮ มะลอง เมียฮ อาเอะ เคริง ยัง โฮยด แลฮ ซะแงะ โฮยด ทอ ตะปูซาง ปูซาง ยุฮ แม โลก เกือฮ เอิง กึด โลก เฮฺ เฟียก ดัง ไก เตว อาเอะ ติ ยัง มัฮ แม อาโปะซะงะซะงอม ตะปูซาง ไก กะรัว ละอาวม ทอ

ตะปูซาง อัฮ ยัง เฮฺ "เปือะเมอะ" กำทอ เปือฮ อัน อัฮ ไมจลวน อัฮ มะ ซะแงะ เมียฮ อาฆะ แม ณะ เปือฮ ทอ ออก พะ ณะ เฟียก อัฮ มะซาวม เมียฮ ตะปูซาง ยุฮ ปี เปือฮ เกือ ณะ ยุฮ อาเอะ

ซะแงะ ละอา ทอ ยุฮ มะลอง เกือฮ มะลอง อาอืก กะรัว ละอาวม มัฮ ยัง เคริง กอวฺ เอิง

ซะแงะ ละโอย ทอ ตะปูซาง อัฮ ยัง เฮ. ละอาวม อาฆะ ออก พะ แตะ ซะแงะ ทอ มัฮ ยัง เคริง กอวฺ เอิง "อัฮ แตะ ซะออฮ ทอ มัฮ แตะ" อัฮ ละอาวม มัฮ ละอาวม ทะเล ตะปูซาง อัฮ ไมจ ลวน

กำทอ ตะปูซาง อัฮ แม ยัง เฮฺ "เกือฮ แตะ เฮฺ กึด แตะ นึง เคริง ยัง " กึด เนวิม ยัง ทอ ตะปูซาง อัฮ ไมจ ลวน มัฮ แม ปอลวน อาพาวม เมียฮ ปี ยุฮ เตะ เคริง ยัง

ซะแงะ ทอ ตะปูซาง อัฮ ยัง เฮฺ "กึด เมอะ ซะแงะ เคะ มัฮ แม ซะเบิง มัฮแม ซะแงะ เฮฺ เกือฮ เอิง รัง มะซะแงะ เคะ เกือฮ รัง มะซาวม เพือ กำนด รึดู เนวิม

ซะแงะ พวน ทอ ตะปูซาง เกือฮ แม ซัด เคริง ยัง ปี เดีย ตะ ละอาวม ปี เปว ตอวฺ มะลอง กำทอ โยะ ไมจลวน ปันปวน ลัง

ซะแงะ แลฮ ทอ ตะปูซาง เกือฮ แม ซัด ไก นึง มอ ซัด ปี จอวฺ เรียง เตะ มัฮ แม ซัด ปี เฮว ตะ เวียก เตะ ซัด ปี อาอืก ตะ ปีดวก กึด เนวิม ยัง ทอ ตะปูซาง อัฮ เอิง ไมจ ลวน

แมด โฮยด ยัง ทอ ตะปูซาง อัฮ แม ยัง เฮฺ " เอ๊า ซำ ยุฮ อัฮ ปุย มัฮ ยัง กอวฺ เตะ" ปุย ซำ ไก อำนาด ระ พะ ซัด ตัง เอิก เอิง

กำทอ ตะปูซาง ลวน แตะ เปียน ปี อาแมะ กำทอ พู กาว เลียก ตอวฺ กะไน ฮมอ ทอ ฮมอ ทอ กอวฮ ไอน ดอวฮ มาวฮ เอิง มัฮ อาดัม ตะปูซาง ยุฮ ซวน ติ ตอวฺ เกือฮ ฮมอ ทอ อาอืก กะรอ ซะแพระ ซวน ทอ

ตอวฺ บักบวน ซวน ทอ ไก คอวฺ นึง ละอา คอวฺ มัฮ คอวฺ เกือฮ ปะ อู จะ ยุม เมียฮ คอวฺ โยง ปี ไมจ โยง ปี อู ไมจ ตะปูซาง อัฮ ละ อาดัม " เปลฮ คอวฺ เคริง คอวฺ แกฮ กก ปัง เวน คอวฺ โยง ปี ไมจ โยง ปี อู ไมจ ทอ ปืน มะ กก ปัง ซำ ยุม ปะ "

ตะปูซาง อัฮ แม ยัง เฮฺ "ไมจ เตว ตะปูซาง อาอืก นอง " มัฮ แม ติ ยัง เอิง อู ไก ซัด เตะ ลอบ ปี ชอม เมียฮ ฮมอ ทอ

โฮยด ทอ ตะปซาง เกือฮ อาดัม ทอ ไอจ ยึง ซะอัง พรวก ออก ยุฮ เปียน ปี อาเปิง ติ ปุย เกือฮ ลัง

แมด อาดัม โยะ ปี อาเปิง ทอ อัฮ ยัง เฮฺ " เฮฺ นะ อี ไก ปุย ปี เมือน เอ๊า นึง ติ ปุย อัฮ ปี อาเปิง เมียฮ " มัฮ คาว ยัง เฮฺ ปี อาแมะ เตียม ออก พะ เปือะ มะ เตะ เฮว อาอืก เมียฮ ปี อาเปิง เตะ

ตะปูซาง ฮลอวฺ ยุฮ ปี อาแมะ ปี อาเปิง มัฮ ยัง กอวฺ เตะ ตะปูซาง ปันปวน ลัง ตัง ละอา เอิง " ไก กวน พรุ เตม โลก" มัฮ แม ตะปูซาง โยะ เคริง ยัง ปี ยุฮ เตะ อัฮ ไมจ ลวน ปอ อาพาวม เคริง ยัง ปี ยุฮ เอิง เฮ มัฮ ปี กึด ณะ ยุฮ ซะแงะ แลฮ ทอ ยะ ตะปูซาง

ซะแงะ อาแลฮ ทอ ตะปูซาง อาดอวฺ แมด โฮยด ยุฮ โลก เคริง ยัง มัฮ แม ปันปวน ซะแงะ อาแลฮ ทอ ตังเปียน ซะแงะ อะดอวฺ เฮฺ มัฮ ปี ยุฮ ตะปูซาง แตะ มะลอง มัฮแม เคริง ยัง ปี กึด ตัง เอิก

พระธรรม ปฐมกาล 1- 2