31. พระเยซู เฮว กะรัว ละอาวม
พระเยซู จอวฺ ลูกซิด เตะ ตัง เอิก ฮวก นึง เฮือ กำทอ เฮือ เฮว ฮาอืก ลาย ลัก กะเอาะ ทอ พระเยซู เมาะ พะ ปุย เฮิง ฮาอืก อาแคะ พระเยซู เกือฮ ปี จอวฺ เตะ ออก เฮว พระเยซู ฮวก ลาย กะออ มอ อะทิทาน อาอืก นอง เตะ ตู เตะ กะรอ ฮาอืก มะซะ
ลูกซิด พระเยซู พาย เฮือ อาอืก บักบวน ทะเล ณักลวน พาย เฮือ ทอ มัฮ คาว ระลวน กาว ทอ ลัง.
แมด โฮยด อะทิทาน พระเยซู เฮว ละ มู ลูกซิด เตะ พระเยซู เฮว กะรัว ละอาวม เตือง ทะเล ฮาอืก ละ เฮือ มูทอ.
มู ลูกซิด อา ฆราอืง ฮลัด แมด โยะ พระเยซู อัฮ มัฮ พี พระเยซู โยง มู ลูกซิด เตะ ฮลัด เลย กอก เอิง "ปู จะ ฮลัด เฮฺ มัฮ เอ๊า"
กำทอ เปโตร อัฮ ยัง เฮฺ ละ พระเยซู " อาน ปืน เนวิม กอวฺมะ จอวฺ เอ๊า เฮว นึง ละอาวม เฮว ละ กอวฺมะ " พระเยซู อัฮ ยัง เฮฺ ลัง เอน คระ เฮฺ
กำทอ เปโตร ออก พะ เฮือ เฮว นึง ละอาวม เฮว ละ พระเยซู แมด เฮว ละอา อาดัง อู เนียน พระเยซู เนียน คระ ไฮน.
เปโตร ทอ มุด ตอวฺ ละอาวม กำทอ อัฮ ยัง เฮฺ "อาจาน โจย เอ๊า เซียะ พระเยซู เณือด แตะ เตะ ยึง อาอืง เอิง พระเยซู อัฮ ยัง เฮฺ ลัง กอวฺปะ ณะ เจือ ปะ อาเซียะ ลวน ยุฮ มัน อู ปะ เจือ.
แมด เปโตร เมียฮ พระเยซู เลียก ตอวฺ เฮือ กาว ทอ ณุด ทะเล ทอ ณุด เอิก มัฮแม ลูกซิด เงิด ลวน กำทอ ปาโปะ เตะ ยวกลื พระเยซู อัฮ ยัง เฮฺ กอวฺมะ มัฮ เนวิม ปะ กวน พระจัว.
เลือง เฮฺ ออก เนวิม พระธรรม มัทธิว 14:22-33 มาระโก 6:45-52 ยอนห์ 6:16-21