37. พระเยซู เกือฮ ลาซารัด กอวฮ ไอน เนวิม ยุม

ไก ติ ซะแงะ พระเยซู ฮมอง คาว ลาซารัด เจียน ลวน ซอวฺ ลาซารัด ไก ออยระ ละอา ปุย มัฮ มาทา เมียฮ มารี มู กอวฺ ตัง ละโอย มัฮ ปู เฮมว ปี รัก ลวน พระเยซู แมด พระเยซู ฮมอง คาว เอิง ยัง เฮฺ พระเยซู อัฮ ยัง เฮฺ " โรค เฮฺ ฮาอืก เตว ยุม พระจัว ซำ ฮลอวฺ รับ เกียด เตะ ตะ เลือง เฮฺ " พระเยซู รั ปู เฮมว เตะ ตัง เอิก พระเยซู มอง ฮาอืก ละอา ละโอย ซะแงะ

โฮยด ทอ ละอา ซะแงะ พระเยซู อัฮ ยัง เฮฺ ละ มู ลูกซิด เตะ " มู เอะ ไมจ ปะ เอน เมิง ยูเดีย" มู ลูกซิด อัฮ ยัง เฮฺ อาจาน เมือทอ ปุย เฮิง อัฮ ซำ มอก กอวฺปะ ยุม ลาซารัก ปูเฮมว เอ๊า ไอจ เกะ เอ๊า ตอง อะ เฮว ซอ เกะ กอวฮ อัฮ ยัง เฮฺ ละ พระเยซู.

ลูกซิด อัฮ ละ พระเยซู จัว ปืน มะ ไอจ ดัง ลาซารัด ปืน มะ กอวฮ อู ซำ มวน ลวน นะ พระเยซู โกย อัฮ ยัง เฮฺ ละ มูทอ ลาซารัด อี ยุม ไอจ ไมจ พาวม เตะ อู ฮลอวฺ อาอืก กะรอ มู กอวฺปะ ตัง เอิก ซำ เนิง ปะ ปี อัฮ เอ๊า.

ลาซารัด ยุม ปาอืง ซะแงะ แมด พระเยซู ฮาอืก นึง เณือะ ณะ ลาซารัด ติ จำ ลำ มาทา เฮว อัฮ ยัง เฮฺ ละ พระเยซู จัว มะ อาอืก กอวฺมะ กาโรย ปุ เอ๊า ยุม เตว มัฮแม เอ๊า เจือ ยัง เฮฺ อาเอะ ตัง อาอืก ปืน มา ปอ เอ๊า พระจัว เกือฮ เคริง ยัง.

พระเยซู อัฮ ยัง เฮฺ " เอ๊า เตะ นอง ปี ปืน แป ยุม เอ๊า มัฮ ชีวิด เปน ปี เจือ เอ๊า ปุย ทอ ซำ ไก จีวิต ปะ จะ ยุม เตว เคริง ปุย ปี เจือ เอ๊า ปุย ทอ ปะ จะ ยุม เตว ตัง เอิก เอิง" มาทอ อัฮ ยัง เฮฺ " จัว เอ๊า เนิง ปี อัฮ กอวปะ กอวฺมะ มัฮ ปะ พระเมซซิยา กวน พระจัว.

มารี แมด ฮาอืก มุ เมียฮ จวง พระเยซู อัฮ ยัง เฮฺ " อาจาน ปืน อาอืก กอวฺมะ กะโรย ปุ เอ๊า ยุม เตว " พระเยซู อัฮ ยัง เฮฺ ลพ มูทอ " กอวฺปะ อำ อามาอืก ปะ ลาซารัด กะนม มูทอ อัฮ ยัง เฮฺ " ตอวฺ อุโมง ทอ เฮว คระ เฮฺ เนียน เอียะ กำทอ พระเยซู เยือม.

อุโมง ทอ มัฮ ทำ เตือบ ตะ ซะมอวฺ พระเยซู แมด ฮาอืก ฮิม อุโมง อัฮ ยัง เฮฺ ละ มูทอ " มัก เมว ซะมอวฺ เฮฺ ออก " มัฮแม มารี อัฮ ยัง เฮฺ กอวฺ เกะ อียุม ไก ปาอืง ซะแงะ อี โฮยด อี ซะอาว ซะอุม.

พระเยซู อัฮ ยัง เฮฺ " เอ๊า อีดอ ละ ปะ มู กอวฺปะ ตัง เอิก ปะ ซำ โยะ ปะ อะพาว พระจัว ปืน มะ เจือ ปัง กำทอ มูทอ ตัง เอิก มักเมว ซะมอวฺ ทอ ออก.

โฮยด ทอ พระเยซู งันนา เตะ ฮวก มะลอง อัฮ ยัง เฮฺ " เปือะ เอ๊า ยินดี ลวน เตะ อวด มะ ปี อัฮ เอ๊า เอ๊า โยง กอวฺมะ อวด ปะ เอ๊า ตะลวด มัฮ คาว มู ฮฺ ปี โจง กะโรย เอ๊า ปอ เคริง ตัง มู เฮฺ มัฮ คาว ยัง เฮฺ มูทอ เจือ กอวฺมะ มัฮ ปะ ปี ดัว เอ๊า เลฮ" กำทอ พระเยซู กอก ลาซารัด อัฮ ยัง เฮฺ ออก ปะเดีย นิ.

แมด เซียง พระเยซู ณึด ลาซารัด ออก พลุ ปอ ดัง เอียะ เอิง พระเยซู อัฮ ยัง เฮฺ ละ มูทอ "โจย โปะ ปะ กะ พรุ ปอ ซบ ทอ ออก กำทอ ปลอย เกะ เฮว" ไก ปุย ยิว ตึก โซะ เตะ ปี เจือ พระเยซู มัฮ คาว ณะ กึด ปี ปะราด เฮฺ.

มัฮแม ฮัวนา ซาดซะนา ยะ มู จัว ยิว ทอ คอย ลวน พระเยซู กำทอ ปาโปะ เตะ ตัง เอิก ซำ มอก พระเยซู เมียฮ ลาซารัด.

เลือง เฮฺ ออก เนวิม พระธรรม ยอน 11:1-46