39. พระเยซู ลอก คะดี

มะซาวม ทอ อีดึก มู ตะหาน ปา พระเยซู เฮว นึง เณือะ ณะ ปุโรฮิด เกือฮ ปุโรฮิด ไฮมน เอิง เปโตร เครีบ พระเยซู อาอืก เอีย ซะเงีย พัง เมือ เฮว นึง เณือะ ติ ลัง เปโตร อาอืก กะนอก เณือะ ทอ ยืงอ เกือฮ ฆอ เตะ ซะเอว.

กะไน เณือะ ลัง ทอ มู ฮัวนา ปุย ยิว ไฮมน พระเยซู มูทอ เกือฮ พะณาน คีอู อัฮ พระเยซู พิด มัฮแม พะณาน คีอู อัฮ ปี อูเนวิม ปี อูไมจ ติ เมจ ติ เมด ปุย ปี อัฮ เอิง อู ปืน ณะ พิด พระเยซู มู ฮัวนา ยิว อู ปืน เอียะ พิด เอิง พระเยซู อัฮ เตง ปี พิด ติ ยัง.

กำทอ ปุโฮิด เนียน พระเยซู อัฮ ยัง เฮฺ " ดอ ละ เอะ ไมจ ไมจ กอวฺปะ อำ มัฮ ปะ พระเมซซิยา กวน พระจัว ปี ไอน ดัง นะ.

พระเยซู อัฮ ยัง เฮฺ ลัง " เอ๊า มัฮ เอิง มู กอวฺปะ ซำ โยะ ปะ เอ๊า ณาวม นึง ตัง อี เมียฮ พระจัว เอ๊า ซำ เลฮ เนวิม ตอวฺ มะลอง ปุโรฮิด แจฮ อาเปะ พระเยซู จะไร ตัดนา มู ฮัวนา ปี ซะตอก ซาดซะนา ยิว มู เอะ จะ ทา เตว ปะ ซาวบ พะณาน มู กอวฺปะ อีฮมอง ปัง อัฮ เตะ มัฮ กวน พระจัว มู กอวฺปะ ซำ ตัดซิน ปะ ยัง มัน.

มู ฮัวนา ยิว ตัง มู อัฮ ยัง เฮฺ ละ ปุโรฮิด ทอ กอวฺ เอิง ซำ ยุม กำทอ ตัง เอิก เตือบ ตะเอีย พระเยซู เทิก นึงนา พระเยซู กำทอ ปาโปะ เตะ เบน เอิง โฮยด ทอ.

มะ มอง เปโตร กะนอก เณือะ ทอ ไก คีครา ปี อาเปิง นึง ติ ปุย แมด โยะ เปโตร อัฮ ยัง เฮฺ ลัง กอวฺมะ อาอืก ปะ เมียฮ พระเยซู ทอ เปโตร อัฮ ยัง เฮฺ มัฮ เตว กำทอ ไก แม ปี อาเปิง นึง ติ ปุย อัฮ ลอวฺ ยัง ปี อัฮ คีครา ปี อาเปิง อาเกือ ทอ เปโตร อัฮ แม ลัง มัฮ เตว เอ๊า ติ จวง กำทอ ไก แม ติ ปุย อัฮ ยัง เฮฺ มู เอะ โยง กอวฺปะ อาอืก เมียฮ พระเยซู มู แปะ ละอา ออก ปะ เนวิม กาลิลี.

เปโตร กก กำคาน อัฮ ยัง เฮฺ "ปอ พระจัว ซะนา เอ๊า ปืน มะ อาอืก เอ๊า เมียฮ ปี อาแมะ ทอ " ติ จำ ลำ แอ ละ ออ ละโอย จวง" กำทอ พระเยซู แม เนียน เปโตร ทอ.

เปโตร ตอ เฮว เยือม ตะ เซ ลวน อะพาวม กำทอ ยูดาซ ปี ทรยซ พระเยซู ซอวฺ ลวน อาพาวม ออก เฮว กะรอ โฮยด ทอ ทุง เทง งอก เตะ ยุม.

แมด ฮาอืก ซะเอะ มะซะ ลอง มู ฮัวนา ยิว ปา พระเยซู เฮว ละ ปีลาด จัว โรมัน ทอ มูทอ กึด ปีลาด ซำ เลฮ ตุด พระเยซู ฮาอืก ยุม มัฮแม ปีลาด ทอ ไฮมน พระเยซู อัฮ ยัง เฮฺ " กอวฺมะ อำ มัฮ ปะ กะซัด ยะ มู ยิว นะ"

พระเยซู อัฮ ยัง เฮฺ ลัง " กอวฺปะ อี อัฮ ปัง มะ แม เมิง ยะ เอ๊า ตัง เตะ นึง ตะโลก เฮฺ ปี รับ จอวฺ เอ๊า ซำ ดาอารุบ เพือ เอ๊า" เอ๊า เลียก ตะโลก เฮฺ ดอ ปี เนวิม เลือง พระจัว" เคริง ปุย ปี รัก ปี เนวิม ซำ อวด เอ๊า" ปีราด อัฮ ยัง เฮฺ" ปี เนวิม ทอ อำ มัฮ ยัง มัน"

ปีราด แมด โฮยด เคริง เมียฮ พระเยซู ทอ ออก เฮว ละ มู ปุย เฮิง อัฮ ยัง เฮฺ " เอ๊า โยะ เตว ณะ พิด ปี อาแมะ เฮฺ " มัฮแม ฮัวนา ยิว เมียฮ ปุย เฮิง แมด ฮมอง ปา โปะ เตะ ปัว เอิง อัฮ ยัง เฮฺ คึง เปฮ คึง เปฮ ปีลาด อัฮ ละ มูทอ " อู เกะ ไก ณะ พิด " มูทอ เดือด ละ ปีราด ปีราด อัฮ ยัง เฮฺ ลัง ละโอย จวง "อู เกะ ไก ณะ พิด" .

ปีลาด ฮลัด มู ปุย เฮิง ณุง เลย มัฮ เมียฮ มู ตะหาน เฮง ทอ ปี ซำ คึง พระเยซู มู ตะหาน เฟียด พระเยซู เกือฮ เอียะ อาเปะ ซีมวง กำทอ ดอวฮ เมียฮ มงกุด นึง ไกน พระเยซู ปา โปะ เตะ เณือ เอิง อัฮ ยัง เฮฺ " เนียนกะซัด ยะ มู ยิว เฮฺ นะ"

เลืองเฮฺ ออก เนวิม พระธรรม มัทธิว 26:57-27:26 มาระโก 14:53 - 15:15 ลูกา 22:54 -23:25 ยอน 18:12-19:16