12. พระทัม อพยพ

มู อิซราเอล มวน ลวน อาพาวม อู จะ ฮลอวฺ เปียน คีครา ปุย. มูทอ ออก เฮว นึง แตะ ปี ซัณณา พระจัว อาอืง ลัง. มู อียิป เกือฮ ลัง เคริง ยัง ปี ปอ มู อิซราเอล ทอ เมียฮ. มาวฮ เครีย อาเอะ ปี ไก งัวะ. อวน มัฮ จัว เมิง กะไฮน เนิง ปี อัฮ พระจัว ออก เฮว พรวม ซำ ออก เฮว พะ เมิง อียิป.

กำทอ พระจัว ปา มู อิซราเอล เกือฮ ออก เฮว เกือฮ เบียอาวม อาอืก กะรัว ไกน มูทอ มะ ซะแงะ . กำทอ เกือฮ แม งอ ไก ลัง มะซาวม พระจัว อาอืก เมียฮ มูทอ ตะลวด. พระจัว ปา มูทอ ออก เฮว พระจัว อาอืก เมียฮ มูทอ ตะลวด ปา มูทอ ออก เฮว. มัฮแม มูทอ ยุฮ ยัง ปี อัฮ พระจัว ละ เตะ เคริง ยัง.

ไก ติ แตะ นอง ฟาโร เมียฮ ปุย ตะเมิง ยะ เตะ อาเตือะ อาพาวม เตะ. กวด เกือะ มู อิซราเอล เปียน คีครา เตะ. พระจัว เกือฮ อาพาวม ฟาโร กอ มัฮ ณะ ซำ เกือฮ มูทอ โยง ปี มัฮ กอวฺ มัฮ พระจัว เตะ นอง.เกือฮ แม เลียก ตะ อาพาวม มูทอ. พระจัว ไกริด อำนาด พระจัว ยะ มู กอวฺ เอิง.

โฮยด ทอ ฟาโร เมียฮ มู ตะหาน เลม เครียบ มู อิซราเอล. ณะ ซำ เกือฮ เอิง แม เปียน คีครา กอวฺ เอิง. แมด มู อิซราเอล โยะ ตะหาน ยะ ฟาโร เมียฮ ทะเล ซะครัก. มูทอ ฮลัดลวน อัฮ ยัง เฮฺ ยุฮ มัน มู กอวฺปะ ออก ปะ พะ เมิง อียิป. ปะเดีย มู เอะ ซำ ยุม อาอืก ปะ.

กำทอ โมเซซ อัฮ ยัง เฮฺ ละ มู อิซราเอล ณึด ปู จะ ฮลัด ละแอะ พระจัว ซำ รุบ ตัง มู กอวฺมะ ละแอะ มู กอวฺมะ ซำ ลวด ปะ กำทอ พระจัว อัฮ ละ โมเซซ ยัง เฮฺ ดอ ละ มู อิซราเอล อาดาง ออก เฮว กังกา ปะ กำทอ เลฮ ตะ ละอาวม ทะเล ซะครัก ทอ.

กำทอ พระจัว เกือฮ เบียอาวม อาอืก บักบวน มู อิซราเอล มัฮแม มู อียิป อู จะ แกฮ โยะ มู อิซราเอล.

พระจัว จอวฺ โมเซซ ยวก แตะ เตะ ฮวก กะรัว ละอาวม ทะเล. กำทอ ละอาวม ทะเล อาฆะ ออก พระจัว เกือฮ แม กาว พัวะ ละอาวม ทะเล ฮวก ลัก กะ เวะ ลัก กะ ตอม ณะ ซำ เกือฮ ไก เค คระ เฮว ตอวฺ ทะเล ทอ.

มู อิซราเอล เตือง เฮว นึง แตะ ซะออ ไก กำแปง ละอาวม กำ กาเวะ กาตอม มูทอ.

โฮยด ทอ พระจัว ณาย แม เบียอาวม ออก พะ เคคระ ณะ ซำ เกือฮ มู อียิป เกือฮ โยะ เมือ ตอ มู อิซราเอล มู อียิป จีไจ เลม มูทอ.

โฮยด ทอ มู อียิป เลม มู อิซราเอล เลฮ ตอวฺ ทะเล ซะครัก กำทอ พระจัว เกือฮ มู อียิป อาฆรัง เกือฮ แม ลด รุบ ยัง เซ อู แกฮ เฮว กำทอ มู อียิป ทอ ปัว โปะ เตะ อัฮ ยัง เฮฺ "ตอ เมาะ พระจัว รุบ ตัง มู อิซราเอล.

โฮยด ทอ มู อิซราเอล เตือง ทะเล ซะครัก เปียน เตว อู เอะ ติ ยัง ลอบพระจัว อัฮ ละ โมเซซ ทอ เณือด แตะ ปะ ฮวก โมเซซ เนิง ปี อัฮ พระจัว ละอาวม แม ลาวบ มู ตะหาน อียิป กำทอ แตะ กะรอ แม เปียน ยัง ไพรน เตะ.

แมด มู อิซราเอล โยะ มู อียิป ยุม ตะ ละอาวม มู กอวฺ เอิง นอวฺ อาพาวม เตะ เมียฮ พระจัว กำทอ เนิง โมเซซ มัฮ ปี รับ จอวฺ พระจัว เนวิม.

มู อิซราเอล มวน ลวน อาพาวม มัฮ คาว พระจัว โจย มูทอ ลวด ปุน ณะ ยุม เตะ เมียฮ เปียน เตะ ครา ปุย ปะเดีย อี ไก อิซระ ซำ รับ จอวฺ พระจัว มู อิซราเอล จอยเจีย ยวกลือ พระจัว มัฮคาว พระจัว โจย มูกอวฺ เอิง ปุน ตะหาน อียิป ทอ.

พระจัว จอวฺ มู อิซราเอล ชะลอง ปัซกา ณะ เกือฮ มู อิซราเอล กึด ฮาอืก ละ ณะ โจย พระจัว เอิง ปืน แป มู อียิป มัฮแม โจย มูกอวฺ เอิง ปุน ณะ เปียน เตะ ครา ปุย เกือฮ แม มูทอ ชะลอง มอก กวน แกะ ไมจ กก เมียฮ คะนม ปัง ซะงะ มัฮแม มู อิซราเอล มัฮแม มู อิซราเอล ยุฮ ยัง ปี จอวฺ พระจัว เตะ ยุฮ เคริง ยัง.

เลือง เนวิม พะทัม อพยพ 12:33- 15:21