6. เลือง พระจัว เกียม อาอืง อิซอัค

เมือ กวด อับราฮัม กวน อาแมะ อี เปลีย ระ อับราฮัม ดัว ปี รับ จอวฺ เตะ ติ ปุย แม เอน นึง แตะ เอียก ปุ เอิง เพือ ซำ ซาวบ ปีอะเปิง ละ อิซอัค กวน อะแมะ เตะ.

โฮยด ทอ เดน ลวน ออก แมด ออก เฮว นึง ณะ อาอืก เอียก ปุ อับราฮัม ทอ พระจัว ปา ปี จอวฺ อับราฮัม เฮว เจวิบ เรเบคา มัฮ กวน ซอวฺ เอียกระ อับราฮัม.

เรเบคา ณอม ออก เฮว พะ ครอบครัว เตะ เพือ ณอม เอน เมียฮ ปีจอวฺ ทอ เอน นึง เณือะ ยะ อิซอัค กำทอ อิซอัค เณือะ เมียง ปอ เตว เดน เดน เตะ เรเบคา เฆียง.

โฮยด ทอ อับราฮัม ยุม ซัณณา ตัง เอิก ปี ยุฮ พระจัว ละ อับราฮัม เมียฮ จัดเจือ เอิง ฮาอืก ละ อิซอัค. พระจัว ฮลอวฺ ซัณณษ เมียฮ อับราฮัม อัฮ ซำ เกือฮ กวน ซอวฺ เอิง พรุ. มัฮ แม เรเบคา ปี อาเปิง ยะ อิซอัค อี ซะเกียด.

อิซอัค ปอ ตะ พระจัว กำทอ พระจัว เกือฮ แม เรเบคา เฆียง อากัก กวน. มัฮ แม กะดอวฮ ละอา ปุย ดา อาแจ ตะเวียก เรเบคา. ไฮมน พระจัว มัฮ มัน ปี กึด ทอ.

พระจัว อัฮ ละ เรเบคา จัดเจือ ละอา จัดเจือ ซำ ออก เนวิม ปุย ละอา ปุย ตอวฺ เวียก กอวฺมะ. กะดอวฺ ละอา ปุย เฮฺ ซำ ดา อารุบ เมียฮ โปะ เตะ มัฮ แม เอียกระ เอิง ซำ เปียน ปี จอวฺ ปุ เตะ.

แมด ฮาอืก เมือทอ เรเบคา กึด กวน เตะ กวน รอง เอิง แมด กึด ฮาอืก ซะครัก มูทอ ดอวฮ มาวฮ เอิง มัฮ "เอซาว" มัฮ แม ปุ ปี กึด อาเคะ เอิง ฮมาอืก ปู ออก เจว เอซาว ทอ. มัฮ แม มูทอ ดอวฮ แม มาวฮ เอิง มัฮ ยาโคบ.

เลือง ปฐมกาล 24:1 - 25: 26