25. ซาตาน ลอง พระเยซู
แมด พระเยซู โฮยด รับ บัพติซมา ยัง เฮฺ ติ แตะ นอง อาโปะ ซะงะ ซะฆอม ปา พระเยซู เลียก นึง ณะ ซะออ ซะโอย พระเยซู อวด อาวบ ระปาอืง ซะแงะ ระปาอืง ซาวม เมือทอ มาน ซาตาน เลียก ลอง อาพาวม พระเยซู เกือฮ เอิง ยุฮ ฮมับ
ซาตาน อัฮ ยัง เฮฺ ลัง ปืน มัฮ เนวิม ปะ กวน พระจัว ฮลวง ลวน เกือฮ ซะมอวฺ เฮฺ เปียน คะนม ปัง โฮยด ทอ กก อัน
พระเยซู อัฮ ลัง ตอวฺ พระธรรม ยะ พระจัว อัฮ อาอืง ยัง เฮฺ ปุย เฮิ ปะ แกฮ ไอน เตว เมียฮ อาวบ ติ ยัง นอง ตอง ปะ อวด ปี ออก เนวิม อาบอม พระจัว
กำทอ ซาตาน ปา พระเยซู ฮวก นึง ณวด วิหาน อัฮ ยัง เฮฺ ปืน มัฮ เนวิม ปะ กวน พระจัว ฮลวงลวน ลอง ชำ เลฮ นะ ตอวฺ พระธรรม ยะ พระจัว อัฮ ยัง เฮฺ พระจัว ชำ จอวฺ เตวาดา มอง รับ มะ จวง ปะ อู เกือฮ ลอก ซามอวฺ
พระเยซู จอวฺ เคริง ปี อาอืก ตอวฺ พระคำพี ยัง เฮฺ ตอวฺ พระธรรม ยะ พระจัว อัฮ ละ ปุย ยะ เตะ ยัง เฮฺ ปู จะ ลอง พระจัว ยะ ปะ
โฮยด ทอ ซาตาน แทลง เมิง ตัง เอิก เมียฮ ณะ มวนลวน ตอวฺ โลก อัฮ ยัง เฮฺ ละ พระเยซู ปืน มะ ไว ปะ เอ๊า เอ๊า ซำ เกือฮ ละ ปะ เคริง ยัง
เฮว เปฮ ปูน เอ๊า ปะเดีย ซาตาน ตอวฺ พระธรรม ยะ พระจัว จอวฺ ปุย ยะ เตะ ยัง เฮฺ ไว พระจัว ยะ ปะ เตะ นอง มัฮแม รับ จอวฺ พระจัว เตะ นอง
มัฮ คาว พระเยซู อู ยุฮ ยัง ณะ ทดลอง ซาตาน เตะ โฮยด ทอ ซาตาน นอวฺ พระเยซู กะรอ กำทอ เตวาดา เลฮ ซะแพระ พระเยซู ทอ
เลือง เฮฺ ออก เนวิม พระธรรม มัทธิว 4:11 มาระโก 1:12- 13 ลูกา 4:1-13