26. เลือง พระเยซู ยุฮ กาน เตะ

แมด พระเยซู โฮยด แปณะ ทดลอง ซาตาน ทอ เตะ พระเยซู เฮว นึง กาลิลี ณะ เกย กอวฺ เตะ อาอืก เมียฮ อาโปะ ซะงะ ซะฆอม พระเยซู เฮว ซะตอก กะรอ กะโรย เคริง ปุย กะรอ เคริง ลอก ณะ ไมจ พระเยซู ทอ.

พระเยซู เฮว นึง เมิง นาซาเรด ณะ อาอืก นึง มะ กูดอวฺ เตะ ซะแงะ ซะบาโต พระเยซู เฮว นึง ณะ ไว ยวกลื ปุย พระจัว มูทอ เกือฮ พระธรรม กำ เคริง พระจัว อิซยา ละ พระเยซู พระเยซู ปอวฮ อาน พระเยซู ทอ อาน มูทอ ติตวน เกือฮ ปุย อวด

พระเยซู ทอ อาน ยัง เฮฺ พระจัว เกือฮ อาโปะ ซะงะ ซะฆอม กอวฺ เตะ ละ เอ๊า เกือฮ เอ๊า ดอ คาว ไมจ ละ ปี ตุก เกือฮ อิซระ ละ ปี ไก ตุด ปี คัง ปุย ละ ปี จัก แกฮ โยะ แม มัฮแม ซำ ปลอย ปีครา ปีเค ปุย เนวิม เฮฺ มัฮ เนวิม ปี ปอ ลวน อาพาวม พระจัว.

โฮยด ทอ พระเยซู ณาวม เลฮ เคริง ปุย เลียก ซะแดะ พระเยซู อวด เนวิม พระเยซู มูทอ โยง ปี อาน พระเยซู เคริง ลอก พระเมซซิยา พระเยซู อัฮ ยัง เฮฺ ปี โฮยด อาน เอ๊า เนาะ อี กึด ปะเดีย ปุย มูทอ ตัง เอิก เงิด ลวน นึง มูทอ อัฮ ยัง เฮฺ ฮมอ เฮฺ อู มัฮ กวน โยเซฟ ทอ อัฮ.

โฮยด ทอ พระเยซู อัฮ แม ยัง เฮฺ มัฮ เนวิม ยัง ปี อัฮ เอ๊า ปี เคริง ตัง พระจัว อัฮ อาอืง ไก เตว ปี ณอม รับ ตอวฺ เมิง ยะ กึด กอวฺ เตะ เมือ ไอน ดัง เอลียา ปี เคริง ตัง พระจัว ตอวฺ เมิง ไก แม่ฮาง เฮิง ลวน มัฮแม อู จะ แฮละ ละโอย เนวิม เมียฮ กะบลัฮ พระจัว อู ดัว เอลียา เฮว โจย แมฮาง ยะ มู อิซราเอล มัฮแม เฮว ดัว กอวฺ เอิง ละ แมฮาง เมิง ไฮน ทอ

พระเยซู เคริง ดัง ยัง เฮฺ " ซะมัย ยะ ปี เคริง ตัง พระจัว เอลีชา ไก ปี ซอวฺ เกรน นึง ปาอืง พวน ปุย นึง อิซราเอล มัฮแม เอลีชา อู เณือ เอิง ติ ปุย ลอบ เอลีชา เณือ ปี เกรน ติ ปุย นอง นาอามาน ฮัวนา ตะหาน ซัดตรู ยะ อิซราเอล นอง ปี ณาวม อวด พระเยซู กะรอ ทอ มัฮ ปุย ยิว แมด ฮมอง อัฮ พระเยซู อัฮ ยัง ทอ อู ปอ อาพาวม เอิง.

ปุย ตะเมิง นาซาเรด ออ พระเยซู ออก พะ ณะ ไว ยวกลื ปุย ปา พระเยซู เฮว นึง อาอาง ฮลวง อัฮ ซำ ณุ พระเยซู ราว ยุม กะรอ มัฮ แม พระเยซู ออก เฮว พะ ปุย เฮิง ออก พะ เมิง นาซาเรด.

โฮยด ทอ พระเยซู เฮว เดบ กาลิลี ไก ปุย เฮิง เฮว ละ พระเยซู มูทอ ปา ปีซอวฺ ปีเจา ปี อู แกฮ เฮว ฮาอืก ปุย จัก ปุย ฮลาอืก ปุย อัวะ พระเยซู เณือ ปุย ทอ.

ไก ปุย นึง เตะ ปา ปี เลียก พี เฮว ละ พระเยซู พระเยซู กลาพี ออก พะ เกะ มัฮแม พี ทอ อัฮ ยัง เฮฺ "กอวฺมะ มัฮ ปะ กวน อาแมะ พระจัว" มัฮแม มู ปี เฮว โยะ ปี กึด ทอ ฮลัดลวน นึง มัฮแม ยวกลื พระจัว.

โฮยด ทอ พระเยซู รอยฮ ปี อาแมะ กัว ละอา ปุย " เฮฺ มัฮ ลูกซิด เอ๊า" มู ลูกซิด เฮว เมียฮ พระเยซู เฮลียน โยง ตะ พระเยซู.

เลือง เฮฺ ออก เนวิม พระธรรม มัทธิว 4:12-25 มาระโก 1:14-15,35-39, 3:13-21 ลูกา 4:14-30, 38-44.