8. เลือง พระจัว โจย โยเซฟ ทอ เมียฮ จัดเจือ เกือฮ ลวด
โฮยด ทอ ละอา ละโอย เนวิม แมด ยาโคบ อีกวด ลวน. กอวฺ เอิง ดัว โยเซฟ กวน อาแมะ ปี รัก ลวน เตะ เฮว เนียน มู เอียกปุ ณะ เลียง แกะ.
มู เอียกโตะ เอียกระ แกละ ลวน โยะ โยเซฟ มัฮ คาว รัก ลวน เปือะ เอิง. มัฮแม โยเซฟ ทอ อามอวฺ ซำ เปียน จัวเนีย ยะ มูทอ. แมด โยเซฟ เพีย ลัง มูทอ เมียฮ ละ เอียกปุ เอียกระ เตะ. กำทอ มู เอียกระ บละ ชอวฺ โยเซฟ ละ มู ปีไนท คีครา.
กา ซำ เอน เอียกระ เอียกปุ เอิง โยเซฟ เณือะ ยะ เตะ . มูทอ แจฮ อาเปะ โยเซฟ ทอ เฮว จืด เอิง นึง ฮนัม เปะ. กำทอ เริก อาเปะ ปี จืด ตะ ฮนัม เกือฮ เปือะ เอิง เตะ เนียน. อัฮ ซำ ดอวฮ ละ เปือะ เตะ โยเซฟ อียุม เกียด ซัด เอิง ยาโคบ ทอ เซ ลวน อาพาวม.
ปี รับดี คีครา ปา โยเซฟ ฮาอืก นึง เมิง อียิฟ เมิง อียิฟ ทอ มัฮ เมิง ระ. มัฮ เมิง ปี ไก ลวน อำนาด มัฮ เมิง ปี อาอืก ฮิม ละอาวม ไน. ปุย ปี ดี คีครา ชอวฺ โยเซฟ ละ จัวเนีย ปุย ตะ เมิง อียิฟ. โยเซฟ รับ จอวฺ จัวเนีย ตึก ไมจ เตะ พระจัว ปันปวน ละ โยเซฟ ทอ.
ปี อาเปิง ยะ จัวเนีย ฮาก โยเซฟ ทอ ไอจ เมียฮ เตะ ยัง ทอ. มัฮ แม โยเซฟ อู ยุฮ ฮมับ ละ พระจัว ยะ เตะ. ปี อาเปิง ยะ จัวเนีย จะราย ละ โยเซฟ อัฮ โยเซฟ ซำ เตก เตะ. กำทอ เฮมิก คัง โยเซฟ ตะคอก. มะ อาอืก โยเซฟ ตะคอก มัฮ ปี เซอ อาพาวม ตะ พระจัว. พระจัว ปันปวน ลัง.
โฮยด ทอ ละอา เนวิม โยเซฟ อาอืก ดัง ตะ คอก. ไก ติ ซาวม ฟาโร กอก ปี กอก มู อียิฟ ทอ เอิง มัฮ กะซัด ยะ เตะ. อามอวฺ ละอา ยัง ตอวฺ อามอวฺ เอิง ฟาโร เกือฮ เอิง ตุก ลวน อาพาวม ไก เตว ปี แกฮ กะ อามอวฺ เอิง ติ ตือ ลอบ.
มัฮ แม พระจัว เกือฮ โยเซฟ แกฮ กัฮ อามอวฺ ฟาโร ทอ. ฟาโร จอวฺ ปี จอวฺ เตะ เฮว ดี โยเซฟ ออก พะ คอก. โยเซฟ กัฮ อามอวฺ อัฮ ยัง เฮฺ. พระจัว ซำ ดัว ณะ อุดม ซมบุน อาแลฮ เนวิม. โฮยด ทอ ซำ ซะอฮ ซะอยน
ฟาโร ปอ ลวน อาพาวม โยเซฟ ทอ. เกือฮ โยเซฟ ทอ เปียน จัวเนีย เมิง อียิฟ เดียม พะ กอวฺ เตะ นอง.
โยเซฟ จอวฺ ปี จอวฺ เตะ โบะ โกวม ระ เพือ ซาวบ เกียม ปี กก ปี ซาวม ณะ อุดม ซมบุน ทอ. กำทอ โยเซฟ ชอวฺ ปี กก ปี ซาวม ละ ปุย. ปอ ซาวม ณะ ซะอฮ ซะอยน อาแลฮ เนวิม.
ณะ ซะอฮ ซะอยน มัฮ เตว เนวิม ตะ เมิง อียิฟ ทอ นอง. ฮาอืก เมิง คานาอัน ณะ อาอืก ยาโคบ เมียฮ ครอบครัว.
กำทอ ยาโคบ ดัว กวน อาแมะ รอง เตะ เฮว เมิง อียิฟ เพือ เฮว ดี เฮาะ. มัฮ แม เอียกปุ เอิง โยง เตว ปี มัฮ โยเซฟ ทอ. แมด มูทอ จง ตัดนา ณะ ซำ ดี เตะ ปี กก ปี ซาวม มัฮ แม โยเซฟ ไตน ดัง ปี มัฮ เอียกปุ เตะ.
แมด โฮยด ลอง เนียน มู เอียก ปุ เอียก ระ เตะ. มอง เนียน มู เอียก ปุ เอิง อำ ไก ลอวฺ ณะ เปลียน เตะ นะ. โยเซฟ ดอ ละ มูทอ อัฮ ยัง เฮฺ. " เอ๊า มัฮ อัฮ ปุ มู กอวฺปะ ปู จะ ฮลัด กอวฺปะ ริ ปะ ยุฮ ปู อู ไมจ ชอวฺ ปะ เอ๊า เปียน ครา ปุย " มัฮ แม พระจัว เกือฮ ปู อู ไมจ เปียน ปี ไมจ. "เอน เอน อาอืก ตอวฺ เมิง อียิฟ เมียฮ เอ๊า. เอ๊า ซำ เลียง อัฮ มู กอวฺมะ เมียง ครอบครัว ยะ ปะ.
แมด เอียกปุ ยะ โยเซฟ ฮาอืก เณือะ ดอ ละ ยาโคบ ละ เปือะ เตะ อัฮ ละ โยเซฟ ไก ดัง จีวิด. ยาโคบ แมด ฮมอง ยัง เฮฺ ไมจ ลวน อาพาวม .
ยาโคบ อีกวด ลวน เฮว อาอืก เมิง อียิฟ เมียง ครอบครัว เตะ ตัง อาอืก กา ซำ ยุม ยาโคบ ทอ. กอวฺ เอิง ปันปวน ละ กวน เตะ เคริง ปุย.
กำ ซัณณา ปี ยุฮ พระจัว อาอืง ละ อับราฮัม อิซอัค เพีย ละ ยาโคบ เมียฮ กวน กัว ละอา ปุย กำ ครอบครัว เอิง. จัดเจือ ยาโคบ ทอ เปียน กัว ละอา จัดเจือ ยะ อิซราเอล.
เลือง นึง พระธรรม ปฐมกาล 37-50