30. พระเยซู เลียง ปุย 5000 ปุย

พระเยซู จอวฺ ลูกซิด เตะ เฮว ซะตอก ตะยวง ละอา ละอวย ยวง แมด มูทอ เอน เลียก ตะยวง ฮาอืก ณะ อาอืก พระเยซู มูทอ ฮู ปี ฮลอวฺ เตะ ยุฮ ละ พระเยซู พระเยซู ฮาก มูทอ เฮว นึง กะออ ทะเล ทอ ณะ ซำ เกือฮ มูทอ อาดอวฺ กำทอ ปก เฮือ เฮว เตือง กาเติด ทะเล

มัฮแม ปุย เฮิง โยะ พระเยซู เมียฮ ลูกซิด เตะ ณาวม นึง เฮือ ออก เฮว กำทอ ปุย เฮือง จีไจ เฮว อาอืง กา พระเยซู แมด พระเยซู อี ฮาอืก ปุย เฮิง อีเพีย กา พระเยซู กะรอ

ปุย เฮิง มัฮ ปี อาแมะ ไก พวน เปือน ปุย ติ ไฮมน เตว ปี อาเปิง เมียฮ กาดอวฺ พระเยซู ลักพาวม ตะ มูทอ พระเยซู อัฮ มูทอ ยัง เฮฺ แกะ อู ไก ปี เลียง กำทอ พระเยซู ซะตอก มูทอ เณือม ปีซอวฺ ปีเจา เมียฮ

แมด ซำ ปู ยัง เฮฺ ลูกซิด เฮือง อัฮ ยัง เฮฺ ละ พะระเยซู " อี ปู เมิง ซะแดะ ไซ เฮฺ อู ไก" เกือฮ เป ปุย เฮิง มู เฮฺ เอน ซาวบ กก ซาวบ ซอวม

มัฮแม มู พระเยซู อัฮ ยัง เฮฺ ละ ลูกซิด เตะ "มูกอวฺปะ ตอง เลียง มู เกะ" ลูกซิด อัฮ ยัง เฮฺ มู เอะ ซำ แกฮ ยุฮ ยัง มัน ไก คะนม ปัง ยะเตะ พวน กวน เมียฮ กะ ละอา นอง.

พระเยซู จอวฺ ลูกซิด เตะ ดอ ละ ปุย เฮิง ยัง เฮฺ " เกือฮ เกะ ณาวม นึง ไรจ ทอ เปียน มู เตะ ติ มู ละ ฮวน ปุย.

พระเยซู ไปน คะนม ปัง พวน กวน เมียฮ กะ ละอา งันนา เตะ ฮวก มะลอง ขอบคุน พระจัว ทอ

โฮยด ทอ พระเยซู เวียก คะนม ปัง เมียฮ กะ เปียน ติน เตะ เกือฮ ละ ลูกซิด เตะ เกือฮ เอิง เกือฮ ละ ปุย เฮิง ทอ แมด มู ลูกซิด เอีย เกือฮ ละ ปุย เฮิง อู จะ เอิก มูทอ ฮลอวฺ กก เอิง เคริง ปุย เตะ ปอ ลวน อาพาวม เอิง.

โฮยด ทอ มู ลูกซิด เอิง อาจอวฺ ปีกก ปีซอวม เมน ไก ดัง กัว ละอา ปวง เตม ปีกก ปีซอวม ทอ ตัง เอิก ออก เนวิม คะนม ปัง พวน กวน เมียฮ กะ ละอา ทอ

เลือง เฮฺ ออก เนวิม พระธรรม มัทธิว 14:13-21 มาระโก 6:31- 44 ลูกา 9:10-17 ยอนห์ 6:5-15