11. พิที ปัซกา

พระจัว ดอ อาอืง ละ กะซัด ฟาโร ปืน มะ อู ปะ ณอม ปลอย มู อิซราเอล ออก เฮว. พระจัว ซำ มอก กวน รอง กำ กวน ปุย คำ ซัด. ฟาโร แมด ฮมอง ยัง เฮฺ อูเนิง ปี อัฮ พระจัว.

พระจัว ทอ ซาวบ เค คระ ณะ ซำ โจย เตะ กวน รอง ลวด ปี เนิง ปี อัฮ เอิง. กำทอ ครอบครัว เคริง ครอบครัว ตอง ปะ รอยฮ แกะ ไมจ กำทอ มอก แกะ ทอ.

พระจัว อัฮ ละ มู อิซราเอล ยัง เฮฺ. เอียะ ฮนำ แกะ ทอ ตา เวียด อาเวือะ ยะ ปะ. มัฮแม กา ตอวฺ แกะ จีไจ กก ไกลจ ไกลจ เมียฮ คะนม ปัง ซะงะ. นอก เฮฺ พระจัว ดอ แม ละ มูทอ ยัง เฮฺ " ปืน อี โฮยด กก โฮยด ซาวม ปะ ยัง เฮฺ เกียม กอวฺมะ ออก พะ เมิง อียิฟ.

มู อิซราเอล ยุฮ เคริง ยัง ปี ดอ พระจัว ลัง แมด ฮาอืก มะซาวม. พระจัว เลฮ เดบ เมิง อียิฟ มอก กวน รอง มู อียิฟ ยุม ตัง เอิก.

เณือะ ยะ มู อิซราเอล เคริง เณือะ เอิง ปี ตา ฮนำ เวียด อาเวือะ ทอ. พระจัว เว เอิง เคริง เณือะ. ปี อาอืก ตะ เณือะ เคริง ปุย เปียน เตว อาเอฮ มู ทอ ลวด ตะ ฮนำ ยะ แกะ.

มัฮแม มู อียิฟ อู เนิง ปี อัฮ พระจัว เมียฮ กด ยะ พระจัว. พระจัว เว เตว เณือะ ยะ มูทอ พระจัว มอก กวน อาแมะ รอง มู อียิฟ ยุม ตัง เอิก เคริง ปุย.

มู กวน อาแมะ รอง มู อียิฟ ทอ ยุม เนวิม กวน รอง ปี ไก ตุด. ฮาอืก กวน รอง อาแมะ กะซัด ฟาโร มู ปุย อียิฟ เฮิง ทอ เคริง เณือะ เยือม. มัฮ คาว เซ ลวน อาพาวม ตะ ยุม กวน เตะ.

มะ ซาวม ทอ ฟาโร ปอ ตะ โมเซซ เมียฮ อาโรน ทอ. ปา มู อิซราเอล ออก พะ เมิง อียิป. มัฮแม มู อียิป ปอ มู อิซราเอล จีไจ ออก พะ เมิง อียิป ไกลจ ไกลจ. กำทอ มู อียิป เกือฮ มาวฮ เกือฮ เครีย ละ มู อิซราเอล เมือ ออก พะ เมิง อียิป.

เลือง นึง พระธรรม 11:1-12:32