40. พระเยซู ลอก คึง นึง กังเคน

แมด มู ตะหาน โฮยด เณือ พระเยซู ปา พระเยซู เฮว คึง นึง กัวงเคน คะนาบ พระเยซู กลอม กังเคน เตะ เฮว นึง ณะ ยุม เอิง.

ตะหาน ปา พระเยซู เฮว นึง ณะ อัฮ ปุย มัฮ อาลอก ไกน กำทอ จอด ลิกุน นึง ตัก แตะ พระเยซู นึง กังเคน ทอ พระเยซู อัฮ ยัง เฮฺ "เปือะ ปอ กอวฺมะ ยวก ตุด ละ มู เฮฺ มัฮ คาว อู เกะ โยง อำ ยุฮ เกะ มัน " ปีลาด เกือฮ มูทอ เคียน นังซือ ยัง เฮฺ กะซัด ยะ มู ยิว เคียน นึง ปาย ติด นึง กังเคน กะรัว ไกน พระเยซู.

มู ตะหาน เอียะ อาเปะ พระเยซู พะนัน เมียฮ โปะ เตะ ปี ยุฮ มูทอ ยัง เฮฺ เกือฮ เคริง ปี จอวฺ ปุย อาอืง ตอวฺ พระคำพี ยัง เฮฺ โฮยด " มูทอ อาฆรอวฺ คัว อาเปะ เอ๊า ละ มูกอวฺ เตะ กำทอ ปา แม โปะ เตะ พะนัน อาเปะ ยะ เอ๊า .

พระเยซู ลอก คึง นึง กังเคน บักบวน จอน ละโอย ปุย ติ ปุย แคด เณือะ พระเยซู มัฮแม ติ ปุย อัฮ ยัง เฮฺ " แปะ อู ปะ ฮลัด ตะ พระจัว นะ เอะ มัฮ ปะ ปี พิด มัฮแม ปุย เฮฺ มัฮ เกะ ปี ซะงะ ซะงอม กำทอ อัฮ ยัง เฮฺ " ปอ แมะ กึด ฮาอืก ละ เอ๊า ปืน มะ อาอืก ปะ ตะ มะลอง" พระเยซู อัฮ ยัง เฮฺ " ละแอะ ฮลอวฺ ปะ อาอืก เมียฮ เอ๊า ตะ มะลอง เมิง ปี มวนลวน"

ฮันนา ยิว เมียฮ ปุย ไฮน ตอวฺ กะไน ปุย เฮิง แคด เณือะ พระเยซู มูทอ อัฮ ยัง เฮฺ "ปืน มัฮ ปะ กวน พระจัว โจย กอวฺปะ เลฮ พะ กังเคน เฮฺ นะ โจย กอวฺปะ ลวด ปืน มะ แกฮ ยุฮ ปะ ยัง ทอ มู ะอะ ซำ เจือ กอวฺมะ"

กำทอ มะลอง เฟียก กะรอ ซะแงะ ทอ เฟียก ฮาอืก คาว อู แกฮ โยะ เฟียก เนวิม เบริวม ซะแงะ ฮาอืก ละโอย โมง มะ ปู.

กำทอ พระเยซู ละเอียก อัฮ ยัง เฮฺ " เปือะ อี โฮยด เอ๊า เกือฮ อะ จิด เตะ ตักแต กอวฺมะ โฮยด ทอ พระเยซู มุ ไกน เตะ เลฮ แมด พระเยซู ทอ ยุม ยัง เฮฺ แตะ อาโณะ มัฮแม พรุ ตะ วิหาน ซะดะ เลฮ ละอา ตวน เนวิม กะดวง ฮาอืก กะแซะ.

ณะ ยุม พระเยซู ปอวฮ เค คระ ละ ปุย แม ละ พระจัว ตะหาน ปี มอก พระเยซู ติ ปุย แมด โยะ ปี กึด ทอ ยัง เฮฺ ปุย เฮฺ เกะ ปี ซะงะ ซะฆอม มัฮ เนวิม กวน พระจัว.

แมด โฮยด ทอ ยัง เฮฺ โยเซฟ เมียฮ นิโคเดมัด ฮัวนา ยิว ละอา ปุย มัฮ ปี เจือ พระเยซู มัฮ พระเมซซิยา ปอ ซบ พระเยซู ตะ ปีลาด โฮยด ทอ ปอ ตะพรุ ตึก ไมจ ยอง นึง อามาอืก กำทอ มักเมว ซะมอวฺ รึ เตือบ เอิง เกือฮ ปุย อู จะ แกฮ ปอวฮ เอิง.

เลือง เฮฺ ออก เนวิม พระธรรม มัทธิว 27:27-61 มาระโก 15:16-47 ลูกา 23:26-56 ยอน 19:17-42