23. เลือง ณะ กึด พระเยซู

มารี ไก ปี เปลีย ยะ ติ ปุย มัฮ ปี ไมจ มาวฮ เอิง มัฮ โยเซฟ แมด โยง มารี ทอ เฆียง กอวฺ เอิง โยะ กูดอวฺ อัฮ มัฮ กวน เตะ กอวฺ เอิง อู กวด เกือฮ มารี ซอวฺกิก ตะ ปุย กำทอ อัฮ ซำ รำ เมียฮ มารี กา ซำ ยุฮ ยัง ทอ เตวาดา เลฮ ตอวฺ อามอวฺ เอิง.

เตวาดา อัฮ ยัง เฮฺ ลัง" โยเซฟ ปู จะ ฮลัด ปืน มัฮ ซำ รับ ปะ มารี เปียน ปี อาเปิง ยะ เตะ กวน เกะ ออก เนวิม อาโปะ ซะงะ ซะฆอม กอวฺ เกะ ซำ เกฮ กวน อาแมะ เตะ ติ ปุย ดอวฮ มาวฮ เกะ มัฮ เยซู" ( ปู โจย ปุย ทอ ลวด) มัฮ คาว กอวฺ เอิง ซำ โจย ปุย ฮมับ ทอ ลวด.

โฮยด ทอ โยเซฟ เณือะ เมียฮ มารี มัฮแม เริก มารี เอน เณือะ ณะ เตะ เอียะ เอิง เปียน ปี อาเปิง ยะ เตะ มัฮแม ฮลอวฺ เตว ไอจ เมียฮ โปะ เตะ ฮาอืก เกะ มารี กวน เตะ.

แมด มารี แดะ ซำ เกะ กวน เตะ จัวเมิง โรมัน เกือฮ ปุย เคริง ปุย เลฮ แซน ซำมะโนครัว นึง ยวง กึด เตะ ยวง ณะ อาอืก มารี เมียฮ โยเซฟ ซะเงีย พะ ยวง เบทเลเฮม เมียฮ ยวง นาซาเรด ยวง ณะ กึด ดาวิด แคะ กา

แมด มู เกะ อาอืก นึง เมิง เบทเลเฮม กะรอ อู ไก ณะ อาอืก ไก ติ ตอวฺ นอง มัฮ ณะ อาอืก ซัด กูดอวฺ ทอ กึด กะรอ มะ เอิง กลาว ตอวฺ กลาอืก ไรจ มัฮ คาว อู ไก จะ ไอจ มูทอ ดอวฮ มาวฮ เอิง มัฮ เยซู

ซาวม ทอ ไก มู ปี เลียง แกะ นึง มอง แกะ ยะ เตะ นึง ตอวฺ เดน ติ จำ ลำ เตวาดา แซง เอิง เฮือ เปือฮ เปง เอิก ซาย ทอ ฮลัดลวน เตวาดา อัฮ ยัง เฮ ลัง ปู จะ ฮลัด มัฮ ยัง เฮฺ มู เอะ เริก คาว ไมจ ละ มู กอวฺปะ พระเมซซิยา จัวเนีย อี กึด นึง เมิง เบทเลเฮม

เฮว เมอะ เฮว ซาวบ กูดอวฺ ทอ มู กอวฺปะ ซำ เจวบ ปัง กูดอวฺ ทอ ปอ เอียะ เตะ ตะ พรุ ไอจ ตะ กลาอืก ไรจ ติ จำ ลำ เตวาดา เดบ ตะมะลอง ยวกลื พระจัว อัฮ ยัง เฮฺ พระซิริ ไก เมียฮ พระจัว ตอวฺ มะลอง มัฮแม ตอวฺ โลก ปี มวน งัน ไก เมียฮ ปุย ปี ปอ ลวน อาพาวม พระจัว

ปอ เตว เดน เตะ มู ปี เลียง แกะ เฮว นึง ณะ อาอืก พระเยซู มูทอ เจวิบ เอิง ไอจ ตอวฺ กลาอืก ไรจ มัฮ เนวิม ยัง ปี อัฮ เตวาดา อาอืง ลัง มูทอ มวน ลวน อาพาวม มารี ทอ มวน ลวน อาพาวม กำทอ มู ปี เลียง แกะ เอน นึง เดน ณะ เลียง เตะ แกะ ยวกลื ปู เฮว พระจัว

เมือทอ มู ปี เนียน เมือ ออก เนวิม เมิง ซะเงีย ลัก กะ ออก ซะแงะ โยะ ซะเบิง ปี ปะราด ลวน ตอวฺ มะลอง มูทอ โยง เอิง มัฮ กะซัด ครอวฺ ยะ มู จัวยิว อี เอน กึด มูทอ ออก เนวิม เมิง ซะเงีย ลวน กวด เฮว เจวิบ กะซัด ครอวฺ เฮฺ แมด มูทอ ฮาอืก นึง เมิง เบทเลเฮม ซาวบ เณือะ ณะ กึด พระเยซู มัฮแม มะ เปือะ เอิง อาอืก กะรอ.

แมด มู ปี เนียน เมือ เจวิบ พระเยซู เมียฮ มะ เอิง มูทอ มุเลฮ ไว พระเยซู กำทอ ฮาว มาวฮ ฮาว เครีย ปี ไก งัวะ เกือฮ เปียน ของ ขวัน ยะ พระเยซู โฮยด ทอ ยัง เฮฺ มูทอ เอน ยวง เตะ.

เลือง เฮฺ ออก เนวิม พระธรรม มัทธิว 1 ลูกา 2