32. พระเยซู เยฺือ ปีอะแมะ เลียก พี เมียฮ ปี อะเปิง เลฮ ฮนำ กัว ละอา เนวิม
ไก ติ ซะแงะ พระเยซู เมียฮ ลูกซิด เตะ ปก เฮือ เตือง ทะเล เฮว นึง ณะ อาอืก จัว กะลาเซน.
แมด มูทอ เฮือก ลาย ทะเล ปุย ปี เลียก พี ทอ นึง ตอ เฮว ละ พระเยซู.
ปี อาแมะ เฮฺ เรียง ลวน ไก เตว ปี ปืน เฮมิก ปุย ริ เฮมิก ปุก แตะ จวง ตะ โซ มัฮแม ยึง โซ ทอ เดิก เอิก.
ปี อาแมะ เฮฺ อาอืก ฮิม อามากฮ ละเอียก กำ มะ ซะแงะ กำ มะ ซาวม เอียะ เตว คัว อาเปะ เตะ เฮก กอวฺ เตะ ตะ ซะมอวฺ ยัง ทอ
แมด ปี อาแมะ ทอ เฮว ละ พระเยซู มุ เลฮ ตัดนา พระเยซู พระเยซู อัฮ ยัง เฮฺ ละ พี ปี เลียก นึง ฮมอ ทอ " ออก เฮว เปะ พะ ฮมอ เฮฺ "
ปี อาแมะ ปี เลียก พี ทอ นึง อัฮ ยัง เฮฺ ตึก เรียง เตะ " กวด เอียะ ปะ มัน ตะ เอ๊า" พระเยซู กวน พระจัว ฮลวง ลวน ปอ แมะ ปู จะ ครา มี มัก เอ๊า" พระเยซู ไฮมน พี ทอ ยัง เฮฺ " มัฮ มัน มาวฮ ปะ" เอ๊า มัฮ อา กอง ไก พี เลียก นึง เตะ โซะ ลวน ( กอง มัฮ มู ทะหาน เฮิง ลวน เปียน เปือน ปุย เตะ ติ กอง มัฮ มุก กองทับ ยะ โรมัน ทอ ละอา ละอวย เปือน ปุย)
พี ทอ ปอ พระเยซู อัฮ ยัง เฮฺ " ปอ แมะ ปู อู เกือฮ เอ๊า ออก พะ กะโรย ไซ เฮฺ ฮิม จวง มอ ไก เลฮ นึง ปอ กอวฺมะ ดัว เอ๊า เลียก ตอวฺ เลฮ ทอ พระเยซู อัฮ ยัง เฮฺ "เฮว เมอะ".
พี ทอ ออก พะ ฮมอ ทอ เฮว เลียก ตอวฺ เลจ กำทอ เลจ ตอ ตอวฺ ละอาวม ทะเล มุด ตัง เอิก มู เลจ ทอ ไก มอก ละเปือน
ปี เลียง เลจ ทอ แมด โยะ ปี ยุฮ พระเยซู ยัง เฮฺ ตอ เฮว เลียก ตะเมิง ดอ ละ ปุย เคริง ปุย ปี ยุฮ พระเยซู ทอ ปุย ปี ออก เนวิม ตะเมิง โยะ ปี อาแมะ ปี เกย เลียก พี ทอ ณาวม เอียะ ไมจ เอียะ คัว อาเปะ มัฮ ยัง ปุย ไมจ.
ปุย เฮิง ฮลัด ลวน อัฮ ละ พระเยซู ยัง เฮฺ " ออก เปะ พะ กะโรย กำทอ พระเยซู ออก เฮว เลฮ ตอวฺ เฮือ เกียม ซำ ออก เตะ พะ กะรอ มัฮแม ปี เลียก พี ทอ ปอ เฮว เมียฮ พระเยซู.
พระเยซู อัฮ ยัง เฮฺ ลัง ปู จะ เฮว เอ๊า กวด เกือฮ กอวฺปะ เอน ยวง เตะ ดอ ละ ปู เฮม ปู เจือ ปะ เมียฮ ปุย ตะ เณือะ ณะ ปะ ปี ยุฮ พระจัว ละ ปะ.
โฮยด ทอ ปี อาแมะ เอน ยวง เตะ ดอ ละ ปุย เคริง ปุย ปี ยุฮ พระเยซู ทอ ลัง เงิด เคริง ปุย เอิง ปี ฮมอง เลือง ฮมอ ทอ.
พระเยซู ออก เฮว ฮาอืก นึง ลาย กะเติด ทะเล แมด พระเยซู ฮาอืก กะรอ มู ปุย เฮิง เวียด ซะเฆราะ ซะเนียด พระเยซู ตอวฺ ปุย เฮิง ไก ปี อาเปิง นึง ติ ปุย ซอวฺ ลวน ตะ เลฮ ฮนำ เตะ กัว ละอา เนวิม เอีย เณือ เตะ ตะ ฮมอ อาอืก มาว ยัง อู เอะ เฮิง แม ละ เซวบ เตะ พะ ไพรน.
กอวฺ เอิง ฮมอง คาว พระเยซู เณือ ปุย เฮิง ตึก โซะ เตะ กอวฺ เอิง กึด ตอวฺ กะไน อาพาวม เตะ เอ๊า ปืน มะ ฮลอวฺ ดิด อาเปะ พระเยซู ซำ เฮีย เตะ กำทอ บละ เลียก กัง เเคะ พระเยซู ดิด อาเปะ พระเยซู ติ จำลำ แมด โฮยด ดิด อาเปะ พระเยซู ยัง เฮฺ ฮนำ ณึด อัน.
ติ แตะ ยัง เฮฺ พระเยซู โยง ริด อำนาด ออก พะ กอวฺ เตะ แม ไฮมน อัฮ ยัง เฮฺ " เปน ปี ดิด อาเปะ เอ๊า เนาะ" มู ลูกซิด อัฮ ยัง เฮฺ ปุย เฮิง ซะเฆราะ ซะเนียด กอวฺมะ ยุฮ มัน คอวฺปะ อัฮ ยัง เฮฺ เปน ปี ดิด อาเปะ เอ๊า.
ปี อาเปิง มุ เลฮ ตัดนา พระเยซู ฮลัดลวน ปอ อาปรอย เอิง อัฮ ยัง เฮฺ ละ พระเยซู ปี ยุฮ เอ๊า เนาะ เกือฮ เอ๊า เฮีย กำทอ พระเยซู อัฮ ยัง เฮฺ ลัง " มัฮ ณะ เจือ กอวฺปะ เตวิม ปะ เฮีย นอย เอน ไมจ นะ.
เลือง เฮฺ ออก เนวิม พระธรรม มัทธิว 8:28-34 มาระโก 5:1-20 5:24b-34 ลูกา 8:26-39, 8:24b-48