1.Сыр кэрдяпэ свэто.

Гэна сыр исыс ангил сарэстэр и сыр саро скэрдяпэ. Пало шёв дэвэс Дэвэл скэрдя свэто и саро, со дэ лэстэ. Дэ перво дэвэс Дэвэл скэрдя Пхув. Пхув исиыс дэ калыпэн и нисо пэ латэ на сыс, пал одова кай Дэвэл ещё нисо пэ латэ на скэрдя. Токи Дэвлэскиро Духо исыс упрэ и исыс ек паны.

Тоди Дэвэл пхэндя: «Мэк явэла яг кай тэ авэл душло!» — и кэрдяпэ яг. Дэвэл удыкхья, со яг — ада дрыван куч, и кхардя Дэвэл яг сыр душло «дэвэсэса». Ёв откэдыя яг калыпнастэр, и калыпэн кхардя «ратяса». Ада исыс перво дэвэс.

Пэ авир(второ) дэвэс Дэвэл пхэндя: «Мэк явэл куполо упрэ панятэр!» — и кэрдяпэ куполо. И кхардя лэс Дэвэл «болыбнаса».

Пэ трито дэвэс Дэвэл пхэндя: «Мэк паны скэдэнпэ дэ ек штэто и авэла шуко штэто!» И кхардя шу, ко штэто «Пхув», а паны кхардя «морё». Дэвэл подыкхья со скэрдо Лэса и удыкхья, со ада куч.

Тэнчи Дэвэл пхэндя: «Мэк пэ пхув барьён вэша и сарэ растения!» Дякэ саро и исыс. Подыкхья Дээл со скэрдо Лэса и удыкхья со ада куч.

Пэ штарто дэвэс буты Дэвэл пхэндя: «Мэк авэна яга до болыбэн!» И до болыбэн лыяпэ кхам, чон и чэргэня. Дэвэл скэрдя лэн ваш дова, соб ёнэ тэ сыкавэн ратяко о пхув и соб тэполас коли дэвэс колии рат, бэрш и сави пора бэршитко. Дэвэл подыкхья со скэрдо Лэса и удыкхья, со ада куч.

Пэ панчьто дэвэс Дэвэл пхэндя: «Мэк до паны явэна маче разна виды и до болыбэн авэна чирикля!». Дякэ Дэвэл скэрдя сарэн зверен(жывотно), плавающих до паны, и сарэн чириклен. Дэвэл подыкхья пэ лэндэ и удыкхья, со ада куч, и благословил лэн.

Пэ шовто дэвэс буты Дэвэл пхэндя: «Мэк пэ шуко штэто авэна разна животна!» — и и дякэ кэрдяпэ, сыр пхэндя Дэвэл. Ек животна исыс кхэрытка, авир исыс дика, а трита ползали пирэ пхув. Дэвэл подыкхья пэ лэндэ и удыкхья, со ада куч.

Тэнчи Дэвэл пхэндя: «Скэраса манушэн пир Амаро образо, дасавэн сыр Амэ. Ёнэ авэёна барэ мануша и лэна управлять пхувяса и сарэнса зверенса».

Дэвэл лыя пхув, и скэрдя латэр манушэс и пхурдыя дэ лэстэ джиипэн. Адалэс манушэс кхарэнас Адам. Тэнчи Дэвэл посадил баро садо, и яндя дэ садо Адамос, соб ёв тэ дыкхэл пал лэстэ.

Машкир садо исыс дуй не обычна деревы ек — дерево джиипэн авир дерево сыр теуджинэ лачипэн и дылныпэн (холы). Дэвэл пхэндя Адамоске ха плодо любонэстэр деревостэр де садо, токо на ха плодо из деревостэр саво дэл тэ уджинэ лачипэн и дылныпэн. Ёв ахэндя Адамоскэ, со кон схала плодо адалэстэр деревостыр, дова мерела.

Тэнчи Дэвэл пхэндя: «Нанэкуч тэавэ манушэскэ екджинэскэ. Адамоскэ трэби помощнико». Дэвэл подлыджялас кэ Адамо жывотнонэн, соб ёв тэдэл лэнгэ лава. Нэ ни ек животно на подгия Адамоскэ дэ помощники.

Тэнчи Дэвэл дыя Адамоскэ боро соибэн. Коли ёв сутя, Дэвэл лыя ек лэскиро кокала (рёбро), и кэрдя лэстэр джювля и яндя ла кэ Адамо.

Сыр дыкхья Адамо джювля, ёв пхэндя: «Гэна-кэ ёй! Ёй дасави сыр и мэ! Мэк кхарэлпэ ромняса, пал дава со ёй кэкокалостэр ромэскирэстэр». Гэн пал со ачавэл ром дадэс и да и кэрэнпэ ек цэло пэскирэ ромняса.

Палэ дова сыр Дэвэл скэрдя муршес и джювля пир Пэскиро оброзо. Ёв благословил лэн и пхэндя: «Мэк тумэндэ авэла бут чаворэн и внукэн! Пхэрд~ пхув!» Дэвэл подыкхья со скэрдя Ёв и удыкхья, со ада куч, и исыс дрыван лошало. Саро ада исыс дэ шовто дэвэс дуты.

Кэ сёмо дэвэс Дэвэл скэрдя сари Пэскири буты. И благословил Ёв сёмо дэвэс и кэрдя лэс свэнто-дэвэс, пал дава со де дава дэвэс Ёв скэрдя (закончил закончисалыя) сари буты. Дякэ сыс скэрды Свэто и саро, со пэ латэ.

Библэйско история из Бытия 1-2